¹ Ka Sabati yaga Isu va watine witi uga ndaga mandati, piya vutipa eliya ndakara wapa igayenaga ivu tagini igeva witi anapa asigima nata wataye. ² Piya vutegana ige parisi ginami agate giniva, igeva Isu kava piya omitaye." Agoma, nanaga male kaga eliya ndakara gambiva alova akayo yaema Sabati yagava." ³ Pigoya Isu va piya oimitaye," Tigeva kamba isuma aganda yoma nana vaya Deviti vuti ndanava kaisa aege nasite ndakara mige ige igayenaga ivu tagini vute ndanava.? ⁴ Igeva watenema Anutu ndama pindisa breti akungatanda asu mema nate kava, pipa aeva kamba umema imikenaye agege mite ndakarava. Pi kaga breti va prisi gina miga nakenaye.? ⁵ Kaeva kamba isuma agavenoma alo gamana pindi piya ipa, Sabti yaga prisi ginami tave alotu nama pindisa alova aka kayo nana vugasi gagepa Sabati yaga, igeva ka kunda enava kamba megaga yema? ⁶ Pigoya nageva tige kava piya ulimuwe ka tave alo meva puma mindi yema tave alotu nama mata mindi pindi ⁷ Pigo kage ago aganda kivembe kava nana oma amika vaya ma kamanapa mindi yema,' Nageva aumama enaga navuwa yema kamba ofa gaviya,' Piya vikana kamba koti voita kivenema kunda enawi kamba minda kinapa. ⁸ Pipa nana viemaye, wama ndagara aeva Tave yagaraye Sabati omanda." ⁹ Aindiva Isu va atate pingau kwaiva alotu nama pindi watine Juda ginami alotu nama pindi. ¹⁰ Pingau kwaiva, ka yagara aya puwanda yagara mitine, Parisi ginami avigatene Isu ka," Kanara pikiyoma ma aiyena yagara aogi vota kenava Sabati yaga?" Igeva piya gamana utepa ageka akaya sikenaga ago kasa utene age Isu kava agunda yagara ye ikenaga utaye. ¹¹ Isu va oimitine, pigo ka yagara tige tika pindi ka sipsip yagando wataka minda kiyema, pigo Sabati yaga kana sipsip kavindi tumu wakanava, pipa aeva kamba aopi kiyoma? ¹² Wasanava sipsip ngomapa agasima mindiyema, piya vikana meva puma aogi vuwaki yema wasana Sabati yaga aopi kenava." ¹³ Pigo Isu va pindagara gava piya omitaye ," Kaya apaloto omitaye," Aeva pavi Isu omiti sapuma aya apalotama avaga aogi vuwataye to ka ayeti pundisa puma. ¹⁴ Pigo ige parisi ginamiva avei wama kaisa ke kuyena uma vutaye Isu ayegu kenaga. ¹⁵ Isu va ige ndapi enava ago agagai tegina, pigo aeva pitapa atate to aukwailo watagini igoma kina wawayapa agaluvata wataye, piya vutegana ageva aiyena ivunda kinapa aogi voitataye. ¹⁶ Pigo ageva esegi gamana oimitaye ige kava, age piya ena vulata yemava to kaisa gina kava a uma oimiyoma. ¹⁷ Age piya ena vutipa ago profeti Aisaiya paitaka ugaiti ndana vuma avolataye. ¹⁸ Ageva piya utaye, aeva nagenda eliya ndagara nenema, nage ayepa alapota nduwema ayekava tavela navuwa gagayema nagende nanda vindiba, nageva Spiriti nepa aepindi ataku wema, piya vekana ageva pagusama ayetaka kamanapa oimiki yema Juda gina napa to ginami pindiva. ¹⁹ Ageva kamba kamana ikivepa awema ikiye,o aye ndaye kamanapa kamba ikiye,o ka yagara mava me ketiva kamba yekini kamba avikiveye. ²⁰ Ageva me kaviba kamba apale vikiye kamba yege vundapa, ageva kamba atuma kaikiye me kane kamba aogima lakivi kanipa. Ageva esegima eliyapa vikiye aogi laka puwama asugai nda ena laka puma. ²¹ Pavi age agelaka kaga wawaya kamba Juda ginapa imatiti pikiveye," ²² Pigo aindiva ige aolika puwate awamu kunite vuwanda avamete Isu ta kanataye, pigo kana yagarava aogi votatagina aova agate kamanapa ute vutaye. ²³ Kaga wawayapa iyuma omapa mesu isesa wate utaye," Napi- iyoma ma ndagara gava, ageva Deviti ndagara yekiya?" ²⁴ Pindaga Parisi ginamiva piya gamana avite giniva toena laka esegi ena viema Isu va, igeva piya utaye,"Ageva agalu vayema kamba laga spiriti va Belsebali ngesegi enalaka, aeva anonga yambu gina kana kamba laga spiriti omanda," ²⁵ Piya utepa Isu va ago napi enawi pindiva agagai tegina aeva piya utaye," Kaga kindomu aka apakoma tara ena amba vikibipa kamba aogi vuwa kiyema. Pigoya tave teseni gumake o nama paviyama apako vuma tara enalo pikivi kava pipa kamba esegima mikiyema. ²⁶ Pigoya Satani lova Satani agalu vakibi kava, pipa agewa akapi apako vulikiye. piya vikibipa kindomu wapa ayama asima esegi vikiye? ²⁷ Pigoya kana nage kamba laga spiriti agalu vakuopa Belsebali ngesegi enalaka, kanarana kaga yagara limbigi alo agalu vakibe kamba laga spiriti pipa ke ngesegi enalaka agalu