¹ Kakan banta finke ma anasi ben akafana fin araven iye tei putakem dana pin tinunue mai tei ana vauno mai mana'a kayo va iye purasen puhtaken dana afova uken mai kaiyo vase. ² Mai van ma tentipin ma bain puntakein dana bain mai amo teti ma ayaka banten. ³ Ayarafenu i kama va arun dana va ara kusin mano va tetimpin bano. Ayarafenupim ma tepuro tivira banta. Tifoe aka pin kama dana ba anunuin ba. ⁴ Tei kakan ta timusin iya uno ein akafana ma dose una'e kama dana pin oriyain ma'ane ma teti ano ayarafemu pinke ma mam baiya bare uno ⁵ Tare tei enana timisin iya uno anasi ida man'ane teie ein arai inta ma bare ein maivan teti sa ben anunuin maran ano. ⁶ Maivan anunu esen mifo teti sa beni mam amin baiyafin na nono ma men man baiya ino mima arai inta ma ini kare ona mai van ei maifin na nono. ⁷ Mai kokona kampun banta ano ma barafin orera uken mei beu ano ida man amakisien tepuro mana erene mai kapun banta kayova kampun aviran banta. ⁸ Eyan na oare va ida va ma dana sinta miva tenti ma kakan dorari eruna mai van ei mino miyan barano. ⁹ Iye ben nare orintenfi ida ma tiviran banta i inin amin bayafin ma bare ein ida tiyarafenu dan ban, Iye inin amin bayafin ma bare ein mai bei tifoe ma be anin ma dan bain. ¹⁰ Iye evain erian na ida inin amin baiya va eren ida va e'ama avire oreva ida va ebn kama baiya sianta. ¹¹ Iye bem kama baiya siantan tefo i mai beni namu avu ava pin bema ban. ¹² Tei kokona dana dekun bain bompon uwama, ampin vam tifonkian mai van ini'e evain tei erinto, u mai en auna ona, are baiya seno mai ano timusin titimpim bikantena. ¹³ Ein ananoen akafana ano ein kama baiya siante.