¹ Pigo Isu va eliya ndakarawa igokaye vikena kamanapa oimigaite, pigo ageva pitapa atate tavepe teseni gumati wataye uma poiyakite pagusama kamana oimite vikena. ² Joni wani meimina ndagarava kalabusi vindi atate gana miti tasa avitaye Isu ka piya viye gamanapa, pigo ageva kamanapa aisagataye eliya ndakara wata. ³ Pigo aeva piya utaye, pavigo kaye gana pela to yagaraga agava vusunema kana sanagava?" ⁴ Isu va piyamba awema oimitine," Tigeva wama gili uma omiyoma Joni wani meimina ndagara gava nana vaya tige agate avite vute kava." ⁵ Kaga aolika kinapa iyova apisama agatawa yema, pigo igisa kamba aogi vuwandapa ago aslite naseyema, kaga kina alepa aiyena ivundapa ago kava wayema, kaga ige guninda kinapa ago kamana avita wayema, puwanda kina kekepa iyoga yema, pigo kegivaya agaye kina miva kaga wawaya kava uma pagusama oime yema pi aogi ena vuma avolo kava kavona kina pindi." ⁶ Kaga kina kepaya kamba laga ena poite kinamiva, ige kagapa imu pikiveye." ⁷ Pigo igeva wagaite gana, Isu va oimitaye kana Joni wani meimiti ndagarama kamanapa piyama yema wawaya mikava." pigo tige wasana kamba minda mbavindi watepa nana uma agayema, ka kavu yoni wani pindi iguguya ngama ataku gasagili agakena wayoma a? ⁸ Pigoya tigeva nanaga agakena wayema, ka yagarama aogi autasa ena vulinda kinapa igeva kini ndama pindiga migagaya. ⁹ Pigoya kageva nana agakena watambene, ka profeti yagara aga kenaya? Ye, nageva ugamuwe, ageva inata takanema ige profeti ginapa. ¹⁰ Pipa age ago isa kaye gainde ndagaraye,'agoma, nageva ka yagara aisago nema kamana mete paitama wagaka penoma tigeti, kevaya paitama wama ke aogi vuta wanoma kagenda. ¹¹ Nageva tagamba kamana ulimuwe piyama tika pindi ka wema yagara yakali pikivi ndagara mava, kamba ka tave yagara ganda mava Joni wani meimi gagai ndagarava kamba asu agaikiyema. Piya vikibipa kevaya inatasa kindomu vindi amana ndagarava ndo gandama mikivi ndagarama, Joni pa asu agaikiye. ¹² Pigo pindaga Joni wani meimiti tasa kanama ma ivaba. Kindomu inatasa guma ngomava waye igoma maka kamana pindi, piya vegina aeva akemba ndana vikena yagara mava aeva esegi ma asilindana akemba ndanava viye kindomu mekenava Anutu nda. ¹³ Kaga profeti ginamage alo omanda profeti gamanake kanama amba nagali taye Joni wani meimitita pagi vuma. ¹⁴ Pigoya kaye pi kamana mekena vundanapa, pipa aye profeti Ilaija kanakiye. ¹⁵ Kevaya age minda kana kamana avikenaba avikiya, atagana aeva aveno. ¹⁶ Pipa nana viemaye, kaga enaga nage yetami itakuwopa wawaya minda enaga? Pipa aeva me yakara ndo ndoma teteyena maketi gumati pikena igewi malo kegaye makegaye ikivesa ndanaye uga igewika piya enaye. ¹⁷ Igeva piya ikiveye tageva ka kita ayegu yekana kaye kamba kagisa kaya kamba patagi ena vikivembe kava. Tageva tandala puma kuwe atakana kageva kamba kuwepa ata kivenema. ¹⁸ Pigo Joni kanatipa kamba nataye breti yo waini wani nomava igeva piya uataye,' age pindiva kamba laga spiriti mindi yema. ¹⁹ Wama ndagara kanatipa, ageva nanindava nate wanipa nate vutagina igeva piya utaye," Agoma, ageva igoma nanindava nama spaki vugaga viya, ageva takisi mena kinami iyo yagara yema agunda ena vugage kinamike," Pigoya aogi ena gana gagaipa pipa aogi napi ena vindisa kana gagaema. ²⁰ Piya vutagina Isu va esegi gamana oimitaye, kamba lataga ena vendana gaite tave teseni vindi amba tindala pute agunda enalika, nage vondana tavepe ena tige pindi kamba agaema. ²¹ Nandala puwema, Korasini, nandala puwe kageke Betsaida. Pigoya tave ena vuma avolai ndana Taiya ginake Saidoni ginakela ayeta paya kageta puma avola tindana, agate nalisa igeva agunda ena wikava indara putesine auge kaguke iyuti kama gini. ²² Pigo igeva amana ando wapa kanara pikiya Taiya ginamike Saidoni ginamike iyutapa tave koti avolanda kivi ndagava Anutu nda, Pigoya pindagava tigetapa kamba laka kamasa pikiya. ²³ Kage Kapeneyamu gina magava, kaeva napi ena igeva kage mema inata pikive yoma inatisa gumativa? Kambaye, kaepa kavama mavindi mogata kiveye. Pigo ige Sodomu ginami ma tave enava puma avolati ndana voma avolati nalisa, paviyama kamasa puma ma ivaba kanara puma milite kanesine. ²⁴ Pigoya nageva ugamuwe kage kava piyamba age Sodomu oma mbava amba ayoma ena votakiya pi tave koti yaga Anutu nda amba avola kivi ndagava. Pipa kamba ayoma enava pugata kiye kagepa. ²⁵ Pigoya pindana gava Isu va ikiye. Nageva kage mema inata puwe navanemba, Tave yagara inatisa maomanda mamba omanda, nana viemaye kageva kaka atandane aogi napi enava kaga napi ena mekive kinapa paguta amba avola noma napi ena kamba minda kinamita, paviyama amana ndakara ndo ndomita pusuma. ²⁶ Yeya, navanemba pipa aeva ago kanara putine kaye kaolapa. ²⁷ Kaga ena navanemba namiti ndanava, kamba ka yagara mava agandiye, yagara wapa avawamba agandiye, age yagara wambaga agande gina pigo agepa ayakitaye agewa ala potama. ²⁸ Kana iyoma nageta tige kaga wawaya tave kunda ena mendlipa, nageva alaga mina kenanava timukuwa. ²⁹ Alapa yalipa ayesaga mete amba nagalu vaiyoma, nana viemaye nageva nauma nepa mema mala atama migagoka, paviyama tigepa mina kenanava timuku wema. ³⁰ Pipa nana viemaye, nage kunda ena timo ndana omava kamba gunda liviki vikana uga ayesaga vikiveye.