¹ Polige Timotige, eliya kina tara Kraisti Isu nda, tige mo kaga tiyota aigimba Kraisti Isu nda minde Pilipai, tigeke ayeva yakarage dikeni kinakema. ² Tigege aumama enawake auma akusanda enawakeva Anutu tavalemba ke tavele Isu Kraisti kendava tigege mikiye. ³ Nayeva namu potauwe Anutu nemba kava kaga yaga napi nate kava . ⁴ Kaga yagasa pure ndepa tige kaga kina mitipindi mindiye, pipa kaga namu enane pindisa purepa ugagauwe. ⁵ Nayeva aisa kamana ndepa ulita gagauwe akima mima mono kamana uma asa agovima mita kanama ma iva mekane kava. ⁶ Nayeva tavela pikava esegi ena meuwe piyando pekava, pi aogi eliya agovitati kanda vindi pulite wama uma pagivibika pindaga Isu Kraisti kanakina. ⁷ Pipa aogi esegiena meuwe tige kaga kinamitika nanda vindi miweka. tige kagapa amba nagaya puwateka tivuwama nage igana vindi mitope nawime kenana vindi vela mono kamana pagusa kenana vindigeva. ⁸ Pipa kana Anutu va nagatagi putuwe, ayamba paya tige kaga kava napima nandara pulita gagauwe Kraisti Isu pindi ⁹ Nayeva piyamba purepa uwe: Mo tigeva asewama tivuwa kenana vindiba meva meva puma napiena vindige pilage enavindi gegava. ¹⁰ Pika nageva purepa uwe paguta aogiena wapa mekana noma, pika tigeva asima esegi viyoma ka kundaena yaga misanaga Kraisti ndaga mekana kivita. ¹¹ Nageva purepa uwe tigegeva aogi yamana tinda vindiba anapa ayeloloma miyenoma Isu Kraisti tisa kanai ndana, esegi yaku pindi age mema inata pikenana vindi Anutu ka. ¹² Ivaba nayeva navika piyamba agayoma, nanatavala, ma nage nauta puma avolati ndanava ayetaka mono ngeliya mevapuma poma vutaya. ¹³ Pina atutiva, nayapindisa seniva Kraisti ndaena vindi kane mekanataya kaga sikiriti kina keke mite pindi. ¹⁴ Igoma nanatavala va meva puma esegienava tave yagarama pindi nayatisa seniva, pi agategini tamatama pute iyekuru lisa kamanapa utaya. ¹⁵ Kaisava tagamba pikamana ikena vindiba Kraisti nda iyo iyepuma napi napa vutaye, piyavutegana kaisava aogi napienava vutaye. ¹⁶ pi kaisava wasanaga avuwa kenana mapa uga avei mitika, agalima nage vuto mono kamana mema awili kena vutuwe. ¹⁷ pi kaisa ginapa paisa aukwaisa Kraisti ngeliya punema ige mema inata putepa, kamba esegi vutaya. Ige napitepa nage igana vindi mitoka nage ngeliya ugasuga vikena vutaya. ¹⁸ Nana viye ukune? Pavi kane kaga aukwaiva, pavi uga agoenayo o tagandanayo, Kraisti va pagutaka mindiya, pikaga namu puwa. Ye, Nayeva namu puwakuwa. ¹⁹ Nageva ago agauwe atuti mekanakiye nage nawime kenava pure tige uma nopikive ndana oma Isu Kraisti Spiriti vindi. ²⁰ Nage vika nagaenaga navusu vipa agondana omaka napima vikena voka kamba nani pukuwe, pindanava asima esegima vikena, ma ivaba vela kaga yagava, Kraisti age mema inata pikena vuwe mandau tasa pukuondana lasa, paviyama naogama mikuwo pulukuwo mava. ²¹ Pipa nagenda naogama mikuwo pulukuwo mava Kraisti ndanaye. ²² Piyavika nageva ma ndauta naogama mikuwo tapa, pina amingapa nayeva eliya pukuwo tapa anapa igoma ayeya noma. piyaviya ayeki agaluva kuwe? kamba napiuwe. ²³ Pina amba kunda vuma hati vunataya taragi amba avola wagina. Nage ndapienava ano atategi Kraisti ge umi yenoma, pipa meva puma kanara pikiye, ²⁴ Pitova kanara pikiye naogama minda eliya pukuwopa tige tiyopikena. ²⁵ Pika igoma tapa napiwauwe, Nageva ago agauwe naogama minda evi evima eliyapa tigegeva penoma, pindanava titipulitama timundana yaga timatiti pikive pindiva. ²⁶ Piyavikana nage pindisa tigeva mesu anosama tige mema inata pikiveya Kraisti Isu pindi nage kanakilipa tigeti. ²⁷ Tave enava tigelipa aogima nasindili aogima mono kamana Ktaisti ndala asima esegi viyo, piya vika kanauwo tigakenava kamba kanauwo, nageva piya veye kamana tova avukuwa, tigelipa asima esegi pulindili ka spiriti vindi, ka ndapienala kagapa kavona viyo timatiti pikena mono kamana pindiva. ²⁸ Tigeva a tiyekuru viyo mo kamba amenda puma ika limigage kinakava. piyavikivepa amandana igewi pikivekana kamba lagaenawi mekiveya,pipa tige tiwi mekena omandagaya---pindanava Anutu tisa kanakiya. ²⁹ Pindana geva ago tige timi gaindana, Kraisti agelaka, tige timatiti pikive kamana nane, tige tivuki vaki ena age agelaka mekive kegaye. ³⁰ Pavi kamasa kunda nage pindi nagate, pavi nage kamana avigagesa puma