¹ Tein tifa tiva'e Kakan Tepuro tasa iretiva mumuna ono, be'i maen kakan mino, inarui kama yanaka dafiken, idava avi bain bantara kamaiyake, ida avi ivan bantara, o oyan ameno. ² Mana banta ano ma kori ringi i ema kama auwi urema e i ni mono namu oriyanti enavanta anoma dakagein paini ugein onava oi yantin. ³ E ima onesima mai banta kama awi bama oiyanti, kama banta ompo kumanita e kumane, e i paini ugein banta tiya miake, e i ankinafa manta tefo ah ah barara kumane. ⁴ Ireti ida afova ugefono ireti daimin banta ada geono ma'a uga maen ireti mae namu i nin ma dai mia ono. ⁵ Ineno, tein tifa tivae, pura ino Ayarafenu ida onavam mabarara banta ani ugenafino mumuna huan akona ure inaru barafin o-oro Bei pesiram bamino iye beinta ma anunu ugeona? ⁶ Pura ino ireti mae ayave ona ivam banta ame'e'ih yaono. Moni bam banta ano ireti namu uwan te'e iyam mino. Mai ma'a banta kayo ano ireti namu uwan termaen iretin kopin kae'e' iyamino. ⁷ Beuh puntae namu baya se'e iyamino tetisi kakan tepurona. ⁸ Iretima puntae ma Ayarafenui baya daga finte beini bompon pin bain bayo ano, ma'a sigen. Iretiva ena anunu ono. Eyama anunu iya nie enano nan anunu ono mai iretimae kama avu avai bakuria ono. ⁹ Pura ino, iretima manaha banta kayomanama anunu iyante, mai mae umei iya ono, baya ano iretin pe katian takemino ireti baya durafurin keka ono. ¹⁰ Iyan banta ano Ayarafenui baya bakuri antefa. Eih ma emante mana baya iyan tefo. Eih mai banta anoo mino bayan iye ono. ¹¹ Ayarafenu siyoken idava namu avu ava aru ono, emanten tiyaken idava banta aruwan purono. Idama namu avu ava aru iyante, emante ma banta ma aruan puri iyante emante eih mae mino baya iyan banta ono. ¹² Ma'a ugam maen iretiva mae va bayava avu ava basa kama baya arana nao sa bano. Ayarafenu ireni ma bayafo daiminten. Emanten umei akona iyan maen tetin aman ampinten. ¹³ Ayarafenu ma tetin daiminten ida banta nasi arunan uwan taten. Eih idama ena banta nasi arunan uwan tesin maen. Banta ano emante ma ena banta nasi ma aruna uwan tante eih mae emante kopin manta akona ino. ¹⁴ Tein tifa tivae mana banta emante tiyaken tei tepuronta mumuna ugeuno ma siyanten, eman tema uda kama dorari iyanten. Inka ino, beih nin mumunan mano intesa ena bein avi rante nafi. ¹⁵ Mana tivaefi mana tiyofi fi ima kama ona bantin ida ma mana mana damukena dunama bantin. ¹⁶ Mana iretin pinke ma tiyanken idava anoma ine no, ore eih ona dosiyake ano intesa ena bein ayain tenafi, Ikaifo ire yanta ida ona dose duna dosire amin tefo? ¹⁷ Ma'a hugemino beni mumuna avu avaba ma ima kama dorari intin, inkaifo beni mumuna maen ida akona banten. ¹⁸ inkaifo mana banta ano siyaken, eih mumuno iya onno tei kama avu ava anie iyauno. Ani ono eih mumuna ma ida kama dorari iya ono tei mae tesi kama mumuna ma kama dorama ani ontehuno. ¹⁹ Ineno eih mana puntakein Ayarafenu tai mumunan iya ono, Mai mumunan maen pura ino, Mai puraino, namu spiritinkayo ano dere mumunan e'e iyamino, beti dere kakanta anu de'e iyamino. ²⁰ Eih ida kama inin ma baono. Eih ida afova huge ono, eih mumunan iyan ompo i ma kama avu avaba ma bante, eih mumunan maen ida akona van. ²¹ Ayarafenu maen tetin tinaun Abraham nan pun takein banta e'sen doram ma bei mantein nan bei emanten Aisak ma ikun uwan Ayarafenu ma amigeinan. ²² Eih afova sa'o, Abrahami mumuna uwen kama dorari ugen, ma'a ugan beini kama doramano beini mumuna ma akona ugen. ²³ Ayarafenu baya ano ma'asigen, Abraham maen Ayarafenu ta mumunan ugan, Ayarafenu maen beinan puntakein banta e'e sen tigen.Ayarafenu maen tiyaken Abraham minan tentirona uram mino. ²⁴ Tare eih onano, mai kama doram ma'ara maen Ayarafenu mana banta ariyaken puntakein bamnta esen. Mumunan ma'ara saino. ²⁵ Ma'a ugan maen Ayarafenu Rehepinan ma asanon puntakein nanin bei kama doran mai banta kayova uren tiyantan ena asapake oren. ²⁶ Ma'a ugan maen tufima timan ivantin mai tui pe fuken. Manai anan ugen mai banta mumuna ugen mifo idama kama dorari intgi maen inkaifo beni mumunan pe fuken.