¹ Makamanapa kanara iyo pekini kaga kinamiva imatiti pikenaye, pigoya ka yagarama alotu namati anonga yambu miyeno undanava, pipa aogi eliya pikena gaya. ² Piya vikana pindagara mava kana alotu namatasa anonga yambu yagara mava kamba laga enawapa kamba miyeno. Pindagara mava wayapa ka uleno. Pindagara mava ayeva aka mima ka ndapiena veno,aogi ena vuma igavebe veno kaga wawayapa. Aye pindiva wasana aogi ena poyaki kenanava miyeno. ³ Aye pindiva aivo nkwani nama aivo navo enava kamba miyeno, avaga amopuma akemba ndanava a peno,aye pindiva towenaka avuwa kenanaga miyeno aumawapa amigasima ayeva mone kava a avuwano. ⁴ Aye pindiva kaga enala kavi kenanava nama nkwa pindisa enalake yakara ndo ndo wambigeva kamana ikivipa aogima avima agaluvate viyo. ⁵ Pigo ka yagarama kamba aogima aye nkwa ndaenala kavigaga kivipa, pipa ayamalo Anutu ndaenalapa kavikiye? ⁶ Aye pindiva ka yagara asando anda amba awe vekinava nage pondanaga anda amba aweviye mava a agemema inata pumeyano ayugu satani oma vutisa pikiya. ⁷ Ayeva aogi enaga poiyakeno avei mikibe kinakava, pipa nana viyema, ayeva kamba walewa kiye kamba laga enavidige satani ko agimala kivi pindi walewa sanaga gava. ⁸ Ige anonga yambu, gina alotu namatasa geva kamasa puma kenasikive ndanava tara tara kamanapa a iyo. Tigeva waini wanipa igoma takapa a naiyo o me kaisa enagava a tivuwaiyo. ⁹ Igeva imatiti enava esegima tagamba puma aogima agiyo nanavaya taga ndana viyema aogi napiena yaga. ¹⁰ Igegeva ago kanarane kamanapa agola avilindini, pigo aindiva igeva eliyapa pikivepa kamba aogi enava kamba pikiveye. ¹¹ Ige wayami pindigeva aogima nasikenana miyekina a igama ndama enava kamba miyeno. Aogima ige ika pindiva tagandana vuma kaga yagava mi-iyo. ¹² Ige alotu namatasa anonga yambu ginapa ka nkwe uliyo. Igeva aogima yagara witakeva kavi-iyo kaga namankwi pindi geva. ¹³ Kegivaya igewi aogima kaviliki vekava, igeva asima esegi pikiveye imatiti enala mikivepa Isu agaluva kive pindiva. ¹⁴ Nageva isapa kayeuwe kayeti napinda kanakuwema alondaga. ¹⁵ Piyavoka kamba kanakuwopa mago isa kayeuwa piti agandili tigeva Anutu ndama pindi mikiveka, alotu nama Anutu nda asiasima mikena pimbaye esegima timatiti kina miye taga kamana pindi. ¹⁶ Pipa esegi vuwakiye kaka kenava taga kamanake Anutu ndaena geva inata mi-i ndagara manda gana." Aeva aundaga kanataye, Holi Spiriti oma pagusama iye, kaga angelo omava agatagina, pagusama akapi kaga kantri vindi mo kaga nkwaisa mavindi ayeka imatiti pikive ayeka inati iti inatisa kumati esegi yaku pindi."