¹ Isu va pitapa atate to aukwailo watine Judiya ige mo nkaukai Jodeni isa waniti, to tave gina kana kanama amba akivutene. Aeva togema poiyakitine,pamo pugagaisa puma. ² piya vutagina to Parisi gina kanama ataka votakenaga piya utene,"Pipa alo kamana pindi mindiyoma ka yagarama waya nkwa agaluva kibipa?" ³ Aeva utine, " Nana voma Moseseva ugamiti nema?" ⁴ Igeva utene, "Moseseva waya agaluva ndilipa isa puma amitama agaluvaiyo ula mitinema." ⁵ Piya vutipa tige tindava yege vuwatika pika kayelimita yema," Isu va oimitaye." ⁶ Piya vutipa amalu kaga ena vuti pindiva,' Anutu va wage wayake poisitati nema." ⁷ Pina amika wamava ano avapa atate waya nkwambage uma atokaye kiyema, ⁸ Piya vekina isigeva ka isundana uma pikivesema,' pigo isigeva to tara enava kamba pikiveme kana pavigo kakina ndana vikivese. ⁹ Piyavi kana nanavaya Anutu atokaye gaiti ndanava wasamava kamba atala ikiyema." ¹⁰ Pigo ige nama pindi umiti ndiniva, eliya ndakara miva to avigataye. ¹¹ pigo ayeva oimitaye," Kevaya waya nkwa agaluva kaite towe mekivipa ayege kupiyo ena pugasaye utaye. ¹² To wayamalo awe kaite towa umekivipa, ayegeva kupiyo ena pikiyema." ¹³ Pigo igeva amana ndakara ndo ndo ivabute kanataye iyuta aigaya venoma, piya vutepa eliya ndakara miva igaluvataye. ¹⁴ Isu igateva pilage vutaye, ayeva igateva kamba amuputaye igekava," kaga yakara ndo ndo itaigina nayeti kanayo utaye, a akuniyoma, inatisa kindomuva pindakara ndo ndo ganda pikive kinami ndayema. ¹⁵ Tagamba nayeva ugamuwema, kevaya inatisa kindomu Anutu nda mekenava amana ndagara ganda kamba vikibipa kamba lakaya ikiyema." ¹⁶ Piya utegina amana ndagara ndo ayati ayepa uliti ndana kaga ivama mengatama aya atama aogi poitataye. ¹⁷ Pigo aeva agovima to wakena vutita, ka yagara pigosuma kanate amba alaka vitaye agisavindi, amba avigataye, "Aogi tisa, nayeva nana vusuwema asi asima mikenana mekenava?" ¹⁸ Isu va utaye," Nanaga aogi yagara ova enema? Tova aogi ginapa kamba mindaya, Anutu asa kanema. ¹⁹ Kayeva alo kamanapa ago agandanema: 'Wasanava a ayeguyoma, kupiyo enava a poma, kundanava a poma,kameka kambripa a ogasoma kageva a inata pumeyoma, kano gava kamana aogima avima miyo omitine ;" ²⁰ Kana yagarava utine," Tisa, pikamanapa ago avita kanandu wema masi mavimana." ²¹ Isu va agavebe pugate auma amite avuwataye. ayekava omitaye,"kayenaga kavona vene omitaye. kaga ena kayeti mindipa yetamima kavona gina imigaite, kaga enagapa inatisa asumeyo omitaye. Piya vutegina amba nagaluvo utaye." ²² piya utika napigate kundaena melite atate wataye, pipa ayeva igoma ndanawa minda yagara gana. ²³ Isu va malega maga vugategina eliya ndakara waka piya oimitaye,"Ayamba esegi poita kiyema igoma kutanga minda kina inatsa Anutu kindomu vindi ikenava!" ²⁴ pigo eliya ndakara miva napi wataye pikamana kava. Piya vutegana Isu va to oimitaye," yagarami, ayamba esegi vuwaki yema inati Anutu kindomu vindi ikenava! ²⁵ Pipa uga alaga kemoli yaga omava nankama kipindiva ikiyoma, piya vikibipa kotanga igoma minda yagarava esegi vuwaki yema Anutu kindomu vindi ikenava." ²⁶ Igeva tavela napi wategini igewipa iyoge utaye," pipa kana kelo ikiyema inatisa kumativa?" ²⁷ Isu va igagate piya oimitaye," Wasana mapa kamba aogi votakiya, Anutu va kaga enava uga vikiyema." ²⁸ Pitava agovima piya omitaye," agoma, tayeva kaga enalepa kaite kaye amba kagaluva una." ²⁹ Isu va utaye,"Tagamba nayeva ulimu wema, ka yagaramava nama ngapa kamba atate, anando no mawa