¹ Himindo yagwalama isa kalama iumawi aluwagema binda wa-wayambi tandi aisagate, anende imbi tandi aisagate, kegavala davugambe akelasa kamana pindi dakeneya, pigo kogano akelasa kamanapa ago avindune. ² Anaviye otamae, akelasa kamanapa take pindi bindembe kuna, take pindiva kogano dugava bima unda wakiye. ³ Pigo aumama nawa omage, andala anawa omage, kauma beluvapuma bikinanawa omageva takegeva bikimi kuna, Goti Tavalemba-ge Jisasi Kraisti aogandamu Anende, Goti Tavalemba pindiva tagamba anayage avumekina nanayage bindiye. ⁴ Dakeva tavela, dabupu wauwe, pigo kagwaisa anende tembiva aogi kamana pindi balo wamekava, pigo takeva pilavise kamana Tavalemba Goti tandisa betombe sapuma. ⁵ Ivava dakeva, kakekava tavela dambu puga tauwe. Wayamba, pilavise kamana asaya kalauwe, ago palitasa bindembe kuna, pigo a-ka avume avumema bi ise. ⁶ Gotinda avumekina suana wapindi wamagita, alamba pilavise kamana wakava, Goti auma omava puma avolanomae. Pilavise kamana ago pali avidambeta, pavita biyese. ⁷ Pigo atalu avi kama ikina kinapa, ago kogano bavindi waga lamekuna, pigo ikeva Jisasi Kraistikava, Goti Anende kanaemava kamba pagusa tawe. piyapa ikeva avi eliya kinane. ⁸ Agaiyo tikelika, tikeva tigeluwa nava apuma, eliya pombe anagava, pila pimikuna tikeva kogano apepa bekilawe. ⁹ Kegavala pali wama Kraistinda polenda kamana wapindi kamba ima egema bikilambepa, piya winagava Gotiva kauma vindiva kamba bindiye. Kegavala polenda kamana pindi ima esegima, bikilambe una magava, piya winagavakava gambage anende kakeva bindiye. ¹⁰ Pigo kawina kanama polenda kamana tike tandi kamba bete kana kinapa, dama dipindiva a ivama iyekusate imeise. ¹¹ Kawinaga aimema kwaligine ota kilambe bagava, akeva kamba ogi suana, kwana yagwala manda pugagae. ¹² Dakeva atalu nalasa bindebeku isapa tiketandiva kalama aisaga kiluwe, pila pikilome bapa isapindiva kamba kalama aisagakiluwe. Pigo dakeva kana kina pilagena pomeku, pigo tiowalapa amba tigamagi kamanapa tikegeva uma mima, pigo tamalagu ana omava awaitawama biklune. ¹³ Tamanaba anende kindu, kakega alapoitatambe biva kwaligine ugatawe.