¹ Pigoya pingava lapa Heroti va gavana mitita kana, ageva avitine kaga ena Isu vuti kamanapa. ² Heroti va eliya kina ngwa kava oimitine, Pingava lapa age Joni va wani meimina ndagara yoma, napi yopa ageva mesu asiti ndagara yoma alu vindisa, piya vikana ageva tave esegi enawa mindi yema tavepe mirakeli vikkenaba. ³ Piya vikana auma kanara pikenava Herodiyasi, age anando ngwe Pilipi pa, Heroti va alakuma Joni pa agisa aya igana kivapalo potama kalabusi vindi ataiyoma. ⁴ Pipa nana viemaye, Joni va piya oimiti kaye ." Anutu nda alo kamana ngomava kambaye iyema Herodiyasi avama wayaka ndanava a poiyema." ⁵ Heroti va Joni pa ago ayegu gaitasine, pipa mo kaga wawayaka ayekuru vutaye, pipa nana viemaye igeva Joni pa profeti yagara agasuma agate kanaye. ⁶ Piya vuti ngava lapa anowamba Heroti avola tati ndaga amba avotaye, igeva pigo kawo ena vuma naninda nama imu puma mitaye. Pingaki ena vindiba, Herodiyasi ngaraga wema va danisi ena vuma ika pindiva Heroti pa tavela amu ena potataye. ⁷ Pigo pingaraga wema amu pota kenava, Heroti va esegima ege gamana ugaitine piyama namota malo ataga suwema, Anutu aolake kaga wawayami iyo lakema, nanaga vaya Herodiyasi ngaraga wema ikivi ndanava pavigo amuku wema. ⁸ Anowamba Herodiyasi va ago omigai taye aragawe ngakava nanaga vaya kaviga kinapa piyagapa esemava," Namoma Joni wani meimi gagai ndagarama ano ngayambu kasama paleta vindi atama," ⁹ Kini va anda omapa tavela taka kunda ena metaye, pingwema avigati kamana avite ginava, piya vutipa amalu esegima ege gamana ago ugaitaye kaga agege naninda nate kinami iyo vindi imu ndanala ayeita kena. Ageva pigo atama kanarane oitataye Joni ano ngayambu ami kenava. ¹⁰ Pigo ageva ami ile gina ngwa isagataye kalabusi namati wama Joni anamu uma kasalite kanayoma. ¹¹ Joni anamu va uma kasama paleta vindi atama mete Herodiyasi ngaraga wema mengami taye, ageva pigo melite wama anowamba ayata memitaye. ¹² Pigo aindiva Joni nda eliya ndakara wambi kanama au aliva ambete uma kaitataye, pigo uma kaitate gini aindiva wama Isu kava uma omitaye nana vaya Joni wani meimi gagai ndagarama auta puma avolati ndana gava. ¹³ Pi kamana Isu avite ginava, pitapa atate ageva asu payo pulite wowale vindi eliya ndakara wambige, ige watepa ka aukwai wasana kamba minda aukwai wataye. Pigo wawayami avite Isu va pingau kwai waye gasa igeva tave teseni gumapa atate Isu wati ngau kwai agalu vata wataye. ¹⁴ Pigo Isu va piti watipa, ageva uma agataye igoma kina taka wawayapa mitegana ; ageva uma igate anda omapa apako vuwama tavela andara poitataye, pigo kaisa ginapa aiyena gina keke kana pavi ika pindiva kava itama aogi poitataye. ¹⁵ Pigo pa molumi taginava , kaga eliya kina ngwambiva Isu ka uma omitaye, matapa nanindava kamba minda ngavata nema, piya vegina pa ngomava ago molumi yema. Pavigo isaga gana wawayapa namati waiyoma, naninda uma ika puma nakenali igeva waiyoma piya utaye." ¹⁶ Pigo Isu va oimitaye kaga eliya kina ngwa kava," Igeva kamba naninda gava uma