¹ Bana,tomuwanana ba boto binu,ipwar'anoko kumu,ishin'ande rueye runu ruiyi ruaru sheke. ² Utini ishu ba ngow, munu muiyi nkendji mu bukoto muiy'ando iraka, ³ Keke wene uwar'ando manyaka ndo uwar'ando matuwu mabuiki ani ushina mana ⁴ A buini ba tata,areke buawokosho bana binu kabu,baba nangashsna u bayeke marongo ndo u bashundju mboka Ndjambe. ⁵ Rueyi ru Bukumu ndo Boshowo babanda. Buini boshowo,tomowa nana bakumu shini u rutoto ndo matinini ake maritiri, ukata makitiyi ma nteme ipwar'antiniki buini kristu. ⁶ Kodja shiwara pamunu komishi ma banda, pa ishini ku nyakashi batu ngo bina ngunu babora kristu, bana nkerek'ando nteme muamusheke shini ruwondo rua Ndjambe. ⁷ Bu bakereshe ngunu ando bunyaka ipu rande bua nkeresheke kumu kabua ntsheke kereshe batu. ⁸ Yeban'ande matu ndjua nkimi, yark ntshowoyar motu ndjua ma yashikiyi,ipepete iputu u bora kumu umeye makere yanda mamasheke. ⁹ A buini bakumu, bubakereshana ipurimoko,areke bua bakereshe meye makabua, buyeban'ande kumaband'ando yono indjuini yiyi ku riku, ndo ubosho buanda kua makaishi bi. ¹¹ U bana ibeke,buyawindjr'anana u kumu, ndo u bunono buanda bua bunene. ¹⁰ Rey'anana bikete dja bikimi dji matumbu dja Ndjambe,keke buini buara bayembete u marongo ma bora diabulu. ¹² Ishin'ande matumbu mitu makapa mi rutoko mbe mi makere, ishini kunan'ando makumu,ndo manono meke mana miyani shina mana ndja muimini, ndo pongu shashibe shini shiyi umaraka ma riku. ¹³ Ishini rueye runu,totoranana biket dja bikimi dji matumbu ma Ndjambe,keke buini buyembete rushuwu rua rube rua muin'ikembe,ndo bushar buyembete ambishi amara buini bareke bunono. ¹⁴ Shar'anana bayembete,rey'anana bara-bara ngo mikoro nyinu,reyanana busheke umiteme nyimi. ¹⁵ Rey'anana ngo poko shpara shinu rushanga rua rusheke rua poro. ¹⁶ Uriki ra meye mamakimi,totor'anana maweshere mamanene keke bupete bunono bua nyimityi tshua muina ikebe. ¹⁷ Buwosh'aki poko ndjua ntshu dja mawondjoro,ndo bueshe ndja punga Ndjambe,yiyirueye rua Ndjambe. ¹⁸ Buromboko Ndjambe shoko sha shikimi ndo mabondoro ma mamakimi ukata punga Ndjambe,burombok'ando nteme moko,ndo buromboro ishini batu ba bakimi bi ikini ba Ndjambe. ²⁰ Ndjombosh'ana miyi Ndjambe keke ipek'amyi bunono, itang'anipiri mi numbu shini kushoho batu ando bunono ndo uyembe rusanga rua rusheke rua meye mashuama. ¹⁹ Ishini rueye runu mi ndiyi ntshundja bosho bua Ndjambe ukata minamba, rutot'ando bundueye pwar'antotoko miyi. ²¹ Keke a buini buyebe meye mama mandeke miyi mana mankereke miyi, Tytiko,muana mayi ndjua ruwondo ndo muina ngunu ndjua bara-bara ndjua bora kumu,y'anda iku bushosho meyi mama kimi. ²² Ndak ntomo pamunu shini rueye ruini, shin'ande buini buyebe rueye ruitu,ndo yanda ikitiyi miteme nyinu.