¹ Aindiva kaga kaisa parisi ginake kaisa alo gamana kaye gage kinake minde Jerusalemi, Isu ge kamana ikena kanataye. Igeva kanate piya utaye. ² Pipa nana viema kaga eliya kinaka mbiva kamba amenda peyema alo atalembigi ndava? Igeva kamba iyapa wani ngenda nanindava nayema. ³ Pigo Isu va awema igekava piya oimitine. " Nana viema tigeva akayo gasi gagaema alo Anutu nda agalu vakenaba pi atalimbigi pugage ndanava? ⁴ Anutu nda alo omava piya iyema," Tigeva tino livakipa amenda puma mi-iyoma," To meva pumalova iyema, ka yagarama anoka avaka kamba laga gamana ikivipa ageva pavigo puwaki yema. ⁵ Pigoya tigeva yeyema ,' ka yagarama ava wamba kayo o ano wambaka ikiyema," Nana vaya nage kamukuwo ndanava, Anutu amuwema ofa gandama." ⁶ Piya yagara mava kamba amenda peno ava wamba keva. Pi agalu vakena alo atawamba ndamana, kamana Anutu nda ageva mema uga suga vugasi kana. ⁷ Tige kagapa kambari kinataye, kamana Aisaiya ugaindipa pavigo amba avola waye taga, pi profeti gamana utipa pipa tigeka uti kana. ⁸ Kaga pikina alotu yepa nageka ugamba iwamu tasa uma miye yema, piya vepa inda omava pagasa laka minda yema nagepa. ⁹ Igeva kambari ena veyema nageka alotu yepa, pipa nana viemaye igeva alo meyepa wasanama pumalanda nema, agewa mema piya votama alo ena ganda vuma kaisa gina tova poiyake yema kaga wawaya nageka alotu una ena vuma. ¹⁰ Aindiva Isu va igegaya utaye kaga wawayaka, wakala kanaigi ulimeno utaye, pigo piya oimitaye," Avima ma kamanapa aogima meiyo utaye. ¹¹ Kaga ena wasanama mema nagina awamu pindi wate anda vindi lumipa, pindana omava kamba inikiki enava potaga gaye. Pigoya kaga ena wasana anda vindisa ima wasana awamuti igagai ndana oma wasanava inikiki potagaga yema." ¹² Aindiva kaga eliya kina ngwambiva Isu kava piya amba omitaye, kageva ago agate venoma piya gamana yembe ndana omava parisi ginami inda vindiba kunda ena mema inda vindiba yaku tawa yema kaye kava a? ¹³ Isu va piya oimitine ige kava," Kaga ya ai inatisa guma tisa navanemba kamba tumba amala takivi kava, kagapa avu ndaga mavindi takuma migagai ndaga yekai kiveyema. ¹⁴ Atagana kaga ngau pi parisi ginama atike ye wanoma. Pigoya ka aolike wanda yagarama ke aya kikiye to ka yagara aolika yagaraga pita wakusema, pipa pigo tara yaga kavindi lumu waki vesema. ¹⁵ Pita pikamana avite gina Isu kava piya omitaye, kanara aogima ulami kivenoma pi ama kamana yembena amingwapa, kaisa ena wasanama awamu pindi nakana anda vindi lumi kivi ndana omava kamba inikiki pikiye yembe kava," ¹⁶ Pigo piya utaye Isu va," Napi yopa tigegeva kamba aogima aveyema ma ama kamana yopa, a? ¹⁷ Tigeva piyamba agaiyoma, nana vaya awamu pindi lumi kivi ndanava, aeva anda vindi lumima tumba ilosa mete wama uga suga ena uma vuma inisawa gagayema. ¹⁸ Piya vipa kamba laga gamana awamu pindisa kanaipa wasana anda vindisa laka igaga yema. Kaga piya gamana ngamava wasanava mema inikiki pota gagayema. ¹⁹ Anda vindisa ena omava aeva piya ena mema avolama paguta kana gagaye, kamba laga napiena,wasana ayegu kena napienaye, walasa wemage kupiyo ena vikena napienaye, toma toma kupiyo enaye, kundana enaye, kambari kamanane koti enala, kamba laga kamana tasa wawayama anda ayegu kivembene. ²⁰ Pingawa ena oma wasanava kamba laga enava vuma inikiki pota gagaye, pigoya pi kaya kamba wani ngenda naninda nambe ndana omava kamba pugagaye,wasana va pindana omava kamba laka inikiki