¹ Aeva pigo pitiva atategina mago wati watine, ayenda eliya ndakara wapa agaluva ulite watene. ² Pigo Sabati yagava kanata gina, aeva uma poiyakitine tave alotu nama pindi, Igoma kinapa kamana uti avite yumava pilatage vutaye. igeva piya utaye, Ayetasa manda piyenava metayema?"Nana napiena aeva metayema?" "aola kamba agandombe tavepe ena vipa ayatasa." ³ "Kana mapa kapenda yanoma, mapa Mariya ndagara yema anata balava Jemisige Josesge Judasige saimonige yema? amana palava tayegeva kamba minda yoma ?" Igeva kamba laga kamana otataye Isu kava. ⁴ Piya vutagina Isu va piya oimitine, "Profeti ginapa aeva ageva mindiya,piya vipa mawatake aokina akapindige ayewa ndama pindigeva ageva kamba mindiyema," ⁵ Aeva tave eliyapa kamba vema pikiyema, Aye vikibi ndanava kaisa aiyena gina aya atakini kavali kiyema. ⁶ Aeva igomata napiwatine ige kamba imatiti putekava. Piya vutegina aeva nasima kaga ndama kina pindi poiyakita nasitine. ⁷ Piya vutegina aeva igegaye utine tuwolupu wa ndakaraga pigo aeva isagataye waiyoma tara tara, pigo aeva tave esegi enava imitine kamba lataga spiriti omanda gava. ⁸ Piya vute igokayema puiya kitine wasana mitisa kaisa enava a meyoma nasiki vetisa gava , __bretiva kambaya, kopa kambaya, mone keva kambaya kavamu kandiva kambaya__ ⁹ pigoya sendoliva puliyo,tara siotiva a meiyo. ¹⁰ Aeva piya oimtine,"Tigeva ka ndamapindi uvasindi lipa, pavindama pindi mima toakwaiva waiyoma. ¹¹ Pigo ka tawoni vindi waigina kamba tivabi vikibeyo kamba avigilipa, pimba atate wakena, vundilipa tigisalisa inipa asali vugaite waiyo piya punda malane ikiveka ¹² Igeva wate kaga aukwaiva mono kamanapa uma pagusama oimite wawaya kava agunda enali pindisava tinda awe viyoma. ¹³ Ige indavindi sava kamba lataga ginapa agaluva igaitaye, piya vute masawe pai itama aiyena ginapa aogi poitate vutaye. ¹⁴ Kini Herotiva pika avitekina, Isu age, omava kaga aukwai aviga sayema. kaisa miva piya utaye,"Joni wani meimi gagai ndagarava puwanda pindisa aogatayema, piya vute tave esegi enawatasa tavepe eliyapa pugagayema." ¹⁵ Pigo kaisa gina milova yeyema," Aeva Elaija yema."Evi evima kaisa gina miva yeyema,"Aeva profeti yagara yema, aeva paisa profeti ginami iyoga piyema." ¹⁶ Pigo Herotiva avite piya utine,"Jonipa ago anamu kasa gaito to aogalite kanatayema." ¹⁷ Pipa Herotiva igaluvatine Joni uma alaku ulite kanayoma igana kilokaye tama Herodiyasi taka(Pilip anando nkwe taka) pipa aye nkwe apaliti kana. ¹⁸ Joniva piya Heroti kava omitine," Kamba alo vindiva mindi ndana venema kanando nkwe apalembepa." ¹⁹ Piya vutipa Herodiyasiva alakuma ayegu kena amoyena vutaye,pipa piyalo utipa kamba vutine. ²⁰ Piyama Herotiva aekuru enara Jonipa ayetataye; aeva ago agatine aeva aogi yagara yewasa vuwanda yagara gana, aeva awima uga atatine. Avite potate tavela aumawa pindi kunda meyanoma, piya vutipa amu ndanalo metaye. ²¹ Pigo ka aogi yagalo avolataye Heroti avolanda yaga aeva eliya kina ngambi nda naninda ena atamipa putine, ile ginatasa tave yakarage tave igi minda yakarage Galili isageva. ²² Herodiyasi ngalaga aewa asa kanama wa amba aitatine, aeva Herotipa amba amu ena potatine igegaye utagini naninda amba nate kinakeva. Kiniva kana alaga wekava,"Navigo omitine nanaga vaya kavikibi ndagava naeva kamukuwa ²³ Aeva esegi kamana ayekava omitine,"Nana nanaena gavaya naviga kivembe ndava, naeva kamukuwe, pavi kaisa kindomune ndaga apako vuma." ²⁴ Aeva avei tumima anowamba kava tumba avigatine,"Nanaga omusuwema? "Aeva omitine,"wani mei imigagai Joni anonga yambu namo omoma ." ²⁵ Aeva avaga itine kiniti,aeva avigama,, piya utaye,"kayeva avaga namoma uwe utaye, pama ivando,,Joni anonga yambu ya iwale vindi atama namoma ²⁶ Pikamana ngamava tave gunda enalaka kiniva