¹ Poli, Kraisinic yogam bainta Koctinic ayintac, Koctinic antekam ininabasi bam Efesesic magusim, iyefi Krais Jisasin kima erarugauni. ² Ayoguc avacbac bac arac iyorin avucavac yigenkinici Kocti mayau sifo bac Iyeno Jisas Krasin pake. ³ Ecananac Kocti mayausic Iyeno Jisa Kraisin Afon avic yanic i, beni mayau ayogugic usingkem Ayo Intaic masicdem ayoguc kim inarum magusim Kraisin kimi. ⁴ Kocti bani mayauni ugacdukem beyaran fena mana maga iye ampangkankac, micnuranacyam antekecyam bac manda avucava gan mayau simam mandaic iye ogoban ben ogankac. ⁵ Kocti mayau feyugam ugaman beyagagic emi Jisas Krasin kim, beyic ayoguc amusin anene kim beyic ayinkac. ⁶ Mayau sivicman beyagagic ini benavic yanicimpo benic ayoguc avacbac kima mayau fayugam simim Mana ugama avabac ebayim. ⁷ Jisas Kraisin kimi yeunamac mandan utuc sinkarem beyic nare fo masicdem kumicanda yomadam fasacdem, benic anon agun anecne fo. ⁸ Beyic anon agun anecne mayau naropac dem beyic masicdem anon indin bac indigaracim bac. ⁹ Kocti mayausac mandan fabacrem opac ocman dugam yogan beyic ayim, benkacma neverafi ayigarac evam, afo mini beni Kraisin kac yocyivigem, ¹⁰ fena onem ma indimam dukagenim masidem anene vam, masidem anene mandan manakinicim, masicdem anene inarunkim bac mana maga naroc, umadem mandan mana acnon kac dem, Kraisi bac. ¹¹ Kraisin kimi mayau ugacdaman amangkakiem. Yeunamac bani indiman decyam benic indiram masidem anene ma afotakic enim benic ayinkac. ¹² Kocti mayauni ugadaman amangkaki uranayam acnaric eyam erar indini marantecyam Kraisin kim, afo yeunamac amagac ben avic yanicini benic avogugam. ¹³ Kraisin kimi, eyacbac, omarema indena fuga baya, Koctin abaya gima ema obagema avicdukanam, bekim indigarac inami emi ugagantem bana sirukacgenigkac Ayo Intafo, ¹⁴ beni simam facbarintem mayausic ampamiram amagkac yeunamac masidem anene ma fakarecyami, benavic yanic onteyam benic avogugam. ¹⁵ Afo mana andavani , bana sena induna enic eran ukorinan Iyeno Kraisin kim bac enic avabac masicde Koctinic antekam iniyacbasi gac , ¹⁶ seni saun iye dego Koctin pac sususec enam sesic sogam mukintim. ¹⁷ Seni sogam mugkego mayausic Iyeno Jisas Kraisinic Kocti masidem ayogugu yifo, beni aminteno Ayo Intaic ayoguc indim bac ayogu indin mandan afotakicim indin beni omare onagarac inkim. ¹⁸ Seni sogam mugkeko en adun ogam kaganovam, micnuina eni omare indenovare erar indin pona bena en aram baga benic amucna g turn onim benic avogu andanda maranteyam umacde Koctinic antekan ininacbasi. ¹⁹ Sentic sokam mugkintim seni enani indauankego eni omare onano vani iyevac yandan anon andanda benic erantin mayau iyefi benana indigarac asuwana, benic anon eran yoganto. ²⁰ Mini i manac yom eran fona Kocti Kraisin fukintinkema ukukaman beyayanc ugam pac kumanduankemi inarum magusim. ²¹ Kocti Kraisin kumanduankem umacden naroc dem daficdem beyic eranpo yogam yimem, bac masicde yivicma ragam. Kraisi i masicden anenegac dafisintem, mage mana nuram mana baino, afo icnaim bac yinaninkim. ²² Kocti umacden anecne Krasin agantin dem bemi beyic man namungkim yimem masicden anecne gac yincnoni inobam. ²³ Man namumi ben oi, benic uwikani umacden anecne gimi uwikagarac ugami ugem.