¹ Ma baiya pe baren, tei ini'e teti tu ano one ma'a ugha i teti arure i ona'are, ma auna bam baiya ino. ² Ma'a ugha aunan dako'en teti tian pama'ne. Tetin ireti aunan pa baren ba baiya tiame, Ayarafenu ma sa ba, teti pimi dako ughe'ne. ³ Para vara seyo, teti oniake i inia i ireti tia mere. Ma'a ughanti ire masa teti'ma ataruo teti si ataru ma'e Ayarafenu ma be anin Tepuro avi kase. ⁴ Na'i baraseyo, tetin uvaman amusin dana ireti'pi dere, ma'a ughanti teti'si timu'sin kanai inten'e. ⁵ Ma'i baiya ma tetin ini'kha euna i irenti tiamia, Ayarafenu ka'ghan mino, i'da duni be'impin bamino. ⁶ Ma'a ughati ma teti'sia, bema i bare sirema dunin avuava pima no'runa, ma'i tetin kampu mi sire ipuntakein avuava baria'uno. ⁷ Ma'a ughanti ma tetin ma ka'ghan asa ma oriante ma'a benandein ka'ghan i ba'ono, ena nanin banta va ma ataruiante, Ayarafenu Anin Tepuro ni nare ano tetisi i mino ume do tese'en mino. ⁸ Ma'a ughanti ma tia ida ume bane ma sinte, ma'i teti yami kampun tiya uno, ma'a iya kumi pura baiya ida tetin'pin bamino. ⁹ Teti'si ume ma tian pa'man onte, be'i ni putakein avuava pok'e teti'si ume do arumen, namu ine'ine avuava do tese inte'ne. ¹⁰ Teti'ma tiya, teti ida ume ugha're ma ten'te, tetin yami tiya kampun bante're, ma'a ten'te kun pura baiya ida tetin pi ban'ten.