¹ Pigo Isu va alotu nama pindisa ilosamete watagina, ka eliya ndagara wamba piya utine, "Tisa, ma aogi yavaka agandana ma aogi nama ndamaka agoma!" ² Aeva piya utaye, "Aganoma ma tavepe namapa? Kamba ka yavapa kaikiyema kaga yavapa avovola atata iyekina kamba wale wakiyema." ³ paviyama aeva amuta Olivi asu mala mitaye alotu namapa wakala, pigo Pitaya, Jemisiya, Joniya, Anduru yasuma mima isata avigataye, ⁴ "Ulamoma, nana yaga pindanava pikiyema? Nana alandana avolakata agakana pikiyema?" ⁵ Isu va agovima igekava oimitaye,"Aogima agama mi-iyoma tivabute meligasi metigasi vikibeno. ⁶ Igoma kinapa naye nagelaka kanate piya ikiveya, 'Nayeva ayenaye, ute igoma kina tivama meligasi metigasi vikibenema. ⁷ Pigo tigeva avikibene kama ena viye kamanape pita kama enaviyema iguguya kamanapa, pikava a tiyekuru viyo,' pimba ndanave pikibine, piya vikibipa pipa atutiyana. ⁸ Ka kantri omava asima to kantri ayegu yekana, ka kindomu asima me ka kindomu ayegu yekana. kaga aukwaiva imimapa pekana, nanindagava kavona vekana. Pipa agovima avuki vaki vikiyema. ⁹ Aogima tiyutapa kavi-iyoma. Tivabute kansole ginatapa waki vena, tavela tiyegu kivene tave alotu namapindi melitama. Tivabute gavana aorape kini aorape naye nagelaka asilita kivene, pipa aogi yenaga pulita kiveye. ¹⁰ Piya vikibipa mono kamanapa evi evima ulite waiyo kaga aukwai. ¹¹ Pigo tigepa tilakuma tivabute waigilipa, a tiyekuru vuma nanaviye ukuneva a iyo. Pavita nanaviye kamana, yomava kawamuta kamekina ikibena; pipa kayegana ikibena, Holi Spiriti ayewa ikiya. ¹² Agando anandopa uvunaga pekana ayegu yenoma, avawambapa yagara wamba paviya vekana. Yakara ginungamba ano avapa paviya vekina. ¹³ Kaga kinamava akasiya vugata kiye naye nagelaka. piya vikibipa kevaya asima esegi vikibi, kinapa awimekiye. ¹⁴ Pindagava agagana kamba aogi enalaka amba asiwakina akumba landapindi (mono kamana isi kinamava aogima napiyeno), atagana ayegaka Judiyai amuti wakenava wano, ¹⁵ atagana nama avovoli mikivi nava namapindisa yenava a tumbeyano, ¹⁶ pigoya atagana mo yogali mikivi tiliva wayeli autasa yena mekenava a kananoma. ¹⁷ Piyavipa tave nandara piye pingavala agaye nkwe mikiyo yagara nono kima mikivi nkwe kegava! ¹⁸ Pure yegema iyo pindanava kamba kananoma iguguya pikivi ndagava. ¹⁹ pindagava tave kundalaka kanakiye, mo paitakapa piya gundava kamba kanandiye, mo pai Anutu kaga ena vundi ngabalasa, kanama ma ivageba,kambaye, to aindiva kambalo kanakiye. ²⁰ Kamba tave yagara kana yaga mengalosa kivipa, pipa wawayapa kamba aogi puyewaki veye,Aeva wawaya ala potatika napite, avaga me alosa gakiye. ²¹ Pigo kaisa ginama piya ikiye,' Agoma, mamba Kraisti viya!' o 'Agoma,malemba mindiya!' a kape kamatiti pese. ²² Pipa kambari kraisti va kanakina kambari profetive kanandana igoma amandanava amba vikibine, kambari ndanava, aogi vikibikava, ayewa ndaga ala pumalanda kinakava. ²³ Aogima kavima! pindanava kanakiyema ago ulimi gasone paita gasima. ²⁴ Pigo pi kundaenava atawagasa kana, pangamava tunusuwa kana, ongamava kamba lakina, ²⁵ noli omava tutuvu vulite mandalisava tumekana, kaga esegi ena inatisa kumati sava atagipuma pami vekina. ²⁶ Piya vikibi pindi wama ndagara ilagila tumikiye esegienawa paki vaki enavindi. ²⁷ Piya vekana aeva angelo gina aisagakina kaga mbavindi ala pumalanda kina avabikiye, mamba vindisa inatisa enava pavigo pagivikiye. ²⁸ Napienava fikiya omatisa meyo. amali wani mindaginava aye mesu anopeginapa patakena viye ugagane. ²⁹ Piyaviya agagana me kaisa yondana vekinapa, pavigo amba wakala sama kavela kanayeyo. ³⁰ Tagamba takaya, Nayeva uwe, ma iva mindambe kinapa kamba pagi vundagana mandanava pikiye. ³¹ Mandalisa enavela mamba vindisa enava pagi vuwakiye. Piyavikibipa kamana ndepa kamba laka pagivu wakiye. ³² kana pindagaye piya vekinaye, kamba kawinava agandiye, kamba angelo kinakeva avindiye inatisa gumatisa, kamba yagara wamba gekepa agandiye , asa avawamba agandiye. ³³ Aogima! kavi-iyo, pindaga yemava kamba agandaya. ³⁴ Paviyama ka yagara pagasa mali wagaikiye__nama ngapa atate kotape kaga enawapa eliya ndagara wamba ayapi atama kaviyo omite, kaga kaka ngeliyapa ayapi atataye, esegi kamana omima kaviyoma asekapa a kawima kaogama miyoma omitaye. ³⁵ Pigoya aogima kavi-iyo, kamba agandaya nana yagavaya nama ngamanda tave yagarava kanakiye mava; atamitano, aseka takano, kokole aga yekanayo, o avaya lakanoma. ³⁶ Ayeva avaga kanaki vikava, a atagana kawima mindapa amba kagano. ³⁷ Nanaye vaya ugamopa kaga kinakega uwe: ayevama mi-iyo!"