¹ Tarea mana banta bamino kakan taunifin Sisaria bein avi'i Konilias mai bei kapteni ino 100 soldiara dafike mino kakan tauni Itali amira. ² Bei Ayarafenuta monotin banta be ama ba mino bema bain kayova, bei kogon nanin banta moni aya'e e iyan iye ida ona dakenafi ma'a iyan bei ena ena Ayarafenuta amuke'e iyuan. ³ 3 kilok inupa bayan, bei Ayarafenui ansori onan beivain kainpin eremi. Ansori bein aremi, "Konilias!" ⁴ Konilias ansori oniyaken ago' gofaren tiyaken, " Ei nai na sara fono, kakan banta? " Ansori everfen beintiya miyaken, "Ei amukima e'i tusu dana ma ona ivam banta kayo ma amiyake ona, mai inarufa oin maen Ayarafenu inemi kama avu ava ma bariya'e ona. ⁵ Tarea mana'a banta tiyantan kakan tauni Jopa oremi mana banta aviranta bein avi Saimoni ena avi Pitai. ⁶ Bei maen mana bantava bamino bein avi saimoni, bei maen kae aufo ona amuin banta ben ama maen nampisi ankinafa bamino. ⁷ Mai ensori bema baya tiyain ampiren orin maem, Koniliasi bei kan doram banta aren mana soldia iye mono beu aubanake tiyana beni dorari iyan nafi. ⁸ Konilias intea danasa afoka en nafi beu tiyamien beu tiyantan Jopa oremi. ⁹ Ena bayam 12 kiloki, beu ayana oriyan kakan tauni ade ounim maen, Pita ma amonta oemi amukita. ¹⁰ Inain bei arafan purim maen dunan nanovan emi inain banta kayo onan mana'a dunan bamaen, Pita mana kain onemi. ¹¹ Mai bei onan inaru ona divin maen mana kakan davarave antuken eremi ma barara, mai 4 fara kona bain mi. ¹² Mai davara vefin ara'ara abusi bami 4 fara arantanta orin dana kayo mana'a amupake orin dana sinta ban amaran ura ran kayo bami. ¹³ Inain mana ova tei bain eremi, " Pita mantave ma'uraran kayo arure nano. ¹⁴ Mai Pita tiyaken, Kaka o'e, idaino, mai paravara seyo tei ida namuen pani ugein dunan niya runaino. ¹⁵ Mai 'o' Ayarafenu aru'an kama enafi, ei ida ba tiyake mai namu an pani eminova teno. ¹⁶ Mai 3 fara dada afokasi en inain mai davarave amunen inarufa o'en. ¹⁷ Inain Pita ma mai kain o'arema beni anavan anoima iniyan bamaen, inkaifa Koniliasi tiyanta ma erein banta kayo onara 'e' man temi, beu avan inau'en ma haun oremi. ¹⁸ Beu ovaren inaemi saimoni ena avi Pita, m,aira banafino. ¹⁹ Mai Pita ma mai danasama anoma iniyam mai kain ta ma bamaen, Kanta Aunan mano bein tiyami yaken, " Onano, 3 fara banta ein nan dosia mino. ²⁰ mante arave beu ba orono. E'i idava avesarae beu ba orono, mai tei tiyanta nan beu eriyan. ²¹ Ma'a ugan Pita mai banta kayo bain aravem ma'a semi, " Tei ma banta uno tein nama dosiya'e ona. Naivara ireti erefono? ²² Beu tiyaken, " mana amio ofisa, beni avi konilias, bei mana puntakein bantai Ayarafenu ta mono tin banta bam maen Juda kayo bem bayai e'e iyami, Ayarafenui Holi ensori ano mai banta baya tiyami maen tetin tisinta ein aviranta ere uno ein avire bein ama orekun en ofenke baya inenovan. ²³ Ma'ain Pita aviren be ama oin bema obaremi. Ena akura mante maen beuba oremi, mana'a afa avae Jopake bemaoremi. ²⁴ Ena bayam maen Sisaria eremi. Konilias beu ave ugen bami, bei maen bei femali ba ade bain arona va ataru uren bami, Konilias beu ave ugen bami. ²⁵ Bei maen bei femali ba ade bain arona va ataru uren bami. Pita ma naun dum periya maen, Konilias aron iyaren Pitan ta mono tiyan tano van emi. ²⁶ Pita bein ayano an mantiyakenten, Mantano! Tei ein andage runa