¹ Jisasi ayafate gumini, amuna iniyabainta anaem abakureno. ² Namon okagakabam bainta, ben okampa akonoyandem semi, Iyeno, eni ayimbanabe, sofaono simi ofaem. ³ Jisasi ayan akudemi okaemi,semi, seni ofaerare. ofaimi kipemi. ⁴ Jisasi bem samemi,maro iye siyimeba, oreba, Gotini yokam baintaka sususin dano.Mosesi mini adabani sirami bemi. ⁵ Jisasi Kapenium kundemi,Romani yokambanta ofaeino bani Jisasimpa indaemi, ⁶ semi,Iyeno senti yokarinta, akarayam ukukam manda anbisi marem naumpa bako? ⁷ Jisasi samemi, orei ofa onteu, ⁸ Romani yokambainta semi, Iyeno,iye antekaunobe umpe, sentima iye binonami,pa makabe sinaka sofaem marano. ⁹ Seyabake,Iyena dafisiriukano beumpe,Aminukandae sei bono,yeno marasunani mareno. ¹⁰ Jisasi indiremi,amoyurem siyimemi semi, pukabe Isarariku iye sam sirima namino semi. ¹¹ Emi sameko, amuno ukami auritapate, akumintapate Abramiba, Isakiba Jekopi unama inarumpa nananteno. ¹² Inarumpa barare seuni, ayufunkimi karudani, ifideni yibakur arafinteno. ¹³ Jisasi Romani yokam baintabani semi, bono, anduni munkeona andabani, ofaini mara nonamino. ¹⁴ Jisasi Pita ama oremi,Pita akon inini, umondam arebami o onemi. ¹⁵ Jisasi ogaimi kakipami, ukukemi nani yofaemi. ¹⁶ Ayinkaki imi, Jisasimpa banama beyom baintaui yeromi,bayasoni abamar anemi, yibainta bai asofeno. ¹⁷ Miniasapate,Isaiysa mani sirami, beni oma aka anabisi maranteno, siram bakemi. ¹⁸ Jisasi onanimi, amuno ubikami, meya ena ofa Garari birani siyime moni. ¹⁹ Siyankan baya indi ukemi siyimeni, semi, yoyikam baintao inkempaka binteba, seyanda i bonteu. ²⁰ Jisasi bem samemi, afasam iyami masi i dukemi, numi madukemi, minukami banta aga ma iyan dukemi. ²¹ Ena Yokarinta semi, Iyeno eyosina sesifom maro masi fareka ono. ²² Jisasi semi, sinaem yeno, eanam pukeni beya masifano. ²³ Jisasi boutikim urini, beni yokarintau abakureni mikimi ureno. ²⁴ Iyena sisoba nama,anama non amuka adimi, bouti nom dabaemi.Jisasi mikim onkai dukami. ²⁵ Yokarintau bempa yereni,seni, mayau sofaono, Iyeno o pukonu nabare. ²⁶ Jisasi yena semi, nebara fekefono,yinduni munke yomi kapa dukam siremi, ukukemi sisobanama anama sankami maro kakipemi. ²⁷ Mini baintau amuna indiri eni seni, inkenukam bainta bena sina sisobaya nomba benabaya indeyafo? ²⁸ Jisasi ena opa, ena makafa Gadarenesi oraimi, kambainta kimi bami bakemi, Jisasi nama mana kaki eno.Yeni bamasipate yeno, iyena eranamai yeno, mana asa iye binakomino seno. ²⁹ Yeni badureni seni, enama neka onuno, Gotin akako? mayau uman simirara maka yefono? ³⁰ Mikai amuna forui mika nanineni, adekai bano. ³¹ Bami abankemi semi, sisinkatebe, sisinkaeke forukina dano. ³² Jisasi siyinkemi semi, yanka ono simi, bami ademi, forukimi ofekemi onami yayeni ayafa undeni, nompi indaeni fukeno. ³³ Yena foruka dafisakeyo, yayeni makusapai,maro uma bayani siyimeni, kambainta kimi bami sankeninani iyena siriure indeno. ³⁴ uma makuni, Jisasi onareni yeno. ye onareye sameni, mana maku e ebono.