¹ Ma bukuva, ageva kaga Isu Kraisti ata wamba ndaye,ageva Deviti ndagara gana to ageva Abramu ndagaraye. ² Abramuva Aisaki ava wambaye, Aisakiva Jekopi ava wambaye, Jekopi va Juda avawamba gana kaisa anata vala gema. ³ Juda va ageva Peresi ge Sera ke isiva wisimbaye. Isino wisimbava Tama ye. Peresi va Esroni ava wambaye, pigo Esroni va age va Ramu ava wambaye. ⁴ Ramu va age Aminadapi ava wambaye, Aminadapi va Nasoni ava wambaye,pigo Nasoni va age va Saimoni ava wambaye. ⁵ Saimoni va age Bowasi ava wambaye,pigo Rehapu va Bowasi ano wambaye,pigo Bowasi va Obeti ava wambaye, Ruti va Obeti analimba gana,pigo Obeti va Jesi ava wambaye. ⁶ Pigo Jesi va Kin Deviti ava wambaye,pigo Deviti va Solomoni ava wambaye, ano wambava,ageva Uraiya ngwe apariti nandaye pai. ⁷ Solomoni va ageva Reobowamu ava wamba gana, pigo Abisa va Asa ava wambaye. ⁸ Asa va ageva Jehosafeti ava wamba gana,pigo Jehosafeti va Joramu ava wambaye,pigo Joramu va Usiya ava wambaye. ⁹ Usiya va ageva Jotamu ava wamba gana pigo Jotamu va Asi ava wambaye, Asi va ageva Esekaiya ava wambaye. ¹⁰ Esekaiya va Manase ava wambaye,pigo Manase va Amoni ava wambaye,pigo Amoni va Josaya ava wambaye. ¹¹ Josaya va Jekoniya ata wambaye kaga anata vala geva,pingava lapa Babiloni kalabusi uma vuma miteta kana. ¹² Aindiva kalabusi uma vikiye kava Babiloni, Jekoniya va ago Siltieli va ava wamba ndana vutitane,pigo Siltiel va Jerubabeli ata wamba ndana vutaye. ¹³ Jerubabeli va ageva Abiudi ava wambaye,Abiudi va Eliyakim ava wamba gana Eliyakim va Aja ava wambaye. ¹⁴ Aja va Sadoki ava wamba gana,pigo Sadoki va Akim ava wambaye,pigo Akim va Eludi ava wamba gana. ¹⁵ Eludi va Eliesa ava wambaye, Eliesa va Matani ava wamba logana, Matani va Jekopi ava wambaye. ¹⁶ Jekopi va Josepe ava wambaye,pi Josepe va Mariya ngaweye, Mariya va Isu yakari putine,pi to agiwapa Kraisti ye omitaye. ¹⁷ Kaga kinami ata wimba Abramu tasa wama Deviti ta watipa 14 wa tune,pigo pi Deviti tasalo ata wimba ndana vuma watepa pipa mo Babiloni umiteta uma agema pavi yama 14wa tundana lo uma vutaye,pigo paviyama lo Babiloni mitetasa ata wimbagi mita ganatetapa to 14wa tu to kanataye Kraisti tapa. ¹⁸ Pigo iyavama kamana Isu Kraisti nda kamana Mariya amba yakari potati pingava la kanaye,pipa Josepeta amikena,piya vutepa aindi uma aka atakena vutepa, Josepe va agataye piyamba, Aogi Awamusa oma Mariya pindi ago yagara ata gasayema. ¹⁹ Josepe va Mariya ngawe aogi yagaraye,pigo ageva kamba avutaye Mariya anindana la etasana gava wawayami iyolapa,piya vute ageva napi ena wapindi kaka tataye Mariya pa iteta gaikena aba vuku wema vutipa. ²⁰ Ageva pingawa enaga napima mitipa, Angelo Tave yagara manda kanama amonda ena amba potataye," Josepe o ma, Deviti ndagara, a kaekuru voma Mariya wayaka kandama aba vikenava,nana viemaye pi yagara agae pindi mindipa,pipa ageva Aogi Awamusa ata ndiye. ²¹ Ageva ka masi yagara mekivi nema, piya vekanapa kageva agewapa Isu ye omo,nana viemaye ageva amba iwima wawaya ibavume kivine agunda ena wi pindisa." ²² Kaga ena amba vuma avolaipa ageva pavigo amba nagariye tave yagarama profeti gina mita ugaindi ndana,igeva piya utene. ²³ Avi yoma,ka arawe kevaya ka yagarama ge kamba winda ngwema agae puma ageva ka yagara mekivi nema,piya vekana agewapa" Imanuweli yema," pina amigapa piyambane Anutu va tagege mikiyema. ²⁴ Josepe va awi vindisa asilite ginava pavi tave yagarama Angelo oma omitisa ndana uma vutaye, pigo ageva wama Mariya pa uma aba vutaye waya ngwa kandama. ²⁵ Piya vutipa ageva kamba atokaema witaye waya ngwamba geva wama pi masi yagara uma yakari pugaita ginaye. Piya vuta gina pigo age kava agewapa Isu ye omitaye.