vakiveye? Pina amika tigepa yetami litakiveye. ²⁸ Pigoya nage agalu vakuwo kamba lataga spiriti, pipa esegi spiriti Anutu nda lasa pukuwe, pigoya Anutu kindomu ago kanagai taye tige pindi. ²⁹ Pipa aya vikiye kanara kunda ndagara mava ka esegi yagarama ndamapa akasava kasima kaga kota ngapa asu mekiya? Ageva igana mema gina aya tarage agisa lalageva kivapalo potate ginaga kota ngapa asu mekiye. ³⁰ Pigoya ka yagara nagege kamba mikivi kava, pipa ageva nagama yagaraye, pigoya nagepa natate ageva pagasa laka mikiye. ³¹ Piya vika nageva ulimuwe, pigoya agunda ena vikiveno akaya kasa ikivembepa Anutu ka,pipa pi agunda ena gapa megagai kiye, pigoya kage Holi Spiriti ga akaya sikivembe kava aeva kamba megagai kiye agunda enagapa. ³² Kevaya kamba laga gamana wama ndagaraga ikivipa, pi pagapama enawapa megai kiye, piya vikibipa Holi Spiriti ga akaya sikivipa pi pagapama agunda ena wapa kamba megai kiye mamba vindi vela aindisa mali vela puma. ³³ Ya aogi ya mindana ana ayekivipa aogi ana ayekiye. Pigo paviyama kamba aogi ya mindanava ana tova kamba aogi anato ayekiye. Pipa aewa ya oma pugaya kikiye aewapa nana ya navaya yemava. ³⁴ Tigeva kamba laga kuya oma ndagara mindaye, ayamba tigeva kamba aogi ena vikibe tisalo aogi enava uma vikiveye? Ka yagarama aogi gamana pagusama ugagai ndagarama piya napiena anda vindi pumema miye gina ugagaye. ³⁵ Aogi yagara mava aewa anda vindiba aogi ena miegina aogi ena vuma avola gagaye, Pigoya kamba aogi yagara mava anda vindiba kamba aogi ena miegina gana kamba aogi ena pugagaye. ³⁶ Nageva taga kamana ulimuwe, pindaga tave koti avolanda kivi ndagava, kaga wawayapa pagusama ikiveye kaga kamba aogima avuloto ena pugage kava. ³⁷ Kamana katasava, kaeva aogi yagara ena pikivene, pavi kamana katasa lova paviyama kamba aogi yagara ena pikivene. ³⁸ Aindiva pigo kaga aganda ena vindi alo omanda agagage kina mige kaga parisi gina migeva awema omitaye Isu kava piyamba,' Tisa oma, tageva agakena vunema ka amandana vegana kaetisa kanaka aganoma," ³⁹ Piya utegana Isu va awema piya oimitine," Tige kaga wawayapa kamba laga spiriti omage kupiyo ena omage agake naga yesema pi amandana gaepa. Pigoya, kamba amanda nava avola kivi kili agakiveya tigetapa, amanda nava profeti Jona ndaga avola kili agaki veyema. ⁴⁰ Paviyama kamasa puma Jona pisi oma anda vindi kakaga yaga asekake ala kema mitisa puma, paviya malo wama ndagarava mikiye ma anda vindi kakaga yaga ala pela aseka pela puma. ⁴¹ Pi koti avola kivi ndaga kaga kina Ninive isa amba asikiveye kotila ma iva miye kinamige kaga. Kaga agataye Jona pagusama kamana utagini inda awevute. Piya vutepa, agaiyo ka yagara Jona pa meva puma agasima yagara ago mata ambindiya. ⁴² Ka Kuwini sauti lisa asilite kanakiye koti ena avola kivi ndagava ma ivasa yaga minde kinake. Aeva kanakiye ma atuta umage ambagema Solomoni ndapi ena avikena, pigoya agawo, ka yagara Solomoni meva puma agasima yagara ago mindiya mapindi. ⁴³ Pigo kamba laga spiriti avei wategina ka yagara mapindisa, aeva wakiye ma asa wanda mavindi pipindi umi nakena, piya vute agakivipa kamba akusama mikenana agandanava. ⁴⁴ Pipa aeva piya ikiye, to waku wema migate kanato ndamati,' pigo age wakivi ndanava, ageva wama uma agakiye kaga ena aogi vugaite nama pindive kaga ena vugaite mikivepa. ⁴⁵ Aindiva ageva to wakiye wama 7 wa kamba laga spiriti agewa keva kamba kamasa pundake. Uma ivamete wasana anda vindi ambikena, Aindiva pinda garava pai migagaisa mbana mikiye mikivi ndana wapa tavela kamba laga vuwakiye, age mikivipa kamasa puma kamba lagama pi kinapa manga valapa mikiveye. ⁴⁶ Pigo Isu va kamana uma mitagina igoma wawaya mige, ano avage anata valage avei amba asima mitaye, kamana omikena ageka. ⁴⁷ Ka yagarama omitaye Isu ka piyama. " Agoma, kano gavage kanata valage amba kaguyo sama avei asima mindayema, igeva kamana ugami kena veyema. ⁴⁸ Pigoya Isu va awema omitine piyama," Kegiyema pi nano navage nanata valageva?" ⁴⁹ Piya ugai tegina Isu va aya malo posenda puma eliya kina ngwa miteti malomba nano navagi nanata valageva mindayema! ⁵⁰ Kegivaya wayo o wayanoma agalu vakibe navanemba auma inatisa gumati mindi, pikina mindaye nanando namana nanonemba navanemba giva,Isu va piya utaye."