metaye, aeva kamana ugasota iya aya vukuwema mo naninda nombe kinami iyolake. ²⁷ Ano atate skiriti ile yakara pavigo wama Joni anonga yambu umete kanaiyo oimitine. Pigo ile yagarava wama uma alisa ulite kanataye igana nama pindisa. ²⁸ Utisa puma uma alisama iwale vindi mete kanama alagawe me ngamitaye, pigo alagawe mava anowamba amitaye. ²⁹ Pigo eliya ndakara wambi aviteginiva, igeva kanama awu aliva ambete wasana alu vindi uma kaitataye. ³⁰ Pigo aposeli yakarava Isu ti kanama amba omitaye nanavaya vute poiyakite vute ndanagava. ³¹ Pigo aeva oimitine,"Mati avei kanaiyoma ininga mana mbavindi sava tigelipa amana andola ambina iyoma."Igoma kina taka kanate wate veya, kamba minama naninda nakena napienava peyema. ³² pigo igeva wagaitaye wowale vindi asu payopumete ininga mana mbavindi igewinga mana. ³³ Pigo igeva agategana atate kaisa miva agatepa, kaga mavindi pigosutaye tawoni vindisa, piya vuma miteta igeva kanataye. ³⁴ pigo igeva mekana tepa, aeva igatine igoma kina takaya kanate tavela andara poitataye sipsip ayeva kina kamba miyegina pugagaisa pusu vutegana. pigo aeva agovima poiya kitaye igoma ndana. ³⁵ Piya vutagina pavigo asekena atamisa taye, ayenda eliya ndakara kanama amba omitaye," Mapa wasana kamba minda malana pavigo asekena viyema. ³⁶ pavigo isaga gini naninda ikapuma nakenali waiyo utene." ³⁷ Aeva piya 0imtine igekava,"Tigeli nanindava imigina naiyoma."pigo igeva piya utene,"tayeva wama tuhandareti kina lasa uma ikapuma mengime kana nasiyoma?" ³⁸ Aeva oimitine,"Ayaki breti ulindayema? wama uma agayoma."Pigo uma agatate,utene,Paipu wa bretige tara noyandage mindiye utaye." ³⁹ Aeva piya oimitaye kaga kinapa mala mi-iyoma akila akila puma yoniti. ⁴⁰ Igeva paviyama mala mitaye; akilapa adretiya pifitiya suma piyamba mi-iyoma. ⁴¹ Aeva metine kana paefu wa bretige tara noyandage, Inati malo agama pure otama apakoma bretiva imitine eliya ndakarawa wawaya mikiveta maleta mata viyoma.Aeva mo tara noyanda geva paviya vutine kaga kina ikapindi. ⁴² Ige kaga kina natepa igaye pawataye. ⁴³ Igeva atu natu mema akivutepa, tuwolupu wa wanugupa awagitataye, kamasa puma noyanda geva. ⁴⁴ pavi kaga kina natepa paefu tauseni wa kinami nataye. ⁴⁵ Avaga enaga aeva eliya kina nkwa ndakara gava wowale vindi paitama waiyo oimitine malo ngaukai, Betisainda, aeva pigo wawayapa waiyoma isagataye. ⁴⁶ Pigo kaga waye gaite ganava, aeva amuti itine pure ikena. ⁴⁷ Tunundana mekana tagina, pigo wowaleva kayo wani akapindi mitaye, aeva malakati asa mitine. ⁴⁸ Aeva agatipa tave iguguya kanama wowale amota amba itaye, iguguya ngamava tavela igokaye vutaye. paviya vutawama uma malikena vutagina.avayava aeva kayo wani akavata watine,aeva oigaite paitama wakena. ⁴⁹ Piya vutipa igeva ago agategini wani akavata watipa, igeva keginane ute aye utaye. ⁵⁰ Pipa igeva agate iyekuru vutene.Avaga enaga aeva oimite piya utaye," tiyumava akusama mi-iyoma! Mapa naeya! A tiyekuru viyoma!" ⁵¹ Aeva pigo wowale vindi asu payo putine mo igege, piya vutagina iguguyapa pagivutaye. Igeva tavela pami ndami vutaye. ⁵² Pipa igeva kamba napitene kana breti oma amingapa nanavaya yemava. Pikava, inda omapa yege puwatene. ⁵³ Pigo ige maloti uvayo puwate giniva,igeva pigo malakati kanataye Genesareti pita wowaleva metate. ⁵⁴ Pigo payopulite tumitegana, ige wasana miva ago igataye avaga enaga, ⁵⁵ pigo igeva pigosulite uvaga sawa apaga sawa vutaye mo kaga nkwaisa wawayapa mo aiyena gina wasilte kana kana vikena aetapaya mindiye uteta. ⁵⁶ Nana yagavaya aye kumaka kumaka, yo siti, vindi o kantri vindi nasitipa, igeva aiyena gina mema maketi kumata atagagaye. Igeva piya oimi gagaye aiyena kinakava autasa ena atuta aigaya vuliyoma,piya utegana kevaya aigaya vuti kinapa aogivuwa vutaye.