¹ To agovima aeva to poiyaki tine kayo wani awali, tave gina taka to amba akima agive putegana. Aeva wowale vindi asu payoputine kayo wanipindi, aeva asu mala mima. pigo kaga wawayapa kepiyati ambite gana. ² Aeva igoma ndana poiyakitaye ama kamana vindisa, pi poiya kiti ndana vindiva, pipa nana viye vaya oimtine. ³ " Aviyoma, ka yoga oma avawamba aindana vikena wakiyema. ⁴ paviyma aeva aindanava asikita wakina, kaisa aindanava kepindi tumekana, me kavala ngama ambe nakina. ⁵ kaisava yabati tumekina , pitiva mava kamba mindata tumikiye.pipa avaga enaga asawakiye,pipa malova kamba alaima mindikana. ⁶ Pigo papa mesu iyekana, pipa kaga tamilike kina, avupa kamba kana, ano asawaki yema. ⁷ kaisa aindanava me asalele vundati uma itage kina, mesu ilakivipa asawa kina,pipa kana anapa kamba aekiyema. ⁸ Kaisa aindana tumi kivipa aogi mavindi tumikivi kana greni anapa igoma aelite iyava mikiye, kaisava tetiwata meva puma aeyakana, kaisava sigistiwa aeyakana,kaisava andaretiwa aekiyema. ⁹ "pigo piya utaye, "kevaya age minda kanava avikiya, atagana aveno!" ¹⁰ Pigo Isu va asankwa mitagina, mo aege wakala migage kinake tuwolupu wa eliya kinakwa ke kanama amba avigatene ama kamana ugagaika. ¹¹ Aeva oimitine, "Tigepa eliya timita yema kindomu eliya piyoma Anutu nda. Mo ige avei miyekina mindayema ama kamanapa. ¹² Agasanava aganoma vikibepa, ye kamba agakiveye, pipa kamba agavebe vikibeye, paviyama avenoma vikibepa, ye avikibeya, pipa kamba aogima napi kiveye, o paviyama ige Anutu ti awema indara pikivepa agunda enaipa maigakiye." ¹³ Pigo aeva piya oimitine,"Tigeva kamba napieyoma ama kamanapa? Ayama mo kaisa ama kamana kava napi kivema? ¹⁴ Pi yoga oma avawamba aindana asikipa pipa mo kevaya mono kamana mete nasikayema. ¹⁵ Pi kaisa aindana kepindi tumipa, ago aindanava timi gasagina, pipa avisanava vepa, Satani avaga ambe gasigagaye pi aindana ago asigi gaindapa. ¹⁶ Pi kaisa aindana yaba mbali tumipa, kevaya, kamanapa avepa, avaga imundana yaga meyegana. ¹⁷ Igepindiva kamba avupaye, uga amana andola tumbigaye. Pigo kundaena kanate wasana aegute vuta kanaginava mo kamana avika, pipa avaga wale yewae ¹⁸ Pigo pi kaisa aindana asalele vundata uma itagitipa. kamanapa avitepa, ¹⁹ pi mamba vindisa ena kamana avite, kaisa kambali kamana kanama tave gutaka mekivenema, mo kaisa piya maya kamana ngama ambe gasigagaye aogi kamanapa, piya vegina anapa kamba aegagaye. ²⁰ Mo kaisa aogi mavindi aindana tumitipa pipa kevaya kamana avite meti, pinagi aogi anapa aetaye kaisava-- tetiye, kaisava sigitiye, o kaisava andaretiyema pavi aindana vunda ngawala." ²¹ Isu va piya oimiyine,"Lamuva ago nama andavindi mete kanayoma kondana pumalanda pindi mo atakena vela, o malu amenda pindi atakenaye? Kaeva mete kanama ita atanata amba ita atoma. ²² Pipa kayenava kamba kaka wakiyema agakenava, kayenava kamba kakama enava pikivi kana kaga enava paguta mekana kiye. ²³ Pigo kevaya age minda kana avikenava, atagana aveno!" ²⁴ Aeva piyama toge oimtine,"Tavuma mima aogima avo utine,pavi amivembe nkawa, pavi nkawaga mekivena, piya vegana pita tova avobola puma kamikiya. ²⁵ kaisa enaga atopuma minda kivipa, toge meva puma kamikiye,kegavaya kaisa enaga kamba minda kivi kava, pipa mo kaisa ndoga mikivipa megagai kiye." ²⁶ Aeva togakema utine, kindomu Anutu ndava paviyama ka yagarama aindana mavindi aisa puma yema. ²⁷ Aeva avaga awi tategina aseka toyagava mesu iwayema, mesu ima ayendana vulite igagaye, pipa aeva kamba aga gagaye ayama vaya ikaga yemava. ²⁸ Maomava anapa ayewa aye gagaye greniva: amalupa aye atategina, pitapa ano mesu atate, pitapa mesu esegima ana aye gagaye. ²⁹ Pigo greniva agutagina aeva avaga ano uma kasa gagaye , pigo kaga enava kana nkwata me kana gina." ³⁰ Togema aeva utine,"Tova nana ena oma kamasa pikiye Anutu kindomu va, o tova nanala ama kamanapa atama ukune alamava? ³¹ Pipa mastati yei nkaindana kana aindanava ugena ndondogana mamba vindiva piya vundapa kamba mindiyema. ³² Piya vikibipa aindiva tavelo anosakiye, mesu anosama tavepelo vikiye kaisa yoga vindisa enava agasima, piya vekana ama nanamapa tavepe wagakana vekana inatisa kavala nkamava amandana vindi ana amba kigaga yema." ³³ Paviyama igoma ama kamana uma mono kamanapa oimitine, igeva aogima avibeve visiya kanara. ³⁴ Aeva ama kamanapa kamba iteta gaitene. Piya vutegina aye asankwa mitindanava, aeva kaga kamanapa utipa to awema eliya kina nkwa kava uvevema oimi vutaye. ³⁵ Pavi ndagava, pigo me atamisa taginava, piya oimitine,"Pavigo malo nkakwai wakune utaye," ³⁶ pigo igoma kinapa itate, pigo Isu pa avabute watene, paviyamba migagai sapuma mitine, wowale vindiva, paviyama kaisa wowale geva katapuma wataye. ³⁷ Pavingavala avaga enaga iguguyake kage vute awamusa puma wani ngama wowale vindi asu awagita wataye. ³⁸ Piya vutagiva Isu va wowale atuti, awigi watine. igeva apage pute, utaye, " Tisa oma, kayeva kamba laganoma ma pulikena vombepa?" ³⁹ Aeva mesu asitine, ka avilataye iguguya kava, omitaye kayo wanike gava,"pavigo yema, maluka meyo utine!" Pigo iguguyapa pagi vutagina, kayo wanipa melu pagi vutaye. ⁴⁰ Piya vutagina aeva oimitine," Tigeva nanaga tiyekuru veyema? Tigeva timatiti yeva kamba veyoma?" ⁴¹ Igeva tavela iyekuru vute iyoge utene, aekava keye ukunema, ma iguguya nkamage kayo wani nkamageva aye ikamanapa aviya?