no amana no ano no ava no yakara ndo ndowa no naye ngeliyaka, o kamana nde kayo, ³⁰ kevaya mekivi wani andereti wata meva puma mamba vindi: nama nga, anatavala, amana pala, ano vala, yakara ndo ndo, mawa, ayegu kenana, mo aindi kanakivi ndana, asi asima ena. ³¹ Piya vipa kevaya amalu kanakivipa aindi kana kana, aindi kana kivina amalupa kanakiye." ³² Igeva keti wataye, Jerusalemi wakena, Isu va igepa uma paitama wataye. Ige eliya ndakarava pami ndami vutaye, ige mo ikai igaluvata kanate kinamigeva iyekuru vute vutaye.Pigo Isu va eliya ndakarawa ivama agayesi itama agovima piya oimitye nanavaya auta kanakivi ndaga aindi. ³³ "Agayoma, mapa Jerusalemi wamamuna,Wama ndagarava avama tave prisiti kinamike alo kamana aganda kinamike iyapi natakiveya. Igeva koti kamanapa ayegu kenaga otate Gentaeli ginami iyapi natakiveya. ³⁴ Igeva akaya sute, isa potate, aigilisama ayegute, piyama ala ayegugai kiveyema. Piya vigina ayeva kakaga yaga migaite mesu asiwakiye." ³⁵ Jemisige Jonige, Jebedi ndagara tara, kanate piya utase," tisa, nanavaya kaviga kusome ndanava pulasitoma." ³⁶ Aeva piya oisimitine," Nayeva nana pulisitasu wema?" ³⁷ Isigeva utase,"Tasitagala kayege miyeyoma esegi nama kapindiva, kapa kayataka ndiya kapa kayake masiya suma." ³⁸ Pigo Isu va awema oisimitaye,"Tisigeva kamba agasoma piyenaga avigause mava. Tigeva kanara nage nakuwo kapu vindaisa wanipa nakivesoma o nage wani mekuwo nkwani pindiva alaga tumbe kivesoma?" ³⁹ Isigeva piya utase ayekava," Tasigeva kanara nema." Isu va piya oisimitaye," Kapu nage nakuwo pindisava, tisigeva nakivesa, pigo wani mekuwo pindiva,tisigegeva mekivesa. ⁴⁰ Pi kegavaya naya takandi mikena yo nakemasi mikena timikenava nage ndaena yane,pipa ige kegivaya mekive yema ala pugainda kina mindayema." ⁴¹ Pigo kaisa teniwa ndakarami aviteginiva pikamana, igeva tavela imo enava putaye jemisike Jonike kava. ⁴² Isu va kagaka igegaye utegina piya oimitaye,"Tigeva ago agandayoma pi Gentaeli ginaminda ayeva wimba pugagaye ndanava,pigoya tave gina nkwimbage uve kamanapa igeva avigagaya, piya vegana igenda inatasa ginamiva esegiena mema kavi- itagaga yema. ⁴³ Pigoya pi nkaukaiya pikiya tige akapindiva. kevaya tige akapindi tave agi meyanoma pikivi nava ayewapa kagove yagara gandama milindana vikiyema, ⁴⁴ Pigoya kelovaya nage inatasa maluta asu miyeno ikivinava mone kamba menda kagove pugagaina mbalu melindana vikiye, ⁴⁵ Pipa wama ndagara tumitipa wasana maga aye aopomava kamba tumitaya, aye tumitipa aunkwa kasima kora aligikena igoma kina mindaga tumitaye." ⁴⁶ Igeva Jeriko ilo kanataya. Pita Jeriko atate eliya ndakara wambige to tavegina wawayape, pavita Timeyasi ndagara Batimeyasi, aolika yesuna ndagara, keta mala mima mitaye. ⁴⁷ Pigo ayeva avitaye Isu Nasareti isa yagara kanayema, aeva kegaye utaye tavelasa," Isu, Deviti ndagara, kandara punatoma!" ⁴⁸ Igoma kinamiva pakavo utaye aolika yagara gava,yendana miyo utaye. Ayeva tavela kegaye utaye," Deviti ndagara oma, kandara punato utaye!" ⁴⁹ Isu va pavita amba asima avitaya kegaye gasaga. Igeva kegaye utaya aolika yagaraga,utaye," kandava esegi vulindana! asiyoma! kayeka kegaye iya. ⁵⁰ Aeva iguguya siyotiwa mevotate, asilite wataye, Isu mitita. ⁵¹ Isu va ayekava awema omitine," Kayeva nana vunatoma yenema?" Aolika yagara mava utine, "Rabi, Nayeva naogakena vuwema." ⁵² Pigo Isu va omitine," Woma, kamatiti yenagamba aogi vugataya."Avaga enaga ayeva aogataye, aeva agaluvata keti wataye.