¹ Pigo Isu va ama kamana pindisa poiyakite. Aeva utaye,"ka yagarama waini ugayena pikiye utaye, aeva kagisa ena puma kago potama, pigo komava agasima waini atutu pakena omanda. Aeva kavikena namapa inata kitakiye piya potama eliye ndakara kavitakiye. Piya potate aeva wagaikiye tomali. ² Pigo ayetaka ndaga me kanakana, aeva pigo eliya kinamiti yogawati ka eliya ndagarawa aisagakiye kaisa asigima kamigina mete ganoma. ³ Piya vutipa kambaya alaku kasima, ala ayegu gaitaye,kamba asigima aminda ugama aisakai taye. ⁴ Paviya malo ka eliya ndagara wato aisagataye, pigo pindagara lova paviyama anonga yambu paluma ayegutama anindanara aetama agaluva kaitaye. ⁵ To katogapa aisagataye, pindagarava pigo ala ayegu gaitaye. mo kaisava paviyamba igokayema igaluva kasivutaye,kaisava iyeguma igaluvate kaisava ala iyegugasi vutaye ⁶ To aisaga kenava ka yagaralo mitaye, pipa aoganamu yagara wane. pipa pavigo ainka gogo yagarawa aisagate utaye,"Igeva tavelenema yagaranepa agakiveyema." ⁷ Piya vutipa pi yoga vindisa eliya ndakara miva piya maleu mau vutaye, manda garava kaga ena avawa mbanda mekena yagara yema. kanayoma, ala ayegugai kuna, piya vugaite kaga enava taye mekunema." ⁸ Igeva ayepa amiyo puma,ala ayegutama asagayoma yoga vindisava avei mevu gaite. ⁹ Pitaka, nana vikiye kana yoga oma avawambava? Aeva kanatama kamba aogiena amba vugasima kana yoga vindisa eliya ndakarava yogava mema togina imigai kiyema. ¹⁰ Kayeva pi kamana pindiva kamba isuvenoma? Pi yavapa kapenda ginami awale gainda nema, pindavapa mema nama konala atandanema. ¹¹ Pipa tave yagara matisaye, kana pindavapa taye taolapa yokege yavane." ¹² Igeva Isu alaku likena vutaye, piya vutepa igeva to iyekuru vutaye wawayaka kana ama kamanapa utikana. Piya vugate atate wagaitaye ¹³ Igeva isagataye kaisa Parisi kinake Herotinda eliya kinakema kaisa kamana uma amiyo siyoma. ¹⁴ Pigo ige kanatepa, piya amba utaye",Tisa, tayeva agaunema kawina ndapienava kamba agaluva kagambe ndagara gaya, kayeva taga kamana ngamana wawaya kava oimivena. Kayeva taga nkaukai Anutu kamanapa poiyaki vena. Pipa alo agaluva kunoma takisi mone Sisa amuku nombepa o kambayema? Amuku pela kambaye?" ¹⁵ Pipa Isu va ago igagaite oimitine," Nanaga ataka vunatayema? kana mone mete kanayo utine ke ama payaka agana." ¹⁶ Igeva ka mete kanataye Isu ta. Aeva oimitaye, "Mapa ke amake ke agegeyema?" Igeva utaye," Sisa ndayema." ¹⁷ Isu va utaye," Sisa amiyoma Sisa ndaenaye ikivipa, pigoya Anutu ndaenaye ikivipa Anutu amiyo." Igeva igomata pilatage vutaye pikava. ¹⁸ Pigo ige Sadusi gina,kegivaya pulinda kinapa kamba iyoga kiveye ugage kina, kanataye ayeta. Igeva amba avigate, utaye, ¹⁹ "Tisa, Moseseva kaye latataye,' Pigo kawina anasawa puwakanava yagarava kamba atanda, to anandolo agando kiya wepa mekiyema, pigo yagarava atakiyema ayetasava ,' ²⁰ Igeva seveniwa ngagana mitene; Amalusama wayapa metate puwataye, yagarava kamba atanda. ²¹ to pitasa yagara malo kiya metatelo pulitaye,paviyama yagarava kamba atanda, to kaga yagara malo paviya vutaye. ²² Pikana seveniwa ngagana ndagana yagara kamba atanda puyewataye. Aindi lakapa,kana wayato pulitaye. ²³ Mesu asikena yagava, mesu asiteva, kengewe