¹ Pigo parisi kinake kaisa alo kamana aganda kinake kanataye Jerusalemi isa kanama amba agive putaye. ² Igeva agataye kaisa eliya nkwa ndakarami ini ndana yaga naninda nayema, iyandana kamba vunda nategana. ³ ( Ige Parisi ginake kaga Juwisi ginakeva iya kamba waninge ndatapa kamba nagagaye pipa agola waninge gasima gakana, pipa igeva paisa anasa ginami oiminda kamana alakupeve ginakana. ⁴ Ige Parisi gina maketi lisa kana ndiniva, iyandanave wanipe agola paikaitega nakiveye,igoma paisa enava uga ulinde kana,paviyama kapuve pletive, kopave, tinive,kaga enava naninda nakenanava aogi vugasima gane.) ⁵ Pigo Parisi ginake alo kamana aganda kina keva avigataye Isu ka, "nanaga eliya ndakara gambiva anasa ginami kamanapa kamba agaluva yema, pipa igeva iyandanava kamba vunda bretiva nata naseyema?" ⁶ Pikava aeva oimitine."Aisaiya profeti kamana kaigata yema tige kambari kina miti kamanapa, aeva kayetine, makina miva iwamutasa nageva mema inata peyema, inda omapa pagasa laka mindaye utaye. ⁷ Ugamba nawaga gaipa unatama miyeye utine, wasami piya vese maya vese kamana kaye malanda ena oma napiena vindi miwama. ⁸ Kayeva kiki pugaite Anutu piya vesema kaye malandapa wasama kaye malanda upeve vuwane." ⁹ To aeva kakema oimitine," Ayambaka kayeva kaka amiga sanema Anutu piya vese kamana kaye tatipa paisa kayeka ndaga alakuma misinoma! ¹⁰ Pipa Mosese va utinema,' Amenda poma kanoke kavake kava,'Kevaya kamba laga kamana anoke avakega ikivembepa puwaki venema ugaindane. ¹¹ Pigo kayeva yenema,' ka yagarama anoka avaka,"nanavaya anoke avake amuku wema alapikivi,"( to kambaya.' Anutu amukuwe')-- ¹² pipa kaumaga kamba gasima kano yo kavapa isyopi kivenema. ¹³ Kayeva piya vesema Anutu kamanapa agasanema paisa atagamba kamanata asiwama mitawane. Pavi kamasa kamanata asiwanema. ¹⁴ Aeva kegaye uma kaga wawayaka piya oimtine ,"Ma naviyoma, kaga kinamita, aogima napi-iyo. ¹⁵ ka aveisa ena oma kanda vindi tumi kivi ndana omava kamba uga suga pugataye. Pi nanavaya wasana anda vindisa ikivi ndanama oma wasava kamba aogi enava potaki utaye." ^{16 17} Pigo Isu va wawayapa itategina nama pindi itaye, piya vutagina eliya ndakara wambiva ama kamanaka avigataye. ¹⁸ Isu va utine, Tigeva kamba laka avibeve pugayoma? Kamba agayoma nanavaya aveisa ena oma wasana andavindi ikivipa kamba laga enava kamba potakiye yopa, ¹⁹ pipa aeva kamba amako vindiba ikiye, aeva pavigo andavindi umigate iyegali wagai kiyema?" pikamana tasava kaga nanindava waninge gaitaye. ²⁰ Aeva utaye,"pipa mo wasana andavindisa avei kanai ndana oma wasanava kamba aogi ena pota gagaye, ²¹ Pindana omava wasana, amako vindisa, wama kamba aogi napiena kana gagaye,kamba aogi napiena, kundana, wasana aeguke nanaye, ²² kupiyo enaye, kame ndaenaga kavu wakena naye, kayambu mamagi enaye,kame nkwe akayo kenana, kawo iye enaye,naega minduwe, tave naye,aivo enaye. ²³ Pingawa enava wasana andavindisa kanaye,pindana oma wasanava kamba laga pota gagaye ²⁴ Aeva asilite gina watine ka aukwai Taiyage Saidonige. Aeva nama pindi watine aeva kaisa ginami aora agasana gava kamba avutaye, piya vutipa kamba kaka wataye. ²⁵ Avaga enaga ka nkwe kanataye, ka amana ngalaga ndowa kamba laga spiriti andavindi mitagina, kanaye kamana avite, kanataye, avaga enaga amba agisa vindi alaka vitaye. ²⁶ Kana wepa Griki wene,atawapa Siroponesiya. Aeva avigataye kamba laga ena alagawa mba andavindisa agalu vakasoma. ²⁷ Aeva waya kava omitaye,"atagana yagarama amalu ndanindava nanoma. Pipa kamba aogi viyema yagarama breti mema kala awamu pindi amembepa." ²⁸ Kana wemava piya utaye," Ye, Tave yagara,kala omava yalage lisa ininkwa mavindi tumuwai nagagaye omitine." ²⁹ Aeva waya kava omitaye," Pigo kayeva piya yembeka, Ivaba kayeva uga woma.Kamba laga spiritiva ago alagaga mba pindisava wagasayema." ³⁰ Kana wepa nama nkwati watine wama uma agatipa alagawa maluti mala mima miti, kamba laga ginapa atate wagai tagina. ³¹ Aindiva aeva watine Taiya isava, wama Saidoniva wogaite kayo waniti Galili wama to aukwai Dikapolisi wakena. ³² Pitasa kina milova kaisa age gunindake awamu kamba kamana sundake,avabute kanama avigatene aya igayama iyopenoma. ³³ Aeva avamete awali watina igoma mite pindisava avili, aeva ayava lasa age vindi pakala vutine, aeva aisa potama, to andevula aigaya vutaye. ³⁴ Aeva inati malo agatine,aeva piya omitine,"Eparata,"pipa piyambaka utaye, " Aigoma," ³⁵ piya utagina avaga avitindava aiwataye!"pigo awamu akunkwa tikeva megaitagina kamana alama utaye. ³⁶ Isu va yege kamana oimitaye kaisa gina kava a oimiyoma.To meva puma yege kamanapa oimitine,tavela meva pugasima pagusataye. ³⁷ Igeva tavaela pami ndami puwama, piya utaye," Aeva kaga enava aogima piyema. Aeva age gunindake awamu akuninda keva kanara poitayema,"