¹ pinkawa yaga vindiva, pipa tave gina mitaye, nanindava kamba kini uga mitaye."Isu va kegaye uma eliya ndakaraga piya oimitine, ² "Nayeva tave nandara peye mangawa ginaka, igeva nagege mata miyava miyegana kakaga yaga atawa gasaye naninda kamba nanda. ³ Pigo naye isagakini naninda kamba nanda wakivepa keti uma iyonanda pikiveye. Kaisa ginapa pagasa malasa ginanema." ⁴ Ayenda eliya ndakara miva awema omitaye,"Ayetasa kana bretiva mekunema wawaya imikenava mapa kabuvindiya?" ⁵ Aeva ivigataye,"Ayaki breti ulindayema?" Igeva utene."Seveniwa nema. " ⁶ Aeva mongawa ginakava mala miyo oimitine. Aeva seveniwa breti mema, aisa utaye, pigo apako vuma. Aeva eliya ndakara imitaye yetamima imiyoma wawaya. ⁷ Igeva kaisa noyandava atama mitaye, pigo aeva aisa kamana otate ginava, aeva yege kamana oimitine makeva mema imgina nayoma. ⁸ Igeva nama igaye pawataye,pigo igeva atunatu yenava mema wanu gupindi ilagitye, pipa sevenwa kuto awagitataye. ⁹ Kana wawayapa fo tauseni wakinane. Pigo aindiva isa kaite. ¹⁰ Avaga enaga aeva wowale vindi payopulite eliya ndakara wake wataye, Igeva to aukwailo wataye Dalmanuta ilo. ¹¹ Pigo Parisi ginato kanama amba maka otataye. kaisa inatisa ena pegata aganoma, aye ataka potakena. ¹² Aeva kunda ena tavela taka spiriti wapindi melite piya utine," Igeva nanaga inatisa tave ena vuma tayakova yeyema? Tagamba Naeva uwema, kamba laka makina miva kaenava agagaki veyema. ¹³ "Pigo aindiva itate, wowale vindilo asu payo pulite, watene kayo wani malo nkaukai. ¹⁴ Igeva eliya ndakara miva igeguwa vuwatene breti mekenava. Igeva ka kekepa kamba mitaye wowale vindi geva. ¹⁵ yunana kamanapa piyamba oimitine," Aogima kavima mi-iyoma Parisi ginaka yisti mete naseya,Heroti yistige." ¹⁶ Ige eliya ndakara wambiva nanaga iyema iyoge utaye," Pipa mo tage breti kamba menda kanombeka iyoma." ¹⁷ Isu va ago iyogisi pulitaye, aeva piya oimitaye, Tigeva nanaga aviga viga enava vuma miyeyema breti gava? Tigeva kamba meyayoma? Tigva kamba napiye yoma? Tinda omapa anaga akunga yema? ¹⁸ Tigeva tiyova mindiya, tigeva kamba agayoma? Tigeva tigeva mindi yema, tigeva kamba aveyoma? kamba pilage veyoma? ¹⁹ Mo nage breti apako vuto paefu tauseni wakina pindi, ayaki wanugupa ilagitaye apako vakuva?" Igeva omitaye," tuwolupu wanema." ²⁰ Ka yagalo apako vuto seveniwa bretilo fo tauseniwa kina pindi, ayaki wanuguto ilagitaye?" Igeva omitaye seveniwa nema." ²¹ Aeva utaye,Tigeva kamba napiga yema?" ²² Pigo igeva kanataye Betasainda. To wawaya miva ka aolika yagara avamete kanama amba avigataye kaya auta aigaya voma. ²³ Isu va aolika yagarama ayata ulite, kuma tisava avabute avei wataye. pigo aisa aovindi tipe potama auta malo ulite, avigatine, Kayeva kaisa enava aganoma?" ²⁴ Aeva malo agategina, piya utaye,"wasana nasipa ya nasisu vegi agauwema." ²⁵ To aeva aya malo atatine aola, pigo kana yagarava aova agataye,pigo kaga ayogi vuwatine,kaga enava pigo agavebema agataye. ²⁶ Isu va aisagate nakati woma piya omima," A tawoni vindiva woma." ²⁷ Isu va to wataye eliya ndakara wake nama mbali Kaesariya ige Pilipai igema. Pindagava aeva eliya ndakara gava ivigataye," Wasana miva nayekava kegaye yeyema?" ²⁸ Igeva awema omitaye, Joni wani meimi gagai ndagaraye yegana. kaisa miva yeyema,' Elaija yema,' kaisa miva,'ka profeti yema ." ²⁹ Aeva ivigataye."Pigo tigeva nayekava kegaye yeyema?" pitava omitine, ³⁰ "Kayeva Kraisti gayema." Isu va esegima iyunana utine wasana gava maye kasava a oimiyoma. ³¹ Aeva agovima poiya kitaye wama ndagarava igomata avuki vaki enava mekiyema, alolisa anasa mive Pristi lisa tave yakara mive alo kamana aganda yakarave, nayegu kivenema,piya vigi kakaga yaga migaite mesu asikuwema. ³² Aye piya utipa alagasima utaye. Piya vutagina Pitava agayesi avamete wama kamba yema pindanava kamba vikiye utaye. ³³ Pigo Isu va awema igavebe vutaye eliya ndakara waka piya vute Pitapa aomana sute piya utaye,"kayeva me nakai atawoma, satani! Kayeva Anutu nda enaliva kaumava kamba age venema,kayeva wasanami ndapiela mindanema." ³⁴ Pigo aeva wawayake eliya ndakara wakega igegaye utine, aeva piya oimitaye, " Kegavaya naye nagalu vakenava, ayewapa aumava mala tumeno,aeva alapa yava ayesaga ulite, amba nagalu vano. ³⁵ Pipa kevaya auma waka upeve vuwa kivipa iteta gaikiyema, kevaya aumawa iteta gasima naye ngeliyaka megaite naye kamana ndeka megai kivipa, auma wapa mekiye. ³⁶ Nana oma meva puma atopota kiye, kaga mavindisava nana aogi yenava mekivene, pipa kauma gapa megai kivene? ³⁷ pipa nanalasa kauma gapa ika pikivene? ³⁸ Kevaya anipikivipa nayeke kamana ndekega kupiyo gina kamba laga agunda kinami iyola, wama ndagara mava ayekava paviyama anipota kiye, aye inatisa esegi enawa pindi me kananda kivi ndaga avawamba nda esegi angelo yaga."