¹ Jisasi beyic yokar intauc yicvimam demi beyic eran yimiremi bega ci manda ocenuc yivamam acnekai manda yikac anecne benim kipa yinkago. ² Afo mini yogam baintauc yivickuc i maya Saimoni, (avic Pita), Andrun ben afaci, Jemisi Zebedin akac Joni ben afac ena ³ Pilipi ba Batalamiu ba, Tomasi ba takisi mareni bainta Matiu; Jemisi Alpasiunin akac ka Tadaeus,. ⁴ Saimon sealoti bac kutanugi im bainta Judas Iskariot ⁵ Siyankare afapate kar omademi Jisasi siyinkem. Beni indem yimiremi semi, "Iyevakaci ena magufac bogo mapac baintauc beyompac, ena Samaria magufa bac iyebaga umpegago . ⁶ Bogo Isaraliuc beyom makim dompirugam sipsipiuc benone ; ⁷ 'afo bintevai maro siyime sevai, aci Inarum makuni acdekai yintemino.' ⁸ Yiku kipayinkare,fukeyou ukukayinkare, yikar ayam antecyinkare, mandac ocenuc benin yomandar acnure, eni fayugam mande fayugam yime. ⁹ Iyevaga ci goli, silva, kopa, iyevakac unankim badec bo. ¹⁰ Mandenoyom unam iyevakac iyapac mare bo, o aba anecneuu, akatinkenau, yunana mana ca anecneuc. ¹¹ Inken anom imagu ya sito magusina sec urintefe, antekanayo uyac minikim yifaka, afo yenama bake baci yere yinka. ¹² Afo yen yimac urinte, ayayinda. ¹³ Afo mini makim ma ayoguc bana, eyic ayokuc mikina da, onanom ayokuc iyevana, eyi ayoguc oveke bac mara. ¹⁴ Ema avicmar iye raya, ena avaya eye indiya, mini maguyac yerere binte, agantakena kayo yere dunduyare bac i bo. ¹⁵ Fugabe emi sameko, Sodom, Gomora ma mareyon umare, mini baci arugeno inayem koc nurama yinanine . ¹⁶ Onano, eni sipisipi ken banaci sankaege i afasam iyanuc bapac i rego, afo eyogaga ci memageva ci daviseno nukev ci fegano. ¹⁷ Banta anasi jigara ci fegano! Avigeni kansorouc bampa ci binte none! Avicmam maro mam makindeni yafin arintenone. ¹⁸ Senarontireni emi avigeni iyena iyena davisiruc bapaci maro uguka yinkanteno, baya na mapac baintauc siyimin nona amankai yemi siyimi nonami. ¹⁹ En avicmam marondaya, eyevaga feke se nevec sentekafu. Mini yamu sinona bayani amintemi. ²⁰ Eya sinonanai, enafon ni ayointa enkinke sintem. ²¹ En afagaba avigem bintemini afagaba fugonovare, benafo beyaga minitemi. Anucbaci ukukeni mininteno yenyino yifouanamac fugogovare. ²² Amucna iniyabaintan emi mandai uankanteno sen tivickim, afo iye arar intefe arasa yamu, miyi pabantem. ²³ Ema mini magusima ariyave, enafagac iyayono, fugabe enani sego, iyevac Isarailic magusim ovananami Banta Agac yintemi. ²⁴ Mana abakurim bainta beyic iyenon iyen yeankagemi, yogan bainta vac beyic davisim bac iyen yean kagemi. ²⁵ Amacnkai abakurim bainta bac beyic iyeno ke intemi yokam bainta ba amankaci davisim yokam bainta ke intem. Yena banano ma ofo na se umade uyani siman mandai minteno. ²⁶ Micni mugaci iyevac yengigam fegago. Iye vac ic mana opa bananim afotagic mintemi, opatena anecne iye onanteno. ²⁷ Ne ayufumi samegafu, bayakom samegafu, dandake akam pem samekuna, nanamuntake sameno. ²⁸ Iye vagaci fegano eno en arumam pukinani nare. Iyeva fegano enou arumar iyem pukintem ben agarai fegano o nama amugu namac i igamagufaci danayin ac gara fega. ²⁹ Sito monikac kantan nun kanda iyen yeminteno micnimugam magapac maya iyen pafasintemi. Eyafoni ayintim. ³⁰ Afo en acnoyo baci umacdemi yami dagemi. ³¹ I ye vac fega, amucna numaci yeankare iyena anecne ugami banami. ³² Micni mugemifo iyeci sentivaya siyimintefe seyandai sesifom samenteuc inarumpac. ³³ Iye semi bantaukim umactisin kenafi. Seyando baci sesifon okangaci ayofan ankanteuc inarumpac. ³⁴ Iyevac indeko seni avacbaga marec mana magagac kumegaunie abacbaga marec kumegaune, avaiyandadam mare kumeupe. ³⁵ Afo seni kumeguna bantauc beyafom mandauan kanovani kumeuc, akinta beyanom mandac uankantemi, benanafuc ano beyanafuc mandac ungantem. ³⁶ Mabeyon kinge banta namugoc mintenone. ³⁷ Iye beyano afom abacba kukanenafi semi iyen abacba usikeno, iyec beyagac aramum abacbagugan enafi, semi iye ayokufi usinkeno. ³⁸ Iye beyic kekac ya mandarenac sivakurin tenafi, sen tivakurintim ayogufi iyen ugemi. ³⁹ Iye beyandum fakantenafi maro dopini intemi; afo iye beyandum senti siyinta maro dopirintenafi beni marari mana intemi. ⁴⁰ Iye avikantenafi semi sivikantemi, iye semi sivikantenafi semi sisinkenimi avimikantemi. ⁴¹ Iye Kotin abam bainta avikenafi benkikena ayac i maranonami afo ayokuc baintac avikantenafi, bangingena ayac maranonami. ⁴² Iye mana sitoguc yimintegafe. Mana iyonnon ana amintefe mini senti yokam bainta i, fugan sirec samego, mini asapate beyic ayokuc iyen dopirintemi.