¹ Kevaya uga eliya kina misu pikivinava aogima eliyapa pute kamanapa aogima ute veno ayeva wamba amenda pndi. Igeva piyamba pigina aogiena vela Anutu age vela puma, pike poiya kikive Anutu kamanapa kamba ugasuga vuwanoma. ² Pigoya ige uga eliya pugage kinaminda ayevawi imatiti pikive tave yagaraga, pigoya kamana ikivepa a mema kamba aogieva piyo. pipa nana viyemaye igepa iga gavagi mindaye. Igeva aogima tave eliya piyo mevapuma igetapa, pipa nana viyemaye ayeva kina nkwimbiva, igeva esegima eliya pugagaye imatitipe kinapa, piyavute iyumava imigasi gagaye tagamba taka. Igeva pagusama oimite pugagaye kaga aogiena gava. ³ Pigoya ka yagarama yo ka wema wawayaka poiya kikivi toyenaga kamba inatisa yagara manda agaluvanda tavele mbanda Isu Kraisti nda. Piyavigina kamba aogima aogi kamana agaluva kive, aogi kamana ngama aogiki tayaki gagai Anutu ndaenaga. ⁴ Pindagara yo pinkwe mava ayewa nayegane ulikiyema, piyama pikivepa kambayema. Pipa igeva kamba lagaena oma indavindi pume wanda kinanema. Ige pimba kamana ikive ndana mava towina ndaenaga yukaga ginane, igama ndama enage me kambari kamana imegika puvebe kamana uma ikaya sugageke me kamba laga napiena poita gagekema. ⁵ Igama ndama enage kaga yaga ige ikapipa aogi napienava kamba migagaye, igeva aogi kamana kava iyegaka wagasi gagaye. Piyavute gini alotu ena omava taopeka kota mekunema igoma kaisa mamba vindisa enageva. ⁶ Pipa aogi laka puwakiye,pigo tage agaluva kunombeka Anutu auma aye pindiva tamu enava me kanakiye Anutu ndaena vindisa. ⁷ Taye mamba vindi amba avolato mbepa, tayeva ka enava kamba mete kanatune. Piyavute taye puluku nombepa, to kayenalova kamba mete wakune. ⁸ Piya vikata tayeva uga tamupeno ma naninda nate tautasa ena pulombe kava. ⁹ Piyavipa ige kegivaya ivuwave igoma moneke igoma kutakega kaisa mamba vindisa enagega, igeva walewa gagaye igoma kunda enavindige igoma ataka enavindige. Igeva walewa gagaye igoma toma toma kunda enavindi kamba aogi ena vuma wave wayape ivaibumete nasigagaye tave kamba laga enalaka pindi. ¹⁰ Moneka ivuwa kenanava pipa kaga kamba aogi ena omanda amingane mamba vindisa. Kevaya kaga wayo wayanoma napite avuwagagai toma toma kutaka, pikinapa kamba lagaena oma napiena wipa iyegu wama ugasuga puwagagaye tagamba. ¹¹ Piyavipa kayeva, Anutu ndagara gaye, kayeva pimbandava a pundana aogiena meyo Anutu Spiriti vindi pi kamatiti ena, aogima alakupevema esegivo pi kegaye uma Anutu ala pugatati wasanaga kavuoma, pindanala asima esegi vuwoma napiena gapindive pikaumaga akusama mikenana vindigeva. ¹² Kayeva pingakemba ndana vindiva asima esegivo pipa aogi akemba ndanaya kamatiti ena omanda. Alaku pevevo pi kegaye Anutu ala pugatama kauma kamatiti putambe asiasima mikena. pinga wayena gapa ago wawayami iyola pagusama ugai tambene. ¹³ Nayeva kamuwe esegi kamana taka Anutu aola, kevaya kamana utagina kaga enaoma auma meti ndagara,pavi yagarawa Isu Kraisti, kevaya taga kamana uti Ponntiyasi Pailati aola. ¹⁴ Agaluvo aogima alowa Anutu nda a kakava amo pi kamanapa wama tavele, Isu Kraisti kana kivita umamema. ¹⁵ Ayewa kunala kata, Anutu va yagarawa Kraisti pa atakana kanakiye pagutaka, Anutu va aogilaka potakiye tave yagara lepa kevaya kini mite aye asa anonga yambu milatanoma aye asa tave gana aye milataye. ¹⁶ Anutu aye asa kamba pukagaye, aye asa migagaye asiasima esegi kaninga pindi, wasana mava aolapa kamba aganda yagaraye, tave agivela esegi yaku nkwapa ayendaye, ma ivage asiasima kaga yaga, Tagane. ¹⁷ Oimo mamba vindisa mone kinakava piyamba,a napi waiyoma igewikava tave gina taka tayemava pi kaga enalipa pagi vuwakiya. Igeva kaga ndapiena wipa Anutu pindi ataiyo. Aye asa kagaenava tamigagaye aogi vuwanda ena manapa agama mema tamu pikenanava. ¹⁸ Oimo me kaisa ginatova iyopuma aogi poitama iyoma, yetamima kagaenali mikivipa timutili kevaya kaisa enawa kamba mikivinapa. ¹⁹ Piyaena pikiveka , Igewipa pumeli kiveye napiena wipindiva aindi kanakivi ndanagava esegima alaku vebema yumai mekenana vindiva tagamba taka. ²⁰ Timoti, kageva aogima kavi-ito nana aogiena melinda mbetasava, a avo me kaisa ginami ikive kamanapa kamba kaopikiya kamatiti enagapa. Me toma toma kamana ikive kevaya aogi napiena ulunduwema pipa kambari kamana kapa ikivene. ²¹ Kaisa ginamiva pagusama ugagepa pipa igeva pagapa wagagaye imatiti kamana yepindiva. Auma akusawanda enawapa tave yagara manda kagege mikiya.