¹ Nage Polina mangisapa kaeuwe, Sailasi ge Timoti geva nagege minda sigita mangisapa aisagaune alotu namata Tesalonaikai, kevaya atokaema tavalemba Anutu ge tavele Isu Kraisti gema, aumama enawake anda oma akusama mikenana geva tigege mikiye. ² Tageva asiasima aisa kamanapa otagagaune Anutu kava, tige kava tageva tigeuma purepa ugagaune. ³ Asiasima tageva napili tagagaune tige eliya pepa Anutu ka timatiti enalasa pugaga yema, aeva tavalembaye tige eliya pepa tivuwama peyema, tigeva esegima alaku pevema aindi kana kivindana oma kava tavela Isu Kraisti pindi pugagae. ⁴ Anutu va avuwaye tige agana ndagana gava, tageva piyamba agaune aeva tigepa ago ala pulitandi yema. ⁵ Pipa nana viemaye, aogi gamanapa tageva pagusama ulimi tombepa pipa ka anagi kamana nane. Pikamana kanatipa esegi ena wandaga Holi Spiriti oma mete kanataye pikamanapa taga kamana nema, pikitisa pigo agakiveye tage kava nana gina mitavaya tage akapipa mindaya suma, piya vigita tageva pigo tigepa tiyo pukune. ⁶ Tigeva agaluvaye kaga ena tage agaluva tombe ndanava, pike tigeva agaluvaye tagamba ndana tave yagara mandava. Tige kamana meyepa kunda ena vindisa meyegana timundana lova Holi Spiriti omava mete ganaye. ⁷ Pigo pikitasa, tigeva aogi amandana vuma miyeye Mesedoniya ginake Akaiya gina kegivaya imatiti puma miye kina pindiva. ⁸ Pavi tigetasa tave yagarama kamana melite mo waye? Pipa kambaya ige Mesedoniya gina mige Akaiya gina mige mana nane. Pipa kambaya kaga aukwai sava aveye tige kamana avitegili timatiti taka Anutu ka veyema pina amika, tageva ka kamanapa kamba une. ⁹ Pigo kana igewi piya vutaye gamanapa igili avikibeye tage kava, Igeva pikega pagusama igili avite vikibeye mo tige kambari god kaite ganama tagamba Anutu aogama minda yagara amba agaluva teka. ¹⁰ Kaga piya veye gamana keva piyamba tige eliya puma agavabe Anutu ndagara ga inatisa gumati mindi, aeva mesu aoga tataye aluvindisa pavigo kata, pipa age Isu kevaya tage amba tavama iteta latati anda vindisa yaku tawanda ena aindi kana kivindana vindisa.