¹ Te'i mae Poli'u, Tepuro avika dafufi ba banta'u, tifa tiva'e Timoti ma ba, ma baiya Filemon e'i bai uwamae'eke orene, e'i mae tetisi kama tirona i ba'ono, ² inka Apia teti tiyofi ma, Arkipusi tetisi aruvi banta ba, inka ore mino mono nani banta, emana mana namumpi na aturo. ³ Ayarafenu'i avaba ba, Tepuro ni ara kusi masa mino kayofi ba. ⁴ Ena'ena damu Ayarafenu nan tusu baiya se'mae inka enure iretina timukuan te iya'u, ⁵ para bara seo, Tepuro ta mae mumuna ma e'iyauna ini'e inka maira bei anunu ano mino kama nani bantafi bami. ⁶ Te'i timukuan ta'a mae ei mumuna mo akona inti ei kama ine ine va mo ekantin Tepuro pi mino dana desin bante. ⁷ Te'i mae kakanta timu sinia mae inka enure ei dafisi anunu va, para bara seo, Ayarafenu i banta nasi ma arapinte evere aman oyeni intene, tifa tiva'e. ⁸ Ma'a ughanti mae te'i Tepuro pinte akona ma'e mae, kasa'e tiyaku ma ovara evara ino'no, ⁹ para bara seo ei anunu ta, te'i e'i bain ina'ia, te'i Pol'i tino banta, tare Tepuro ni dafufi dora banta ughere. ¹⁰ Te'i e'i baipa ina' iare tentigha Omesimu na iniyake, te'i Tepuro ni dafufim ma ba' erunafimpa be'in ani'ani ughare. ¹¹ Pe e'in aura namu ugha'i one' o, bare mai banta era'an tura mo kama'e. ¹² Te' i evere e'i bain tian ta' anan ore fo mae tesi mafo mino. ¹³ Teyan iniyake, a'ekena ma banta tema bana e'i aya aya enaino, para bara seo te'i fa Tepuro ni dafufi pa bare. ¹⁴ Ida e'i eyo tighano' nara doran baira bana tifomi ghiane, ei kama abu ava sa dere tifomi ghiane, ida akona ughanti mae kama dana si'ana e'iyami. ¹⁵ Mai anara e'i me ape enafa aya'ka ovane, para bara seo evere a'esi tipa evanai'na. ¹⁶ Tare maen ida mana banta'i doran banta'i ontere, te'i moekanta dora banta esantaghere, tesi tinunu fo mae e'in pimae kakani ughemi, para bara seo teti si da bugha fara ba inka Tepuro. ¹⁷ Fo mae te'i ma ama e aronai ma inte'e, be'in an'de va tivira. ¹⁸ Mana dana ma empi ma me namuma ure inka evere maidana si'ono ma sinti, te'in pini'sa man'no. ¹⁹ Te'i Poli, teyan ten tiyan poke ma bompon uwarere. Te'ya mai dana oman tan'tere, i' evere tiake e'inan evere time'no eyanan isente uno. ²⁰ Eyo tifa tivae a'esira mana'a aya'in e'i Tepuro pinte barano, te'i Tepuro pi tu aman oyeni'e. ²¹ Akona eva baiya ine'no, bompon e'i bain uwama' ana oriane. Teya ma ini yaruna kasa'e moekanta i tiya, mike'unara intene. ²² Mai a'aura, mana namu tesi punta a'esin na tesina ba, para bara seo teyan ma ini ya runa, ei amukinta evere e'i mi amentere. ²³ Epapras simae Tepuron ni dafufin be ra'a manafi dore iyare, inka'e. ²⁴ Fo mae Maki, Ariskatusi, Demasi ma inka Luki bei mana dora bara banta ba. ²⁵ Tepuron ni avaba iremasa kasha'e bantene, Pura.