¹ Mapa agovima Isu Krraisti, Anutu ndagara ma kamanane. ² paitaka profet Aisaia kaima utisapuma, ''Ago, nage yagara ne aisago gana kamana kaoli mete waine,pindagara kevaya ke ititakena yagara. ³ Ka yagarama kegaye uta wakivine wasana kamba minda mavindi, ke iato ka tave yagara manda, ke ima avuloto potoma." ⁴ Joni kanatine, wani meimi kena wasana kamba minda mala mima kamanapa oimindana wanipa meitate gina oimitine agunda ena pugagepa mete kanayoma meliga kiya. ⁵ Kaga mbalasa Judia isave kaga kina Jerusalemi isave wawa vutene. Igeva wanipa umetene Jodeni wani pindi, agunda enaikava uma pagusa tegana. ⁶ Joniva autasa enava kemoli ali lasa puma landa pulite aletiva kilite, aeva nanindava walusi kava amuke iloke kabu vindisa pama nama mitine. ⁷ Aeva pagusama utine," ka yagara kana kiyema nakai aeva esegi enawapa meva puma minda yagara nage ngese enava nagasima, nageva aogi yagarava kamba minduwema aenda agisa ase gagai ngigana igaluvate kite vukuwe utine. ⁸ Nageva wani tasa wanipa melimo kana aeva awamusa pindisa melimi kiye utine. ⁹ Piya vutaginava pingava lapa Isu va Nasaretisa isa Galili kanatine,pigo Joniva Jodeni wani pindi wanipa metatine. ¹⁰ Pigo Isu va wani pindisa mesu iteginava, aeva agatine mandava aiwatagina awamusa pa kavala kandama tumi tine. ¹¹ Ka awamu kegaye utipa manda lisa," Nagenda noganamu yagara nekaye utine. Naeva tavela namupu wawe kaekava piya utaye. ¹² Piya vutagina pigo Awamusa ngomava avamete wasana kamba minda mavindi avabute watine. ¹³ Aeva kabu vindi umitine poti wa ndaga, ataka enava potataye satani va. Aeva kabu gina mige mitine, pigo aindiva angelo oma tumba awime taye. ¹⁴ Pigo aindiva Jonipa alaku ulitaye, aeva Isu va Galili kanama Anutu kamana amba oimima mitaye. ¹⁵ Aeva piya utine," Pavigo kunawapa kana gasayema,manda guma Anutu ndava amba wakala sawaema. kandara ena vutegina kamatiti poma mono kamanaka." ¹⁶ Aeva nasitine Galili wani awali , aeva agatine Saimonike Anduruke agando Saimoni noyanda mekena ko wani pindi moatama miti, pipa igeva noyanda megagave kina kana. ¹⁷ Isu va oimitine, ,"Kanama, amba nagalu vayoma, naeva noyanda mekena gina ndana pulita kuwa." ¹⁸ Pigo avaga enaga igeva kongipa atate uma agaluva tene. ¹⁹ Pigo Isu va amana andowa meva puma watine, uma agatine Jemisi Jebedi ndagara Joni anandoke; isigeva wowale vindi mima noyanda gu pagumba mitame. ²⁰ Aeva igegaye utagini ivawimbapa atate eliya kina nkwake pigo igeva uma agaluvatene. ²¹ Pigo igeva Kapaneamu kanatepa ,ano Sabati yaga avolatine, pigo Isu va tave ini nama pindi ima asu poiya kitaye. ²² Igeva kamana utikava pami ndami putene, aye poiya kitipa tave esegi enawa minda yagarama usuvutaye me kaisa kambali yakarami ugage sapuya. ²³ Avaga enaga ka yagarama pavi ini nama pindi miti tili kegaye utaye kamba laga awamusa minda yagara gana. ²⁴ Piya utaye, tayeva nana pugata kunema, Isu Nasareti isa yagara gayema? kaeva kamba laga pulata kena kananoma? Naeva ago kagauwema kegavaya yemava. Kaeva aogi puwanda yagara gaye Anutu nda!" ²⁵ Pigo Isu va awamu akukaitine kamba laga ginapa piya utine," Yendana pakama avei atawo omitine!" ²⁶ Kambalaga awamusa ngomava asagayoma ayegilipa atate wagaitaye tavela aye otategina. ²⁷ Kaga kinamiva agate ikala mbala puwa tayene, towinaka male aviga ma aviga vutegini , "mapa nanayema? Aeva kamba laga awamusa ka omi kamanapa avaga avite wayema!" ²⁸ Piya vuti kamanapa kaga aukwai wataye Galili isa mavindi. ²⁹ Aindi pigo tave ini nama pindisa avei tumindiniva,pigo igeva kanatene Saimonike Andruke namati, pavi Jemisive Jonive kaga. ³⁰ Saimoni aenda wapa kale aiena avuwa tagini, pigo Isu kava omitaye aiena gina mindiyema. ³¹ Pigo aeva kanama ayata amba uma, mesu asitataye; kale aienava wagai tagina, nanida kaopuma imitane. ³² Pavi atamipa, papa movasi tagina, kaga kinapa aiena ginake kamba laga spiriti mindake ivabute kana kana vutegana. ³³ kaga pipindi minda kinapa kavela me ngaki vutene. ³⁴ Aeva kavai tatine aiena vundake tavepe aiena ivunda kinake kamba laga spiriti minda kina kema, kamba laga spiriti omapa kamba atatagina kamanapa utine nana viyema aepa ago agande kana. ³⁵ Aeva avaya laka asiwatine, asesanava kamba alandata; aeva asilite wasana kamba minda akwai watine pure ikena. ³⁶ Saimonige mo kaisa migeva aguyo sagatene. ³⁷ Pigo uma agateginiva piya utaye," kaga kinamiva kaguyo sagayema." ³⁸ Aeva piya utine," pavigo kaga aukwai nasi kunema, kaga kaka mbavindi, piya vutegi mono kamanapa pagusama ukuwema.pimbayema nage mata kanatona agowapa." ³⁹ Aeva piya ute mo kaga ukwai Galili va nasitine, kamanapa pagusama oimite ini nama pindi kamba lataga spriti va agaluvate vutine. ⁴⁰ Ka alepa yagara kanatine, aeva amba yesutine; aeva amba alaka vite piya utaye, "Kaye kaumaye yekanapa, kaeva aogi vunatoma," ⁴¹ Tavela meva puma andara puwatine, Isu va aya aigaya vutegina, piya omitine, "Naye naumaye. ayogi vuoma. ⁴² Avaga yenaga alepa aienava pagi puwatine, piya vutagina aeva aogi laka puwataye. ⁴³ Isu va esegima aunana kamana omima aisagataye. ⁴⁴ Piya omitaye, napiyoma ka kamanapa a oimoma wasagava, uga wagasoma, kaegapa prisiti ginaka uma iyakite, wate uma voma nana vaya Moses vouti ndana,nana aogi ena pugataika ikenava. ⁴⁵ Pigo aeva watipa uma agovima kaga kina kava oimita nasitaye aye auta nanavaya puma avola tindana gava piya vutagina Isu va kamba asatapa nasema ndana potataye kaga mbaliva. piya vutagina aeva kakama avi ukwai nasiti tiva kaga kinapa kana kana vutaye kaga ukwaisa.