¹ Nage, Polina, isapa kayeuwe Timoti ti. Kraisti Isu naisagati kaga apasoli kina oimikena igeva kanama ayeta amba akiviyoma, Anutu piyavukuwe umalanda kamanaka tara yaga ivage aindi kaga yagagema. Timoti, nabuwane nende ndagara gandama. ² paviyama Anutu tavalembage Kraisti Isu tavelembage aogiena wake aumama enawake auma akusa wanda enawakeva kayeti mikiye. ³ Nageva aisa otauwe Anutu ka aye ngeliya nageva tagamba potakena ayewa avisa puma, paviyama atanembigi putesa puma. Nageva kaga yagava purende pindiva ugata gagauwe, Timoti, aseka pela ala pela puma. ⁴ Nageva taga kaganoma pika napite ayamba paya kaye neka kuwe atatambeka. To nage kaga kuwokava, nayeva tavela namu pukuwe. ⁵ Nageva napiuwe kayeva tagamba taka kamatiti penema Isu kava! Amalupa, alogamba Luisige kano gambage Yunisige isimu puwatase isinda vindiva Isu Kraisti kava, pika nageva kagauwe kayegeva kanda vindiba Isu kava kavuwaye isige vutamesa puma! ⁶ Pipa kaye kauma amitambe Isu ka, Nage to pilage pugatakana to agovima voma Anutu uga kamiti ndana mo nage naya kanota malotama pure ugatato gana kamitika. ⁷ Pigo Anutu spiriti tageta tumitagina, ayeva pindana mava kamba tayekuru yenarapa ayerata kiyema; pikava, ayeva esegiena ago tami gaitaye Anutu kamana avuku nombeka, ayeka tavuwate wasanaga tavuwa kunombeka,piyavute tayele aogima kavili kunombeka. ⁸ Piyaviya kayeva a napiyo kani ndana yemava wasana mika oimiki vembekava tave yagara Isu ka. Pigoya pikegava a kanipo kaye nage naondagara miki vembekava, pi nage igana vindi mindokava pipa Anutu ka nauma amite minduwe. Pikava, kaumagapa kasima kavuki vaki enavindisa oimo aogi kamanapa. Anutu va kanara kawopekana kavuki vaki enavindiva wakivena. ⁹ Aeva piya vikiye aye tawima tavabute tagegaye utikana naye kina mi-iyoma. Anutu tawime tipa tage aogiyeliya putombe kayane; pikava, ayeva ago pai pugaindi agaluvama tawi metaye ugamba! Anutu agokaye vutagina Mesaiya Isu amitagina tayepa tamitaye, paviyama aindi kaga enava agovikiyema. ¹⁰ Ivaba kaga kinapa agakune Anutu ga iwima ivabikiyema, pipa tawimeti ndagara Mesaiya Isu ago tumima tumba ugasuga pugaitaye puli kenanava piyavute tayaki gaitaye aogi kamana, taga kamana wawaya asiasima miku nombeka. ¹¹ Pina amika Anutu va napima naisaga taye aposeli eliyata, pagusakenage, poiya kikena gema. ¹² Pavi ndana omaka navuki vaki vuwe, pikava kamba nanipuwe,Pavika nageva agate nauma nepa amuwe Isu Kraisti pa, pavikega nauma nepa esegi vuwe namatiti enanetapa naopuma kavinataka kanakivi ndaga uma agakena. ¹³ Kaye paviyama kaumaga pindi Isu Kraisti ka kavuwa kibembepa, agalu vate aminka taga kamana ngakega, aye kamana paya nagetisa metambe. ¹⁴ Anutu va kayeta malo age viye, mo kaye oimoma aogi kamana kamiti, Aogima kaviyo pikamana Holi Spiriti omata malo agevulima kevaya kaye kanda vindi mindinage. ¹⁵ Kayeva agandane mo kaga imatiti kina Asiya isa awe vuwatepa nagetasa, pavi kaga Pigekusi ginake mo Hemogenesi ginakeva. ¹⁶ pikava nageva pure uwe tave yagarava aogi auma voitanoma Onesiporasi tukava. kaga yagava ayeva naopu gagaika, ayegeva kamba ani pugagaye nage igana vindi miyo ganava. ¹⁷ Pavindana yaga, age mati kanati Romui, ayeva evi evima naguyo sama uma nagataye. ¹⁸ Pikava tave yagarava aogi potakiye Onesiporasipa atutisa yagava. Kayeva agandane agovi lasa naopulite kanati Efesasi mitogana.