¹ Inaru kindomi ma'ami ughene,dampara teni nanin mano ma damu maren mareti in banta vain oreini ughene. ² Betin pinte paipi nanin mano ida kama inima ban inka paipi nanin mano kama inima barene. ³ Paipi nanin ma ida kama inin bain kaiyo betisi damu ana baren orighane,ida beti mana'a oili va baren orighane. ⁴ Ena paipi nanin ma kama inin bain kaiyo ano mana'a oili potore va betisi damu va baren orighane. ⁵ ma'aughan mareti'in banta ma ida ainen erine,mai nanin kaiyo aunan arin baghane. ⁶ Inuran auban mana ova ano ma'asighane,onano mareti ono masigha-ein banta eriyane!orive asake u'ma ono. ⁷ Mai dampara nanin ma'a ano anudiyan mantaven betini damu avobe ughane. ⁸ Ida ma kama inin bain nanin kaiyo ano kama inin bain nanin kaiyo tiayamikane,mana'a oili tetin timeno,para varaseyo tetisi damu inka dusimono van iyare. ⁹ Ma'aughan kama inin ma bain nanin kaiyo ano everen betin tiyamikane,tare ida koghon oili dakere tetin ma irema ma kanai ine,ma'aughanti ireti orive va iretini oili biyani ono. ¹⁰ Beti ma oili baranta origheinte e,mareti ono ma sighein banta erighane.Deri ma ugha-ein nanin kaiyo ano bema mareti dunan nampin orighne,orivin ona munkene. ¹¹ I'naimpake maima'a paipi dampara nanin mano eman ma'asighane,kakan oe tetisi ona divono. ¹² Everen betin tiyamikane,purase iretin tiyamere,ida iretin afova ughere. ¹³ Ma'aughanti va kamae dafiseno,ida ireti afova ughaono damu ba auwa vase. ¹⁴ Mai ma'ami ughene,mana banta ano ena kantari fa orono van iyan.Bei doran boin kaiyo araren bei kama dana amighane. ¹⁵ Mana banta paipi silva unan moni amighane,ena kan silva unan moni amighane,ena mana silva unan moni amighane.Mana mana ano bei doran ta i tiyan mantane,ma'auren nenta barufa orighane. ¹⁶ Banta ano ma paipi silva unan moni ma barein mano oman bisinisi uren everen paipi silva unan moni mantane. ¹⁷ Manai avu ava ka tiyan,banta ano ma kan silva unan moni ma barein mano oman bisinisi uren everen kan silva unan moni mantane. ¹⁸ Inka banta ano ma mana silva unan moni ma barein mano oman barafin u'en aupa kaukane. ¹⁹ Mana'a aiya damu orivine,aiyafa ano eman bei doran boin kaiyo fin seki ughane beti ma dan bain silva moni ripoti vare. ²⁰ Banta ano ma paipi silva unan moni ma mantaein mano ena paipi silva unan moni ba erighane.Be'i ma'asighane,"ayafa oe, e'i ma paipi silva unan moni ma timighaeunae.Onano te'i ena paipi silva unan moni wini'e ere'uno". ²¹ Aiyafa ano ben tiamikane,"purase kamae ono,e'i tesi kama doran boim mono.E'i kama dafisiri tato dana euna maen e'in da koghon dana dafisinono.Erive tema amusin ono." ²² Kan silva unan moni ma mantaein mano eriven tighane,"aiyafa oe,e'i ma kan silva unan moni ma timighaeuna e.Onano,te'i ena kan silva unan moni wini'e ere'uno. ²³ Bei aiyafa ano be'in tiyamikane,"purase kamae ono,e'i tesi kama doran boin mono,e'i kama dafisiri tato dana ka euna e'in da koghon danaka dafisinono.Erive tema amusin ono." ²⁴ Mana silva unan moni ma manta'ein mano eman ma'asighane,ayafa oe