potagagaye. ²¹ Aindiva Isu va pitapa atate amana teseni ndoli wataye, tara tave teseni guma ngoma Taiya ge Saindoni ge. ²² Pi wati mbaliva, ka ngwe uma pavutaye Kenani lupindisa, ageva kanama Isu ka kegaye utaye esegima, piya utine ageva, Tave Deviti ndagara,kaumama vuma kandara punatoma, kamba laga spiriti oma alagane kamba laga avuki vaki ena votama miyema." ²³ Piya utipa Isu va kamba ka kamanapa otatine, pigo eliya kina ngwa mbiva Isu kava omitene, male ngwepa tagalu vama kegaye uta gana yava miyema, alaga omegana male ngwepa atate wasiyoma pagasala? ²⁴ Pigo Isu va oimitine ige kava, Anutu naisaga tagi kanopa Israeli gana ngamana iwima ivaboma naisaga tagi kanatuwe oimitaye,igeva sipsipi kandama ivala vuwande kinaka." ²⁵ Piya utipa age pingwepa kanama amba alaka vitine agisa vindi aolisa Isu mitita, ageva piya utaye, Tave yagara nopoma." ²⁶ Pigoya Isu va piya omitaye," Pipa ageva kamba aogi vikiyema breti kaga yakara ndo ndomi ndaninda mema kala oma awamu pindi mome vikivembe ndana omava kamba aogi vikiyema. ²⁷ Pigoya pingwe mava utine," Tave yagara, pipa taganema, kala omava naninda ano ava nagaite alita mavindi lumi nagaga utaye. ²⁸ Isu va pingwe kava awema omitine piyamba," Wayama, kageva esegima taka kamatiti enava penema, piya vembe kana alaga gapa ago kanara puwaye omitaye," pavi ngavala taka, kaga kamba laga spiriti va atate wagai tagina, alaga wepa avaga mesu kanara puwataye. ²⁹ Isu va pitatova atate watineGalili wani kotupa wakala. Ageva itine ka amana ngamu andoli gana pitai asu mala mima mitine. ³⁰ Piya vutaginava tave gina taka wawayapa kana gana vutaye ageti, kaga wawaya miva igisa kamba lataga vunda pela, kaisa aolika punda pela, awamu kuninda pela kaisa gina iyu pindi kamba lataga vunda pela, kaisa aiyena ivuwanda kinake ivabute kanataye, piya vute gana Isu va kaga kinapa aogi voitataye. ³¹ Pigo kaga wawayami agatepa awamu kuninda kinapa kamana utegana, kaga iyu kamba aogi vunda keva aogi vuta wategana, agisa kamba aogi vunda aovuloto puta wategana. aolika puwandapa agata wategana. Igeva pi agate giniva Anutu age mema inata putaye Israeli isa Anutu kava. ³² Isu va eliya kina ngwaka igegaye utaye igeva kanate gana piya oimitaye," Nagepa tavela nandala puwayema ma kaga wawaya kava, nana viemaye igeva nagege minde gana kakaga yaga atawa gasayema naninda kamba nanda. Nagepa piya enagava kamba naviyema ma ige isaga sanagava keti uma igayenaga ivuma iyo nanda pikive kana." ³³ Kaga eliya kina miva piya omitaye Isu kava;" Mangau kwai wasana kamba minda tiva wakala, pipa tavela tageva aguyosa wakunema igayena gava ma kaga wawaya imikenava?" ³⁴ Pigo Isu va ivigatine ayaki breti ulinda yema,?" Eliya kina miva utaye," 7wa breti ge pigo pisi va amana ando geyema," ³⁵ Pigo aindiva Isu va wawaya kava oimitaye yoniti mala mi-iyoma. ³⁶ Ageva metaye pi 7wa bretige mo kaga pisi geva, ageva aisa uma pure utaye Anutu ka, pigo bretiva apakoma eliya kina imiyaye, piya vutagina igeva mema mo kaga wawaya imitaye. ³⁷ Kaga wawayapa natepa avaga igaye pawataye, pigo aindiva atu natu kitama aki vutepa 7wa wanu guto awagita taye. ³⁸ Piyaki kinama kana nanindava nayema isutepa, 4 tauseni wa kinane, piya vutepa kamba isutaye waya ke yakara ndo ndo geva. ³⁹ Aindiva Isu va pigo isaga taye wawayapa kaga waiyoma maliti, ageva pigo wowale vindi payopu mete malo ngau kwai amana teseni ndo mititi Magadani iyema wataye.