ndana pikiye? pipa kana wepa seveniwa ndakara mangena." ²⁴ Isu va utaye," Mapa pavindanaga kayeva pagapanoma, Pipa kayeva kamba aganoma kamana kaye malandake Anutu nda esegi enawapa? ²⁵ pikana puwanda pindisa mesu asikivepa, kamba wayapa mema wayawa enava kamba vikibeya, pipa igeva angelo ginandana vuwakive kana inatisa kumati. ²⁶ Pi pulinda kinaka asikiveye yombepa,kana Buku vindi Mosese kamanapa isuma agayo, pi kabuvindi, ayamavaya Anutu omiti ayeka,' Nayeva Abramu Anutu naye Aisaki Anutu naye Jekopi Anutu naye utaye'? ²⁷ Aeva puwanda kinami Anutu va kambaye, Aeva aogama mindiye. Kayeva evi evima pagapane." ²⁸ Ka alo kamana aganda yagara amba avitine ige iyoge kamana ute; aeva agatipa ige ute kamana Isu kanaramba awema oimiti. Aeva avigatine, "Aye alo kamana ngama tave inata takapa pundiyema?" ²⁹ Isu va awema omitine, "Tave inatapuma kamanapa,'Avo, Israeli, Tave yagarava Anutu ye, Tave yagarava aye asane. ³⁰ Kayeva kavuwo Tavega Anutu ka kaga kandayaga, kama nadagara yaga, kaga ndapienaga ndaga, kaga esegi enaga ndaga.' ³¹ Pigoya tara alova, 'Kayeva kaokinaka kavuwo kayegaka kavu wambesa puma.' Tova tave alova manapa kamba agasima mindiye." ³² Pi alo kamana aganda yagara mava piya utaye," Kanarane, Tisa! Kayeva tagaka ena Anutu va aye asane yembepa, tova aye akaiva kamba mindiyema. ³³ Pi avuwa kenana andayaga napienawa ndaga esegiena wandaga, pi avuwa kenana wasana agora mi-ikina ayewaka avumeisa puma, pindana omava mo kavabi kaikena ofage to ofa omageva agasima mindiyoma,'' ³⁴ Pigo Isu va agatipa ayeva aogi napiena minda yagarama iyema, aeva omitaye ayekava,'' Kayeva Anutu kindomu omapa pagasaya mindane omitaye,'' Pigo aindiva, kaisa ginami lova kamba Isu aviga kamanapa utaye. ³⁵ Isu va avitaye, aeva tave alotu namapindi poiyakima mitindanava,' Pipa ayamba alo kamana aganda yakara miva yeyema Kraisti va Deviti ndagaraye yepa? ³⁶ Deviti ayewapa, Holi Spiriti vindi, utaye, Tave nembava tave nembaka iye utaye,Pindagava nage kaga kina avama kagisa vindi atanda kuwondaga yema,' ³⁷ Deviti ayewa age utaye' tave nenema,' piya utaya ayama Kraisti va Deviti ndagara yenava pikiye?" Igoma tave ginataka mbi avite imuputaye ayekava. ³⁸ Pi puiyakiti pindiva Isu va utaye," Tagi piyoma pi alo kamana aganda yakara gava, igeva iyutasa enava puga vuga potate nasima avolaka miyekana wasana mava nagavano kinanema. ³⁹ Tavepe alotu nama pindiva mo amalusa siyaga meyanoma naninda nakena nama pindiva igega uma igasawama. ⁴⁰ Igeva paviyama kiyawemi ndama pindi igukata nasite purepa yayelota ulite wagaga yema wasami tagayoma. pikinapa tave kotila asikibe yema utaye." ⁴¹ Pigo Isu va ofa megage ngiwalela wakala siyali mitaye; aeva mala mima ipasa vutaye kana ofa mengatate wate vutepa. Tavepe mone minda yakarava tave mone mekaite wate vutaye. ⁴² Piya vutegana ka kiyawe kavona wekana tutoya metataye, pipa tave mone nkwane ayepa. ⁴³ Aeva eliya ndakara waka igegaye uma oimitaye, "Tagamba ulimu wema, ma kiyawema tave mone taka motayema kaisa ginami atepa igasima ⁴⁴ Igeva igoma mindatasa mete ganaya. Piyavepa ma kiyawepa tova kamba minditasa mekasa yema, kaga mekasa yema to atama nakena wapa kamba mindiyema."