¹ Pigo pindagava Isu va namapa atate wama kayo wani awali umitaye. ² Kaga igoma kina taka kanama amba agive putene Isu pa, piya vutegana ageva wama uma payo putaye wowale vindi, pigo wawayapa wani awali kepiyati amba asita wataye. ³ Pigo Isu va kamana utipa igoma ndana vindi ama kamanapa atama oimite poiyakite vutaye kaga wawaya mikava. Ageva piya utaye," ⁴ Aviyoma, ka yagarava yoga ena yagara gana yogali aindana vikena watinema. Pigo ageva aindanava mete wama ma avovoli uma asikita nasita yema, pigo kaisa aindanava ke awali lumitipa kavara ngoma amba nagai tagina. ⁵ Kaisa aindanava ma asa wandati tumi tipa, avaga ena mesu ilataye, pipa nana viemaye, kamba igoma mbava mitaye asa wanda mbagana. ⁶ Piya vutagina pa mesu latipa, kaga ngai ndanava avaga enaga asama mavindi lumu watayema, nana viemaye, avu ngomava kamba mavindiba tuminda uga inata mitikana kamba wanipa metaye. ⁷ Kaisa aindanava uma wale gagaye asalele inata ilasanava pugagaipa, pipa asalele ina ngomava ayegu gasa kina asa wakiye kaga. ⁸ Kaisa aindanava tumitaye aogi mavindi pigo mesu ilatipa aogima apa ena yaga ima anapa aetaye, kaisava 100 wa aetaye, kaisava 60 wa aetaye, kaisava 30 wa aevutaye. ⁹ Wasana age minda kanava, aogima aveno ma kamanapa." ¹⁰ Pigo aindiva kaga eliya ndakara aviga taye Isu kava," Pipa nana viema kaeva ama kamanapa ugaga nema wawaya mikava? ¹¹ Isu va igekava awema oimitine," Tigeva timu piyoma, pipa nana viemaye, kaga kakama minda kamanapa kindomu inatisa guma tisava ago amba pagusama ala waya. Piya vipa ige kaga wawaya miva kamba agandaye kindomu inatisa guma tisa enava. ¹² Piya vikana kaga wawaya kegivaya aogima kamana nde mema inda vindige napi enawi pindige ataki vekaba, Anutu va meva puma imikivi kana igeva pumema awagi tama mekiveye, Piya viya kana kegivaya kamba aogima kamana nde mekive kava, igeva igeguwa vuwa kive kana kaga kamana ndekava, pi nana vaya pai agande ndana gegava igeguwa vuwa kiveyema. ¹³ Piya vika nageva ama kamanapa ugagauwe wawaya mikava, pipa nana viemaye, igeva agaga gaye kaga ena vondanava, pigo nage kamanapa ago avigagaye, piya vepa kana gamanapa kamba aogima alate amingapa kamba agate pugagaye. ¹⁴ Kamana profeti Aisaiya undi kamanapa kanama amba pagusama alawaye, ige piya gina wawayaka uti kana, ageva piya utine," kaeva kamana ndepa aviki vembepa, pipa kamba aogima avima alaki venema piya enaga iyemava amingapa, igomata agaki venema nage vukuwo ndana gava, pipa kamba agaki venema amingapa nana vaya yemava. ¹⁵ Pigo ageva meva puma utine, pindana oma amika inda omapa esegi laka puwa kana igeva Anutu kamanapa kamba laka aviki veyema, paviyama iyova like wasuma kamba ka enava agakenama, o kamba ka kamana keva avikenama, o agavebema agakenama taka inda vindiba, kanara puma ige agunda enawi ika amigai keve kava, nageva alaga aogi voita kuwema. ¹⁶ Pigoya tigeva timu pikiveya nana viemaye tigeva ago aogima agaya nage nana vaya vondanava, kamanapa avindili