¹ Judia banta iyebac bam makafa Yoni nom manyin kevayi siyimemi semi, ² "Yindum baigako inarum maku adekai yiteno." ³ Mi benani Koctin avam bainta Asaiya baya siyimemi semi, "Maya nic aranic banta iye bam makafate aremi, Iyenamic ani uwic ankano, ayuc mandan antekano." ⁴ Joni kemori ayoka uwantan anene uremi arac nanki nan dumemi. Beni yunami findom nama afasam Bonkafumi. ⁵ Afo Jeruslemiuc nama maside Judia mini makusinkake Jodeni nom benipate bevapaci yeno. ⁶ Yeyic manda andau kar sinkune semi, Jodeni nonkim nom manyinkemi. ⁷ Afo amuno Farasiva Sadusic yonani nom mararani be benipaci yeno, beni yenani semi, "Yikeni manda memamo, iye emi samina yerere iyayintefe. ⁸ Yidum baedana ayoku yayakam ira. ⁹ Iyevaka bayani seko yikena bana konkim, 'yikeunama sifo Abrami bemi,' afo seni seci eni Kocti amakai Abrami agakuc manadan fabaritemi meyam onabaka. ¹⁰ Bani sasumen yayanukimi bemi, afo masiden yana ayoku akama iye iranimi akeyaremi ikakimi acnintemi. ¹¹ Eyandum baedanai seni nomarakanteuc, sentinaim yinanim semmai siruremi anom erarugami dukemi, amankac akantikena su iyen seni maranteu. Beni yikemi ayoitanamac ikafoyaba ic nom manyinkantemi. ¹² Beni ataya foko fo ic ondaremi maku mandan amandaremi masidem witiuc mandan asawaun manakim demi iyevac kipevar ikakimi yunkatemi. ¹³ Afo Jisasi Galili ken Jordani nompa ic yeraimi Yoni nom marankemi. ¹⁴ Afo Yoni semi, "Eni semi nom mantikanonami suna mi eni se baunafa ic yena mino." ¹⁵ Jisasi benani semi, ece anam mini make bano, macni faten yikeunamac uwandan mi Kocti sirukenimi antekantem. Afo Yoni eyo semi. ¹⁶ Afo beni nom mandemi, Jisasi agen ukam nonkike ukuken onami, inarun ona diyimi. Beni onevami Gotinic Ayointa nun kacna ci akem kumemi benkac kundo femi. ¹⁷ Onami, inarumpate mana arani yemi semi, "Mana sentikac kukami. Semi anon simoyini emi benani."