¹ Minivani seni Poli, yige mapackena baintauc kacnaci seni Jisasin kim dumim baintaic ugecu. ² Seni yikemi fuga siyinkego yigeni indin kamino ofaima Koctini avacbac kima yigenani simigam. ³ Manama agare gunai opac bayama senkac ma mandem afotagicim. Mini i ocmandugem fuga sigam baya sitokac simam facbarurec i yige vampac agarego. ⁴ Afo ena mana baya yandeve, eni amangkac omare indigarac e senti anocna onagarac inni opac ocmandu fuga sigam baya Jisasin nare. Feni ⁵ mana fugama sigam bayai mana magagackena bainta gac simam facbar iyen ugagem. Afo mageve Goctini Ayo Inta mano Koctinic yogam baintauc bac benic avam baintauc kaci simam facbarem, yeni Kocti beyic yogantac ugacdukage you. ⁶ Mana i opac fuga sigam bayai mapac kena baintauc baci mandegem Jisasin kim mana angkunic memi, afo yeni Koctin avaya gima Jisasin nana sigam omare inde. ⁷ Seni Kocti avayaic yogam bainta ec Koctinic agun anecne foma simigam benic eran yogam fo. ⁸ Kocti mana yogam simidukem, minivac sena arasapac ugama masicde Koctinic antekam ininabasima banayon kim ma banam. Mini yogami seni mapackena inninbaintauc kim simam facbam Koctin avaya gim iyevac afakaric ugam andadauc uwikagem Jisasin kim. ⁹ Koctinic yogama senkim dukami kagani marec mascneed Anika to go toidem inimbainta kimi bonte mini i Koctinic indini. Mini indini Kocti feni amucna orandegac i mandan ayofarukagem, beni umadem anecne uvarayi. ¹⁰ Mini indini mam namumi simam facbareno nevaraino Inarum magusim ma anon eran duke dafisau ma yerainde amucna gima fena beyougi bam Koctinic avoguc eran indin kim. ¹¹ Mana avucavac ma ampamenimi iyevac kipam indin Jisas Kraisi mayausic Iyeno gimi beni mandan kipemi. ¹² Afo Kraisin kimi yeunama eran baga mayausic siyinkac bac mayau seyaran indimam erarec nevaraino mayausic indin bac bani benkimi erarugami emi. ¹³ Micnugaci seni emi indaego iyevac amucna indiric ono nevaraino sena enana umam mareguna, mini i enic abogugare. ¹⁴ Momini bani Sesifo bacpa sikon noyan ankeko, ¹⁵ bengkike masidem agkum inarum bac mana magagakena yivic dagemi. ¹⁶ Seni sogam mungeko beni en amangkagic uankanovam, beyic anon avickim, mandam erarem beyic erampo Ayo Inta gim, iyefi engkima bam. ¹⁷ Seni sogam u munkego Kraisi en anduntim banovam enic indimam kingkuyim mano, micni foni agam damam erar inonami benic avacbac kim. ¹⁸ Amangkac mini eran duke eyic indintac indimam kage, maside ininabasi namac Koctin kim indimam kingkuyau namac, nec benic anona fi, nec benic iyaga fi, nec benic yana fi, bac nec benic macmem, ¹⁹ afo micnugami eni inde onanonano avabaga Kraisi kim, indintac obicdam maro anonic ukamem, bac eni Koctinic uwikantim uwikagarac i inonam. ²⁰ Make bengkim beni amangkac uwandan iyakagic ini maside ma yeunamac inda egafu indevauna, masidem andada ma facbarevami beni erama magausim ma yogevampo, ²¹ beni anon avic bantanasi kimbac Jisas Kraisi kimbac inam apaminayou kimbac fanana fanana bantem iyevac kipantem. Fugave.