⁹ Dakeva Alotu namatapa ago isapa kalama, wa-wayapa imi togana, pigo Diotrepasiva, tave yagwalai bitami kuna, akeva kamba tavapitae. ¹⁰ Pila pimi kunda, dake kana kilomepa, pigo dakeva kogano suana wakava agaveveme agakiluwe, pilavimi kuna tadalemba kipa kamba ivama aogi poitae. Pigo akeva ivama iyekusa kina pitaganava, alotu dama pindisava igaluva kalatae. ⁵ Dadanemba'o, kakeva kaumagapa amigalamagina, eliya anava tandalaga gigeva pite, aulo kinambi geva pugagane. ⁶ Kegavala pagusama aogina bikinanage, aka avume-avume ma bikina suana oilima bikilamepa, kakeva aoginalasa pugagane, Goti avimi kigeti wanomae. ⁷ Anaviye otamae, ikeva Tave Yagwalama agela wamagini, kaisanava kamba betawe, ikeva Juda kina yakuna. ⁸ Pilavimi kuna, takeva wa-waya bitapa kambasa suana poitama, a'ogi eliya kina bisu pikilune. ⁹ Dakeva Alotu namatapa ago isapa kalama, wa-wayapa imi togana, pigo Diotrepasiva, tave yagwalai bitami kuna, akeva kamba tavapitae. ¹⁰ Pila pimi kunda, dake kana kilomepa, pigo dakeva kogano suana wakava agaveveme agakiluwe, pilavimi kuna tadalemba kipa kamba ivama aogi poitae. Pigo akeva ivama iyekusa kina pitaganava, alotu dama pindisava igaluva kalatae. ¹¹ Dadanemba'o, kakesa agasua suanava a-alamba, kakeva aogi suana alamba biyese. Kegavala aogi suana pugagambe unamagava, kakeva Goti-daga guna, pigo kamba a'ogi suana pugagami kinapa, akeva Gotipa kamba agandiye. ¹² Kogana iumawi aluwage pinda wa-wayambiva, aogi kamana Demetiliasi kava otagagawe, pigo ikeva pamusama, aogi yagwalaguna akelasa yagwalae. pigo takeva tagambane bo-otoma, pigo pila geviyo, kamana yombe omava tagamba tasane. ¹³ Dakeva ataluna bindembeku isapa kalama kake tandiva aisaga kiluwe, pila pimimbapa kagona anava isapindi kamba kalama aisaga kiluwe. ¹⁴ Pigo dakeva kaolapa, avagana kagonoma pilagepuwe, pigo dakeva kao-awalapa kagama kamanapa eyomba suwe. ¹⁵ Tavelembada aumama nawapa tigegeva pikiye. kogano tandalembiva aogi nugaema kaketandi aisagawe. Pigo aogi nugaema kano kano dada naga kitandiva aisago.