¹ Nage Jemsi na, eliya ndagara Anutu ndage Tave yagara Isu Kraisti ndagema, nage kaeuwe ma ngisapa 12wa tumbiti Israeli minde kaga ma atuta, nage aogi yagaye ulitauwe tige kagaka. ² Kaga nanata-vala tigeva timu piyo kaga yagava tige kunda enage mekive ndaga geva. ³ Tigeva agaiyo piyama kaga ngataka ena vindi timatitipe ndanava mema aogi pulitakiye. ⁴ Tigeva esegima asima ayesaga viyo pi kunda ena vindiba, tigepa mema esegi pulita kena viya, kamba ka ena gava kavona vikiveye Anutu ndana gava. ⁵ Pigo kawina tige pindisa aogi napi enaga avi kivi kava, atagana avigano Anutu ka. Anutu va igoma ndana gekepa amikiye ageva ka yagarama aviga kivi kava kamba kava avilakiye. ⁶ Pigo pi ndagarama Anutu ka aviga kivi kava ageva esegima amatiti pute gina a tara napi enava veno ka ena gava. Pigo ka yagarama tara napi ena pikivi kava ageva piyama solewani inata ima iguguya ngoma mete wata ganata pugagai sapuwakiye. ⁷ Pi ndagara mava a napieno piyama ageva ⁸ ka ena mekuwe mava Tave yagarama tisava. Piya yagara mava tara napi ena pugagaye, ageva kamba agaluva kagaye nanaga vaya ugagai ndana kava. ⁹ Ige imatitipe kina miva imu piyo kavona kina mikive kava, ige Anutu ao lapa tave igi mekiveye. ¹⁰ Pigo mone kina miva imu pikivepa Anutu va ige mema mala kaikiye, nana viemaye igoma ndana wapa pagi vuwama ageva pulikiye yoni ngosa paluguva wai sapuma. ¹¹ Esegi patama yoni ngosa asagasima paluguva wagagai sapuma, iwa enava kamba laga vuwakiye. ¹² Anutu va amu nda imigagai kavaya ataka ena vindiba asima esegi voita gagaye. Pigo age esegima asima ataka ena agai kivipa, ageva aogima asi asima mima unda unda puwa kena ena mekiye, ago Anutu ugaiti sapuma kegivaya ageka avuwa kivi kava. ¹³ Pigo ataka ena ka yagara mata avola kivi kava ageva a yeno piyama," Anutu ataka vunataye mava," nana viemaye Anutu va uga suga enava kamba vugagaye, pigo ageva wasanava kamba ataka voita gagaye uga suga ena viyo mava. ¹⁴ Pigo uga suga auma oma ka ka kinama igewi inda vindisa ena oma ataka poitama ivai vulite wama gina igewi kambari ndana poita gagaye. ¹⁵ Pigo pi uga suga anda oma tave vuwa kivi kava, pipa ago agunda ena omava tave anosa wakina, puli kenana omava avola wakiye. ¹⁶ Tigeva ka yagarava a atai gina tigepa kambari uligasano, tige nanata vala mitava. ¹⁷ Kaga aogi enage ovuloto enageva Anutu tisa kana gagaye. Pi aogi enava Kane ngoma Avawamba tisa tumi gagaye. Anutu va kamba senisi pugagaye ama kandama avolate gina kaka wagagai sapumava. ¹⁸ Anutu va alo pula tataye tage tami kena aogi auma tage tamatiti pukunombe kava age nda taga kamana ngwa, piya vikata tageva amalusa yagara wa kandama mikune kaga ena age potati pindiva. ¹⁹ Tigeva pi kava agaiyo, nanata vala mitava, kaga kina mitava kamana aogima aviyo,tige avaga kamanapa a ute timo ena avagapa a piyo. ²⁰ Nana viemaye, amo ena pikivi ndagara mava kamba aovuloto enava pikiye Anutu avugagai ndava. ²¹ Piya vikiya tigeva kasiyo kaga uga suga enava agunda ena oma ndaena. Tigeva mema melu mala pulima Anutu kamana mei-iyo age tinda vindi atati, pigo pi ndana oma tigepa tiyopikiye. ²² Pigo ka yagarama kamana avigaite kamba agaluva temava a avigasiyo, pigo avigai kive kava tigeli kambari sume kiveye. ²³ Pigo ka yagarama kamana avigaite kamba agaluva kivi kava, ageva piyama ka yagarama mira vindi agewa aowa agai sapumaye. ²⁴ Pi ndagara aogima agewapa agate gina ugena ndo watato aowaga ageguwa pugagai sapuma. ²⁵ Pigo aogima agagaipa ovuloto ena alo ngoma pari potai ndagaraye pigo yevi yevima wama puagagai ndagarama avite gina kamba ageguwa pugagai, Anutu va aogima meva potakiye pi ndagara nana enavaya pikivi pindiva. ²⁶ Pigo ka yagarama piyama napi kivi kava ageva mono ndagara nayema pigo awamuta kamba aogima aeva pikivi kava, pigo agewa anda vindi kambari sumete mono ena wapa uga suga ena puwakiye. ²⁷ Anutu aola taga mono ena vikena enava piyamaye, kinda yakara ndo ndo aopute kiya we awe puwanda kunda ena mema aopute. Pigo tigeva aogima mi-iyo mamba vindisa to ena lo ena omakava.