alama avite veye kaga kamana yopa. ¹⁷ Nageva taga kamana ulimuwe tige kava, kaga profeti ginamige kaga aogima mite kina migeva tavela ivuwa vutaye, ma tige agaye ndana aga kenava ma iva, piya vutepa kamba agataye, tavela ivuwa vutaye kamana avikenaba tige ma iva ave kamana, piya vutepa kamba agatene. ¹⁸ Avo aogima ami kamana ama kamana yopa wasanama ai ndana asiki kamanane. ¹⁹ Ka yagarama avite kindomu Anutu nda kamba mema anda vindige napi enawa pindige atakivipa, pipa piyambane mo aindana ke awali lumekina, mo kamba laga yagara Satani avaga kanama amba mega sagina anda vindiba kamanapa kamba migagaye. ²⁰ Ka yagara malo avaga taka kamana avilite gina Anutu nda ageva tavela amu puwakiye, pipa aeva mo piyambane aindana asike gina mo asawanda mbala tumi kaye. ²¹ Pigoya ka yagara malo melite Anutu kamana wakivipa amatiti enava avaga andoga pikiye, kamba mema anda vindige napi enawa pindi geva atakiye, piya gina mava amatiti enawapa avaga uma lumi wakiye, kunda enage ataka enage kanakivi ndanaga. paviya visa puma aindava mesu ilakivipa kana avupa inati igava wakina kamba mavindiva tumikiye. ²² Wasanama Anutu kamana avima anda vindige napi enawa pindige atagagai kinapa," Pipa ageva tavela napi napi vuwa gagaye mone puma akivi kenaga,ageva kota ngwake mamba vindisa enagega napi wama Anutu kava kamba napite anutu nda enava kamba aogima pugagaye. Ageva pikava piyambane, aindana lumipa mo asalele oma amoti lumi kana viema. ²³ Wasanama Anutu kamana avipa mema gina anda vindige napi enawa pindige atama agaluvai pi kamanapa. Pipa mo aindana aogi mavindi lumima gina aogi naninda anapa aye gagaye. Kaisava 100 wapa aye yakana, kaisava 60 wapa aye yakana, kaisava 30 wapa aye yakana vuma igoma anapa aye kiyema. ²⁴ Isu va to ama kamanato oimitaye wawaya kava. Aeva piya utaye," Anutu kindomu va aeva piyama yema wasanama aogi aindana witi aindana yoga wapindi akiyema. ²⁵ Piya votate kaga yogala kavikena ginapa amba awi yewa kana, kana yoga oma avawamba agama gina kanagasima kamba laga yoni ngaito amba asigima gaite mo nguga vindiba wagai kiyema. ²⁶ Pigo witi aindana omava mesu ivakoma ilata wama mesu esegima ana ayeta wakanava, mo kamba laga yoni tova mesu ilatalo wakiyema. ²⁷ Kaga eliya kinamiva yoga oma avawamba kava piya amba omikive yema,' tave yagara, kaeva aogi aindana yoga gapindiva amala tambepa, pi kamba laga aindanava ayamba ambindi yema? ²⁸ Yoga oma avawambava piya utaye,' Nagama ginami amba asigi malate wayegana viyema kamba laga inapa,' Pigo eliya ndakara wambiva omitaye piyamba,' Kage kanarane ikivembe kava tageva wama uma yekai kunema kamba laga inapa, a? ²⁹ Pigoya yoga oma avawambava oimitaye,' kamba yema, a uma yeviyoma, ayugu kamba laga ina ndaga witi yekai kiveya. ³⁰ Ataigina kamba laga ina ndaga witi yaga puma miyenoma kaga kana yaga naninda mema akivi kena yagaya. Pigo naninda mema akivi kena yagava ago yoke puwa yema yoga vindi, pavigo nageva naninda