banta uno. ²⁷ Pita bema baya tirem maen, inain manaun o'emaen onan kogon nani banta ataru ugami. ²⁸ Bei beu tiya miyaken, " Ireti yanta afova uge ono Juda kayoi lo ano sen ida va ena nani banta vasa bake beuba baya seno, Purain Ayarafenu tein ani iyaken idava mana banta namu geona 'o' puta uge ono. ²⁹ Mai anara tei ireti bain ere uno, tei ida anane uno irema baya denama orein, ma'a uga tarea tei iretin inae uno nai anavara baya denan orenafino tei bain. ³⁰ Koniliasi tioyaken 3 fara damu orafubin ma'a a'aura, tei tesima timuke 3kiloki inupa a'aura, tei mana banta onekun efen onava kakan kagan ma tein tufa emantemi. ³¹ Bei tiyaken, Ayarafenu eini amukin inemino mai avuavasi ma iyae ona. ³² Ma'a ugan mana'a banta tiyante sina Jopa oren inaino mana banta ben avi Saimoni ino ena avi maen Pita ino. Bei mana banta ama bamino ka'o aufo ona amuin banta bein avi Saimon bei nampisi snkinafa bamino. ³³ Ma'a uga amune banta kayo tiyantekun ein o aviren eremino. Kanavan e'i ere ono. Tarea, teti mino ono Ayarafenu aura mante uno tarea eini baya ine novan kaka manoma ein amigein ei tetin tisimeno. ³⁴ Inain, Pita osafe en ma'a semi, " Puraino, Ayarafenu ida mana keka nani banta saitifa ore'e iyami. ³⁵ Mai mino ma bararake banta nasi iye bei mana monotena puntakein avu avaba banafi puraino Terupo mai banta anu nu ugemino. ³⁶ Ireti baya afova uge ono bei ma tiya'an Israel banta nasifima erein, beima arakusim mono bayama tiyan amaein Tepuro bei banta nasi kakan mino. ³⁷ Ireti afova uge ono mino kakan dana sinta ma afuka ugein mai mino Judia akinafa afoka ugemino, galili arai ugemino, mana danasinta Jonin ayombake afoka ugemi tiyan ama'en baptasi emi, ³⁸ Ma danasinta ma afoka inein ma Tepuro ni nasareti ke'i, intea asapakesa Ayarafenu Tepuro oili ena Kanta Aunan ma akonava. Bei oren kama avu ava mo emi ai'i dovaremi mino banta nasifinke iye bananan mano da'daganafi, mai Ayarafenu bema bami. ³⁹ Teti one afovai 'e' uno, Tepuiro ma barein, Juda ba Jerusalemi kantrifin. Bei aruren diwai krosi dara dia emi, ⁴⁰ Ayarafenu Tepuron nampa 3 damu avian mantemi mai bei ma'a emi beu mai danasinta ona novan, ⁴¹ Ida kogon banta bein onemio, mai mino ano bein onan afova emi Ayarafenu pefa maki ugami tei mai keka bema kumame dunan ne non ne uno inain ma bein purim pinke emantein. ⁴² Bei tetin baya timi'en banta nasi mo tiya miyake te Ayarafenu tein maki emi mai Jasi uwen banta nasi daimin novan pavain banta nasi ya pukein banta nasi va. ⁴³ Mino profeti kayo beini bayai ana ten ore raen,ma'a ugan iye beinta mumunan enafi, Ayarafenu beini ume Tepuron avika aru mitan. ⁴⁴ Mai Pita ma baya tiyan mai dana kayora bam maen , Kanta Aunan eren banta nasi amanina ekuman nemi iye beini baya ini yan nafi bema tiyain baya. ⁴⁵ Banta nasi au tikanta mumunan e'e iyanafi, mai Pitama erigein keka ano anuden ore'raen, maen onan Kanta Aunani akona ano ida Judan Kekapin inti kaga mi. ⁴⁶ Paravara seyo beuma inein ida Judan Kake ano baya temaen ena bare baya finke Ayarafenui avi aman tani emi. Mai Pita,beui baya everen tigami, ⁴⁷ ''mana'a keka ano tiyaken ida non barano tiyafo?Ma keka maen Kanta Aunan baremino mai tetima manta eruna anden?'' ⁴⁸ Inain bei non baran baya beu tiyamemi Kakan Tepuron avika. Inain beu bein inaemi kana tetima bante fono mana'a damu