¹ Miyi,muina buroko bu bura kumu, ndaka bubobonde, ² Uya kitiya ndja ikimi, u poro,u boro,ndo u ya rimbishi mantimbi bitabiti ando ruwondo. ³ Buwindjuwu urombo mawokosho ma pungu ndjua isheke u makandara maporo. ⁴ Rutoko ru rumoko ndo pungu imoko,ngo ipu ra karabanda buwuru u mabakara ma moko mi mawururu minu. ⁵ Kumu moko iyi ukata, maweshere mamoko,ibatisa ru moko ⁶ Ndjambe moko,ishiti ndjua babakimi,iya u riku ra babakimi,undeke ubabakimi, nda ukuta babakimi. ⁷ Moto ndjua nkimi u ndega itu ba ma nyeke ntshiongo ipu ri mayekere ma kristu. ⁸ Keke nkanda mua Ndjambe mua nok'ande abanda yande u riku,awende ndo bana bareke bunono u bushowo, ndo ayeke bata makapa ma bamda. ⁹ Ndo ishini rueyi runu ande, amabanda u riku, dianoko roro iyeye,mbe yarande dia noko ngowo, amato womono u maraka ma ndenge u shina mano. ¹⁰ Yono awomono yi ipurimoko ando yono abanda uriki ra ndembe ndjia ikimi ishini yanda u porosho bikete dia bikimi. ¹¹ Yakuyeke ibeke ishini banda uwara Bapostoro, ibeke ishini kuara ba ngandjambe, ibeke ishini kuara batangariki, ibeke ishini kwara ba Pasta,ibeke ishini kuara bayishi, ¹² Ishinin kororiya bini ikini busheke ishini banda ukere ngunu mua watisha ibeke ,ishini ku mangasha Ekelezia yini yi rutoko ruabora kristu. ¹³ Ti ndo imono bita bakimi ikete imoko u maweshere ndo iyebe ra muana a bora Ndjambe, ti ndo itobitu u itenye ri buiwotora ti ndo ipu ra nanga ra yemene rini riya u busheke bua kristu, ¹⁴ Ishina ndo kotshuashewara bana ba bankeke ba ngueteke banda bungushu mbete shashimi, ndo antotoroko banda u mungu mua mukimi mu mayishi, u manimbi ma batu u manya ma-mabe mu teye batu u mboka Ndjambe. ¹⁵ Ishini biti u roro meyi ma barabara u ntshiongo, tshunango u yanda u meyi mamakimi, ikumu, ya kristu ¹⁶ U yanda, bitenye ndi rutoko diabikimi di yashokiyo ndo diyawashana u boro buanda ishini ku yawatisha u diongo dia dikimi,nko i ngunu mu itenye rarikimi ri rutoko, dia meke nagasha rutoto rua rukimi,ti ndo ikorodinti nko mburu ndja ruwondo. ¹⁷ Rend'anana runu ruamak'miyi bushosho, nda nkak' bushosho u kumu ande ,areke buakara boko para ngo batu bi marondjo mi bukara, bamiki boko para u manya ma banda ma ngono-ngono. ¹⁸ Biya ndo buanya bua muimini,biyi benyambanga u mono mua Ndjambe,ishni buntimbi buiya ndo banda ishini mawindjiri ma banda mi miteme. ¹⁹ Arimishi banda nyingi sha shikimi, ba yayeke u masandji ishini banda ukere meyi mi bushongo ma mamakima ndo iraraba ra rinono. ²⁰ Keke buini,kabuatoko iriande kristu ii ngowo, ²¹ Mbeyar'ande buama ruwoko, ndo mbeyar'ande u maromboro ma bara-bara mana miyi u kristu, keke ku yanda i buyishi banda u yateye. ²² Buteya buinu moto yono ndjua woro,ipua rawara mawarara mini mi bukoto, amak'wonyiya ishini nyingi shi rutoko shi manimbi. ²³ Bubarama ba yeme u pungu ndja buanya buini. ²⁴ Bureye moto ndjua yembe a wanga banda u ipu ra Ndjambe u busheke ndo ikini djamik' punushu bara-bara. ²⁵ Kek'ande burekere manimbi, moto a moto buyashoshok'ando muendja wa meyi mabara-bara,ishina nde biti tshuyi bitenye di rutoko rumoko ndo ibeke. ²⁶ Buwoko kabua a rek'aka buakere rueyi rua rube,itanga ko rakit'ando kabu shini, ²⁷ Areke bua shere diabaro iraka u miteme nyinu. ²⁸ Moto yono anguebereke, irekere buembe, diya nde ikere ngunu,ikere runu ruiyi rua rushek'ando diara diande,ishini y'ande uyeke yon'amak'rishoto. ²⁹ Rueyi rua rube karuapunu u minumbu nyinu, diya nde,tot'anana pa meyi mamasheke mana manyemene u mangasha batu ishini ku purusha bunyaka u bana baka mawoko. ³⁰ Areke bua bondosho pungu ndja isheke ndia Ndjambe ini ibuyeke yendje u mbondo shinu ti ndo iwiya butuwu buwondjowo buinu. ³¹ Ibara tiya ndo kabua ndo rutene rua rukimi, ndo meye meke mamabe,mirimi u ndenga yini. ³² Buarana busheke buina -buina, buara ndo miteme nyi irerere, buyarekeshe meyi ma mabe,ipu riburekeshe Ndjambe meyi mini ma be u kristu.