mema akivi kena ginaka oime kana piyamba," Yekaite iyoma kaga kamba laga inapa amalu ena mema yaku kaye kena. Pigoya aindiva akivi yoma kaga witi anapa naninda namande pindi meya votaiyoma. ³¹ Aindiva Isu va to ama kamanato oimitaye wawaya kava. Aeva piya utaye," Kindomu inatisa gumativa piyamba nema masteti ya ana kandama pi ka yagarama mema yoga wapindi amba akivi sapuma. ³² Pi masteti aindanava pipa aeva amana takayane kaisa aindana mindina aka pindiva, pigo aeva mesu apakoma imava tave igagaye, aeva igasi gagaye kaisa naninda yoga vindi mindipa, aeva tave igagaye ya oma visa puma, paviyama kaga kavala ngomava anapa uga gima mikema amaliva. ³³ Isu va to ama kamana tova oimitaye kaga wawaya kava," Kindomu inatisa guma tisava aeva piyama yisti ka wema amana ando awe vikena sikoni vindi kakaga kapu vekana mesu pulu venoma. ³⁴ Kaga yagava, Isu kamana oimikena vundanava wawaya ka, ageva ama kamana ngamana uma oimigagaye. ³⁵ Age piya vugagaipa ageva kanara puma nagali gaikena vugagaye, ago paitaka profeti ginama ugainda ena omaka. Pi profeti yagarama piya utine," pigo kamana ukuopa ama kamana pindisa mana ukuwema, pigo nageva ama kamana uma poiyake kini aviki veye kaga wawayapa, pipa kakama minda kamana ukuwo kana, Agovi lasa nage inatisa gumake mambage pumalato ndanaga. ³⁶ Pigo Isu va itate wawayapa namati wataye, kaga eliya kina ngwambi piya amba omitaye," Kanara ulami kivenoma aogima ama kamana yembe kamba laga aindanaga witi uga vindiga," ³⁷ Isu va piyamba oimitaye, wasana kevaya aogi aindana vuti nava aeva ala puma vutaye wama ndagaraga. ³⁸ Yogaga ala putipa mambaga utaye, pigoya kaga aogi aindanaga utipa, pipa aeva ala puma kaga wasanama Anutu kamana avima agalu vaika utaye, Pigoya pi kamba laga inane ipa pipa aeva ala piye kaga kina kamba laga ena vuma satani kamana avima agalu vaikana. ³⁹ Pigoya pi agama gina kevaya kamba laga ina aindana vikinapa, pipa aeva satani ka ala piye. Pindaga naninda aguta kana mema aki vikena yoga vindisa, pipa mamba vindisa ago ala pugaindiye. Pi naninda mema aki vikena gina ago ala pugaindipa pipa mo angelo ginane Anutu nda. ⁴⁰ Paviyama kamasa ena vuma kamba laga ina akivuma yaku pindi kaye gaikenava, Anutu ga kamana avikena yagarava mindiye yetami latakena kaga wawayapa mamba pagi vikibi ndaga. ⁴¹ Wama ndagarama kaga angelo gina ngwa aisaga kana wama gina kaga ume gaikiye, kaga kamba aogi ena wasanama vute wale gagai ndana agunda ena vindi, pipa kaga wawaya kevaya Anutu kamana mema aka amigasi gagai kina keva. ⁴² Pikinapa kaga angelo oma ivama pi wawayapa mome vikiye," Tave yaku pindi, pipindiva tavela iyuki sanava meiyoma, tavela kuwepa ataki veyema, piya vute iwala upava vikive yema. ⁴³ Pigoya kaga aogi vuwanda kina wawayapa iyowa vindisava yewasa vuwaki veyema pa ngoma asa vuwaisa puma Anutu kindomu vindiba. Wasana age minda kanava, aeva aogima avitegina meyano ma kamana yopa. ⁴⁴ Kindomu Anutu ndava ka age gugu uwama inata