aguyo saga kiveyema, itaigina mi-igili tigeli nanindava imigini naiyoma. ¹⁷ Pigoya igeva omitaye Isu kava 5wa pisi ya tara breti yasuma mindiyema. ¹⁸ Pigo Isu va oimitine kaga naninda mete mata kana iyoma. ¹⁹ Pigo pi aindiva Isu va kaga wawaya kava mala mi-iyoma yoniti, pigo ageva 5wa pisi ya tara breti yasuma meli ndana malo agataye inatisa gumati, ageva pure utine naninda gava. Aindiva pigo bretiva apakoma eliya kina imitaye wawaya imiyoma. ²⁰ Kaga wawayapa nate igaye pawataye, pigo aindava atu natupa kitamalo 12wa wanugu pindi ilagitaye. ²¹ Kana kaga kinapa 5 tauseni wakinane kana naninda natepa, wayake yakara ndo ndo geva kamba isutaye. ²² Pigo naninda nagaiteva, avaga ena Isu va eliya kina ngwapa isaga taye paitama waiyoma wowale vindi malo ngaukwai, wagaka piyoma. Pigo eliya kina wate ganava, Isu agewapa pigo wawayapa isaga taye wayeliti waiyoma. ²³ Pigo ageva wawaya isa kaite ginava, Isu agewapa amuti itaye pure ikena. Pigo pa mo vaima ase wata ginava, Isu va pavi amuti asa ngwa mitaye. ²⁴ Pigoya mo wowale vindi eliya kina ngwa watepa, pipa igeva wani aka pindi wagaitene. Piya vutegana iguguya ngomage ka omage kayo wanipa mete ita lumita vuma wowaleva apasi kena vutine. ²⁵ Aka pindi 3 kiloki ge 6 kiloki ena wakala satagina mesu mali wakena laka, Isu va amutiva atate gina kayo wani aka vata wama mitaye mo eliya kina ngwaka igakena. ²⁶ Pigo kaga eliya kina ngwambi agatepa Isu va kayo wani akavata kanama mitaye, kaga igeva iyekuru vute igomata napi napa vuwate gini utene kegina kanayema. ²⁷ Piya vutepa avaga enaga Isu va oimitine, " Asima esegi vundili a tiyekuru viyoma, mapa nage kanauwa." ²⁸ Pigo Pita va awema omitine aye kava piyamba, " Tave yagara, tagamba kageye undanapa, yega wani akavata kananoma kage minda mbeti. ²⁹ Isu va utine," Kanoma," pita va wowale vinda sava payo pumete watine wani akavata Isu ti. ³⁰ Piya vitipa Pita va agatine tave iguguya pumete kanati, ageva ayekuru vute ago vima wani pindi tumitaye. Piya vutagina wani ngomava avabulite tumitaye, Pita va tavela kegaye uma piya utaye," Tave yagara, naopoma." ³¹ Avaga enaga Isu va aya motama Pita pa aya kana uma mesu pai votama, piya omitaye," Kaeva kamatiti enagapa ugena ndo lakanema, nana viemaye, nage kava kamba aogima kamatiti penema?" ³² Pigo Isu ge Pita geva asu payo putase wowale vindi, piya vutasigina iguguyapa pavigo pagi vutaye. ³³ Pigo kaga eliya kina miva wowale vindi mitetisa Isu pa tave agi amite piya utaye," Tagamba taka, kaeva Anutu ndagara gayema." ³⁴ Pigo igeva kaga wama Genesareti wataye, mongau kwailo kayo wani ngomapa. ³⁵ Pigo kaga pavitasa ginami agavebema Isu agate giniva, igeva kamana aisaga taye pingau kwai wakala minda mba ndama liva, piya vutegana ige kaga wawaya miva kaisa aiyena ginapa ivamete kana gana vutaye ageta. ³⁶ Igeva iyumaipa mema mala atama gini Isu kava avigataye autasa enala aigaya vikenaga, kaga igoma wawaya kegivaya autasa enala aigaya vute kina miva amba kanara puta wataye aiyena wipa.