¹ A tave kamanape oito anasa ginakave, ivama akusaitama kavagamba kanda poitama aogi kamana uma iyopo. pigoya masimvi yakarava paviyama akusaitama kayeka kanata vala ganda poitama aogima iyopo. ² Paviyama wayaiya lova mema akusaito kayeka kanovala ganda poitama iyoputevo, pigoya alataga wepa paviyama kayeka kamana pala gandama aogi enalasa yewasa napiena lasa iyoputevo. ³ Aogi gau igo kiweiyagave ige tagamba kiyalai iginape. ⁴ Pigo ige kiyawemi yagarawi no iganu vala mikivepa, igeva aogima alowi mbapa kavi- itama nama pindisa enave kaga enave aogima kavi-itaiyo mo igelo kavi-itateka, piya vikibekava Anutu va amu poitakiye. ⁵ Pigoya waya, awe vuwakana yagarawa kamba mite o anatavala yo inamunga pala yoma aopike gina kamba mikivi kava. Ayeva kaga kunda enawapa Anutu aya pindi atama migagaye alapela aseka pelapuma aopenoma. ⁶ Piya vikana ka wepa, awe puwanda kana aye aunkama ndaenaga agaluva kivipa, pingepa ago puwakiye, aualilapa uga minda kivipa spiriti vindiva ago puwakiye. ⁷ Kayeva pikamanapa pagusama yegini ige pinge iya iwegi puwanda ke yagara wikeva a tumuwaiyo aogiena pikenana vindiva. ⁸ Pigoya ka yagarama aogiena kamba poitakivi kava iyo kina pindige igetu pindige aeva tagandage amatiti enageva aye pindiva kamba mindiye. ⁹ Alotu nama pindiva kiyawe, iwegi puwanda 60 wa nkwa pugainda. pingepa aeva ka yagara metagi puwatagiva tova kamba menda nge kana. ¹⁰ Aeva aogi napienawa mindange taka kana aeva aogima yakara ginungapa kavima migagaye, o me kaisa namu kina nanga pindi kaneno, kaisa imatiti kinapa iyopute, o kaisa kundaena vindi miyekinapa iyopute, o aeva esegima asima aogienamana pugagaye. ¹¹ Piya vikibipa alotu nama ngamava alaga wema ageva a meyano, iwegi puwandapa. Aindilo waumema kamba aogiena pikiveya Anutu aovindi. ¹² Piyaena pikive ndana omava inindanawi melikiveya, pipa nana viyemaye, ago kamana ugasima pindava akukainda enagana alotu namati uga mima Anutu ngeliya pikena omandaga. ¹³ Pindana pikive ndanamava takasi ena vekana uganama mikenana yema, igeva nasinasi puma imegi ndama pindi, igeva wama wasanaga ikaya kamana uma wasana anda vindi yaku kayeta nasima imoenala aita gagaye, kana vipa aogi kamanana ugagaye. ¹⁴ Piyavi kana nageva piyamba uwe ige alagawe iwegi puwandapa to wala wama yagara ena uma viyoma to igama ginami, satani ige mema ataka poitasana gava. ¹⁵ Nageva ma ngisapa kaiwe nana viyemaye, ige alagawe miva, iwegi puwanda mima, igeva Anutu kamana ika amigaitegini to satani uma agaluvaye. ¹⁶ Pigoya agagana kawe tikapi kaye tupindisa, awe puwa kanapa, avama aogiena poto, kaye piya vikivembe kava igoma kundaena alotu namativa kamba kanakiya, piyavekana alotu nama ngomava mo kaisa kamba aogima mikivi kinato aopikiye. ¹⁷ Ige imatiti kina wawaya miva tave igi imiyo alotu namatisa anonga yambu ginakava igeva aogima kavima eliya pugagaya, piyaviya meva puma, tave igi lakapa mo kamana pagusa gage kinake poiyaki gage Anutu kamana. ¹⁸ Pipa nana viyemaye, Anutu kamana ngamava iye awamupa a akunoma kawo yaga oma waini andi atutu pama miyekanapa, piyavekana eliya kinamava ape ngapa meyano eliya pikava. ¹⁹ A avo ka yagarama kamana kiki sikikava alotu namatasa anonga yambu yagaraga, tara yo kaga ginama ikivi kana alotu namatasa anonga yambu yagarama kunda enaga pimba tagane. ²⁰ Pigoya ka yagarama evievima kamba laga ena vuta wayava mikivi, kaga kinami iyola pindagarava atama aogi viyo mo kaisa mikive kinamiva agayoma to igelo pusanaga. ²¹ Anutu aolake Isu Kraisti ke aogi vuwanda angelo omake, nageva esegi kamana suwe tigeka a yetami itayoma kaisa ginakava, piyavutegina me kawina tova aogienava a potoma. ²² A avaga enagava kawi anotapa kayapa a malotama purepa ogasoma. to ka yagarava ato agaluvata wama agunda enalova a uma voma. kayeva aogima Anutu aolapa yewasama miyoma. ²³ Kayeva waninga manapa a noma, kayeva amana wainindo gema nagana aiyenagapa kandavindi mindipa kaopenoma. ²⁴ Agunda enava kaisa gina mindava pagutaka mindiyema, aeva paitama wayema kotimi poitakena, piyavipa kaisa agunda enava kakama mindipa amba paguta kanaye aindilo. ²⁵ Pavi kamasa puma, kaisa aogi enalo kakama mindito pagutato amba avolaye aindilo, piyavipa, kaisa aogiena lova kakama vuma miyembepa aindiva amba pagusa wakena viye.