ima ena gandama mindiye, paviyama ka yagarama yoga ena vikena aogi maga aguyosa kagai sapuma. Ageva maguma mavindi kana age inata iwanda ena kaka kena vugagai sapuma, aindiva kaga enawapa uma aisakaite togana malo amba ika pikena aoso mbalo. ⁴⁵ Piya vikana Kindomu inatisa gumapa paviyama inata iwanda kumane. Piyama ka yagarama aogi miye ika pikena pugagai sapuma, tave miye inata iwanda tasa. ⁴⁶ Pigo age agategina ka miye inata iwanda, ageva wama kaga enawapa uma aisa kasima mone melite kanama pi mbiyepa amba ika pikiyema. ⁴⁷ To kakema, Kindomu inatisa gumapa piyambane ka yagarama pisi mekena visa puma kayo wani pindisa ummbeni gu mo atama toma toma pisi meisa puma. ⁴⁸ Pigo umbeni gu pume yaginava, pigo kana pisi guyena vindagara mava umbeni gu ngwapa paivulite awali kepiyata mengatama. Ageva pigo mala mima aima aogi vundapa kongwa pindi ilagi ndana, pi kaisa kamba aogi vundapa, to mome vugai kiye. ⁴⁹ Mamba oma atutiva, pavi kamasa ndana vikiye kaga kinatapa, kaga angelo gina mava kaga kamba laga gina pela aogi gina mikive aka pindi pi kinapa agaluva yegai kiye. ⁵⁰ Kaga pi kinapa isaga yoma mome vikiye tave yaku pindi, igeva tavela ivuki vaki enava mema kuwe atate iwala pavasama kinani sikiveye kagapa." ⁵¹ Pigoya aindiva Isu va ivigatine eliya kina ngwaka piyamba," Tigeva ago meya yoma kaga ama kamana pagusama yokeva a? Ye utaye," ⁵² Isu va piya oimitaye, kaga kinama kevaya aogima avikibi ma kaga ama kamana yo avite eliya kina ndana Anutu nda pikive kindomu wapindi, igeva nama ngoma avawamba ndana asu vikiveye. Nama ngoma avawamba giva mikiveye paisa ena vela ivasa ena vela puma kota ndama ngwe pindisa ige winda asu mekiveye. ⁵³ Pigo Isu va oimitaye kaga wawaya kava kaga ama kamana kava, Isu ge eliya kina ngwa keva Pitapa atate to aukwailo wataye. ⁵⁴ Kaga igeva wataye Nasareti Isu nda ma agowati. Ageva wataye Juda gina minda alotu namati a wama uma poiyaki tine Anutu kamana, pigo kaga wawaya miva uti kamana avite, agate tavepe ena vuti kega, igeva iyuma omapa iga lumiga vute piya utene," manda garava aetasa meiyema napi ena vela pilage ena vela esegi enava ma tavepe ena pindanava aye ngaukwaisa metayema? ⁵⁵ Tagamba taka nema ma ndagarava ageva kapenda yagarama ndagara yoma a? Tagamba nema ano wambava, Mariya yema kaga anata valaba, Jemisi ya, Josepe ya, Simioni ya, Juda yasuma ya. ⁵⁶ Pavi amana pala yaga, mamba tagege mindaya a? piya vipa aeva ayetasa meiyema pi aogi napi enage pilage enage esegi enageva, pi tavepe ena pindana geva aye ngaukwaisa meiyema pingawa yenava?. ⁵⁷ Igeva tavela kunda ena mewataye pi kaga ena Isu vutikava, pigo Isu va oimitine, piyamba kaga kina kava," Kaga wawaya miva tolu pindisa toginama mbaliva aogima mekive yema ka profeti yagarava, piya vikibipa kaga agewa tupindisa profeti agewa mbalasa lakapa,kamba aogima avabiki veyema. ⁵⁸ Ageva kamba vutaye tavepe enava igoma tapa pi ngakwaiva, nana viemaye, igeva kamba imatiti puteka gana.