¹ Mai damu beu ma ampire mae, teti sipifin kao sibe kakan tauni Kosi oretife'u, ena bayan mae emanta kakan tauni Rodes oretifeu, Mairake emante mae kakan tauni Patara oretifeu. ² Mairake mae mana sipi sipi dosetife mae ena ankinafa Foinisia oretifeu, mai Sipiofin kaosibe oretifeu. ³ Oriya mai Saiprus aileni nentake one tifeu, tetima bekoe dan karuapa ma ore mae mana kakan tauni Taia o'unetifeu, mai paravara seyo sipifin ma bain keka ano mana'a kago maira mo ka'onovan. ⁴ Inain maen, teti mana'a disaipoli kayommaen Polin ma'asen tiyami kami, Ayarsfeuni kanta aunan mano beu tiyami yaken Poli idava Jerusalemi orinovan tiyamemi. ⁵ Kogon damu maira bakuma kipa ma'e, teti ma mai baru meampire ayanafa ma oriya tetima oronoma tige runafa oretifeu, tetin tina tiga ba tetima kanai'e' mai kakan tauni me ampire eretifeu. Teti mae nambisi eyura tironkon me dafe'e 'e' mae, timuke tifeu. ⁶ Teti maira me ampe inkaino te oreme nae tetifeu,Inain teti sipifin kaosive tifekun beti beuibarufa ore'raemi. ⁷ Tetima arai'eya tavae ma Taia ore mae Tolemaisi o'uneifeu. Maira mae timusiniya mae tifa tivaen o'onetife mana bayam beu ba obaretifeu. ⁸ Ena bayam maira me ampire mae Siseria taunifin ounetifeu. Mairake teti Filipin ama oretife, bei mono baya sin banta ino, bei maen mana seveni banta finke ma maki uga ei mino, teti maira bema obaretifeu'u. ⁹ Tare mai banta maen pofara kafe arinta dam baremino ma profeti bay tin kayo ino ida beu banta kayoba bagerin kayo ino. ¹⁰ Teti maira ma mana'a bayam damu ma baketifekun, mana profeti ben avi Akabu bei Judia eremi. ¹¹ Bei tetin bain eren polini belti evaremi. Bei ma belti emaen bei arantan ayan daruren tiyaken, " Kanta Aunan mano ma'semino, mino Judan keka Jerusalemi i ma bain kayo ano maen belti afoen damuren maen avian ena banta kayo ayampin kainten. ¹² Teti mai baya ma iniyake, tetima mai barurake banta nasi ba Polin inaiyake tetife ida Jerusalemi oi nono setifeu. ¹³ Poli everen tiyaken, ireti, mai naisa iyafono, ireti tu'u kiena ifi diya uno? Puraino, tei deri uge uno teima dami nein mai tei Jerusalemi purinta deri uge uno kakan Tepuron avika." ¹⁴ Mai poli avesara emino tetima ben ayopa inan, ma'a uga teti ida bein evere inae mae tiyake", a'esin kakani anunu afokamino." ¹⁵ Inain mana'o damu orafubin, tetisi ona utare ma'e Jerusalemi o'unetifeu. ¹⁶ Mana'a disaipoli Sisareake tetima oremi. Beu maen mana Saiprusike banta aviremi, ben avi nason, pefa bei mana disaipoli ino, mai tetima eremino mai bei ma bante tifekun ¹⁷ Teti ere ma Jerusalemi e;unekum maen, maifake tifa tivae ano mana abara amusin baya tiyaken tiviren o'emi. ¹⁸ Ena damu mai Poli tetima oremi Jemsi bain, mai mino a'anon banta kayo maira bamino. ¹⁹ Bei ma amusin baya beu sama tiyaken, inain beu mana mana baya tiyan ama ' emi Ayarafenu ena banta kayo auban doriyaken bei dorari ugami. ²⁰ Beuma mai baya iniyaken, Ayarafenu avi aman dani emi, mino ano bein tiyami yaken," Ei mino e' afa avaen onano, Nai ma'a tauseni Judan auban keka pinke mumunan iya nafino, mino ano akona iyamino Moses ini lora'a. ²¹ Mana'a banta kayo einan tiyaken, ei Juda nami banta ani iya ono, iye ena banta kayo aubana banafi beu ida Mosesini lo bakurian, emante beu tiyaken ei beu tiyamiake idava arara iyampo rinta a'u sikano, tiyake ireti idava peyante avu ava bakurono. ²² Mai teti naisa onterafu? Beu pe inen e'i nan mara