te'i ma'amise afova ughare e'i akona banta ono.Ida ma e'i dokeuna dunan manafini e iyaono inka ida ma ayun karudagha'euna e'i dare'iya ono. ²⁵ Te'i namu perari ure ei silva moni unan barafin dekun bane.Onano masina ei moni ino. ²⁶ Bei ayafa ano everen tighane,tesi avesara doran boimi ba ida kama dorari e ono,e'i te'in afova ughaono,te'i ida ma doka'euna danan manafini e,inka ida ma ayun karudagha euna dunan darin inta uno. ²⁷ Ma'aughanti tesi moni sa beinki fima doriyain kaiyo ameno,ma'augha'esi ma evere te'i erente eman tesi moni mare wini moni ba barano. ²⁸ Ma'aughanti mai mana silva moni unan ma beina bain ma'e teni silva moni unan ma dakein inta ameno. ²⁹ Iyen banta ano koghon dakenafino mai mana'ava amentere.Ma'aughanti iyen banta ano mana'a dana dakefono mai dafian koghon dana ma dakein inta amintene. ³⁰ Mai avesara doran boin karudesin na autifa dunteimpin orumban ifidiyan na bano. ³¹ Banta Anin ma bei panu akona va bei mino ankero ma'ma erinain damuse,bei akona kaghan kin sia ra ma kumamene. ³² Be'i ma ma barara erintene mana mana banta daimintene,sipsipi ra ma dafisin banta ano ma sipsipi va meme ba ma daimeini intene. ³³ Be'i sipsipi aiyan amapa den inka memen aiyan kurompa den intene. ³⁴ Mai ayompake Kin mano aiyan ampa ma bain kaiyo tiamintene,ereno Tifo'e iretin avaba ughene,be'i bei Kindomu deri ughene iretinina e ma bara i arai'intase. ³⁵ Te'i ma tirafanan eke ireti dunan timiya ono,te'i ma nonan tiri ireti non timiya ono,te'i enafa banta bake tivire mapin oriya ono. ³⁶ Te'i ida ona deken ba ireti ona timiya ono,te'in ti'iya ireti dafisiya ono,te'i karavusi fin bake ireti esonta ono. ³⁷ Puntakein nanin banta ano everen ma'asen tiamintene,Kakan oe ite damu e'i arafanan iyasi o'e sa dunan amighe rafuno?inka amen darai ira non amigherafu? ³⁸ Inte damusa e'in oneke enafa banta vasi ra avire mapin origha rafu?Inka ida ei ona bara amigherafu? ³⁹ Inka inte damusa e'i ausiki namum ba inka karavusefin basira onterafu? ⁴⁰ Everen Kin mano ma'asen tiamintene,"purase iretin tiamentere,na'i danasa te'in tifativanta iyafono mai te'in mi ma'aiya ono. ⁴¹ I'naimpake be'i ma'asen aiyan kurompa ma bain kaiyo tiamintene,ireti te'in tura tifo ono,ireti ida dusimin ira daghampin orinono.Tatam ma bei ankeron kaiyo ina ma uwama'einmpine. ⁴² Na'ivara te'i ma tirafan bake ida dunan timigha fono,nonan tiriya ida non timigha fono. ⁴³ Te'i enafa banta umpo na'ivara ida tiviresi mapin origharafuno,ida ona danan ba ida ona timighafono,ti'iya bake ompo ida eman dafika fono. ⁴⁴ I'naimpake beti everen ma'asintene,Kakan oe inte damu sa e'i arafanan iyasi onterafuno,inka nonan iyasi,inka ona ida dakesi,inka enafake basi,inka ai'iyasi,inka karavusefin basi ida onterafuno? ⁴⁵ I'naimpake everen betini baiya ma'asen tiyamintene,"purase iretin tiyamentere,avi ivan kaiyofin ma ida mai danasi eunae mai te'in mi ida ma'aeono. ⁴⁶ Mai ireti ida dusimin irafin oresin maen inka puntakein keka para a-un baren oriyan ban barufa orintemino."