erige ono. ²³ Ma'a ugan e'i va tiyameno inte danasa ein ina onterafe, Teti porafa banta pe dekum ban baya sigemino. ²⁴ Mai pofora banta aviresina ema oriyana puntakein avu ava irem aman amako kain kakan aura kain ti e'i va mai danasinta miyami ure mino kayo aunon do bagi ono. E'i ma ma'a urante, mai banta nasi afovai en inten danasara beu tigana fino mai bei temino. ²⁵ Mai ena keka iye Tepuronta mumunan iyan nafi, teti bonpon uwa'e baya dekun oremi mai dana sinta ma kampun gotin ta ma mono tiyan tiyain, mai dana sinta kayo iva bare aru ono, idava nare ne mae mai abusi amen dopuanti ma purinain idava ne mae, idava ireti pamuku avuy avasa ono. ²⁶ Mai ayom pake Poli pofara banta aviren, ena damu, bei be a'u tesein avu avapin oferen beu ba mono namu umperen nai ma'a damusa ofere teti tu tese''e ore mino ano tetisi ofa amesa kirini onte rafu. ²⁷ Ade ananta 7-i bayan orafubin, mana'a Judan keka Provinsi Esiake, onan Poli mono namun bamaen beu banta nasi ara mante maira ataruan ayan kaemi Polin ta. ²⁸ Mino ano ovaren tiyaken, " Israeli banta nasi, tetin tiya ono. Ma banta ioye bakena mino banta nasi afova ami yana fino mino ankin nafa ida'e ma sigen baya tetisi banta nasifin, ma baruva Mosesi ni lova. Mai bei Griki keka avi ren mai keka ida Judan keka ino aviren mono namun umperen maen paini emi." ²⁹ Beu tiyaken mai fara pefa Trofimusi beu one na fino, kakan taunin Efesasi ba Jerusalem insaiti fin Poli ma, mai beu ma inein Poli bein aviren mono namun 'o' emi. ³⁰ Mino banta nasi kakan taunifinke anuden ore raen emanten tavaen Poli ofaken. Darifen mono namunte barufa eren maen, ainen ona mukemi. ³¹ Beu ma bein arono van iya maen mai baya ano oren maen soldia kayoi kepteni ra o' unemi mai baya orim maen inen Jerusalemi nani banta kakan uman afoka emi. ³² Amunen bei soldia kayo aviren soldia ra dafisin banta kayova oremi, beu amune tavaen banta nasi atarufin oremi. Banta nasi kepteni ba soldia kayova oni yan, ida beu Polin ankamemi. ³³ Inain kakan kepteni Poli bain eren eman Polin pakaren bei soldia kayo tiya men seni anan po damono. Bei Polin ina iyaken ei iye bakeya naina dorarisa iya fono. ³⁴ Banta nasi ataru ugen aubanake mana ano mana dana san ovaremi mai mana'a kayo ena danasan ovaremi. Kogon ara'ara bayava tisiva kakani imaen kepteni ida mana baya inemi beu ma tiyain. Maain maen akona en soldia kayo baya tiyamen Polin aviren tesi dafufin tesima orono. ³⁵ Polima maira o'unem maen detara oin maen, soldia kayo aviren, paravara seyo banta nasi bein arono banen. ³⁶ Kakan banta nasi bein bakuren oriyaken, ma'asen ovaremi, " marake bein tiyan tano." ³⁷ Mai soldia kayo aviren Polima kepten dafufin oi'an maen kakan keptenin tiyamen, " Kana mana baya ein tiyamen terafuno? " Mai kepteni tiyaken, "Ei Griki baya afova uge fono 'a'?" ³⁸ Pura ei Isipi banta fono iye aruvin arai ure fo tauseni banta avire fono, iye kamanini baya do avekare pasavi barufin orefo a?" ³⁹ Poli tiyaken, " tei mana Juda banta uno, tei kakan taun i Tarsus ba Cilicia uno. Tei mae baru ana banta uno avi bain kakan tauni finke uno. Tei ein ina iya uno, a'esi tei banta nasi ba baya seno." ⁴⁰ Kepteni maen kana ino baya seno timaen, Poli deta ra mantaven ayan dani banta nasi fin uren kusen aravinti baya tenovan, Mino banta nasi puke gen ore rain maen, bei maen arai en Hibrew bare baya finke baya sen tiyanke. Inain bei tiyaken,