¹ Ambishi awondjowo bite,biti kuyeb'ande shenye shini shishanguruku band'ande Melita. ² Bate ba ngona -ngona ba kutshuwoko ntshongo mua buiki, bakutshutemeshe tiya, ba kutshuwur'abite bakimi ,ishini mburu awara amanyewo ndo piyi ya wara ndjua buiki. ³ Polo akokiyi yande mishara nya buiki, amishiki yande u tiya, ndjowo ya kupunu ishini shosho a tiya , ya ku ningi u rowo ruande. ⁴ Amono bate ba ngono-ngono ndjowo ndjua nene anembere u rowo ruande, baku ya shoshor'ande a bara-bara moto yono,yiya nyaka bate, ama wondjowo u masha,keke tshirumbu tsha bara-bara ka tshangueshek'ande ikara wara ndo monyo. ⁵ Polo ya kukasha ndjowo u tiya katoko woko pamba. ⁶ Banda bawara bi wengiy'ande yi wuwuru,mbe kuapa ibua -buaka mbanga ashini iwa,keke awete banda wu wengiyi matanga mabuiki,abeke banda wu mono rueyi u yanda,ba kubarara manya ma banda, biror'ande,yanda iya Ndjambe. ⁷ U ngama-ngama ndo iraka rini, mangondo mama wara ma moto ndjua nene, kumu ndjua ishandja, rukombo ruanda Popolio,ya ku tshunisha u mbur'ande, ya ku tshukereshe busheke matuwu mashata ipu ri bumbaya. ⁸ Ishand'abora Popolio awar'antshondjo,rutoto tiya ndo aweteke makere, Polo ya kuende ngam'ande,ya kurombo Ndjambe,ya kunyaya mayata, ya ku mereshe. ⁹ Akere yanda ngowo,ibeke bina ishandja,kana bawara ndo mawara,ba kuiyi u yanda ya ku babereshe. ¹⁰ Banda baku tshitonosho,arobiti u wende ba ku tshuyeke bikete djawara a yiti nyingi. ¹¹ Ashombo mangondo mashata,biti ku nini u mashuwu ma Alesandelia, mana mawara u ishandja ishini ngo ndo sha piyi,yendje ra manda Diosokule. ¹² Atoro biti u Sulakusa, biti ku tshondje matuwu mashata. ¹³ Akobuwa biti u nono,tshuawiki raba kuandja masha biti ku toro u Legeo ashamba butuwu,mungu mua sud mu ku katuwa,biti kutoro u Pitiole butuwu bua pende. ¹⁴ Biti ku monosh'ando ba binyiti u Ndjambe, banda ba kuthubondoro bua biti wushr'ande bnada matuwu shamboro. Keke biti ku wiya u Lomo. ¹⁵ Keke awoko ba binyiti ba Lomo rusanga ruiti,ba kuiyi u tshuwaya u ishara ra Apio aki u mamburu ma shata ma benyambanga,Polo ibamono yande ya ku tonosho Ndjambe,nteme muanda mu bukiti. ¹⁶ Anini biti u Lomo, ba kuwesh'ande Polo ishikemi ya mene ndo isharayi ri nondo. ¹⁷ Ambishi matuwu mashata, Polo kuwuru baku bamnganga babina yutu, ndo itanga biya kokiyi banda, yaku barar'ande bana bamayi,kandashi kere bube u batu mbe kubikerere dji bamama shiti,keke y yerushalem baku shiki u mburu boroko baku tomo u Romo ndjua kanda minambe. ¹⁸ Ambishi yini amara band'undumbushu baku shot'undekere shin'ande kabatoko mbon'ando rueye ru moko rua rube shini band'undjaka. ¹⁹ Keke ba yudu baku bere runu ruabatara ba Juge,miku romb'ande ndende be ndumbushu u bora kumu ndjua Rome,ubere war'ando buanya bua bere wono rotono rua irondj rama. ²⁰ Mono ishini yeye nda nombo miyi utoto bit'awu,ndiyi uminamba nyi buroko shini mabarara ma bina Isalele. ²¹ Baku marar'ande biti ka ntshuatoko mono mikanda ngawu punu u yudu shini rueye ruawu.Mbe kua muanyitu amoko utshu shosho mbeku itene u rueye rua rube. ²² Tshua nguesheke tshu woko rueye runu ruangueyiki ra yoro rini. Tshua nyebek'ande baki banda meye u mbete shashikimi. ²³ Ba ku ntshorosho butuwu, bakuiyi ba buiki umbor'ande , Polo yaku barondosho meyi,yaku bayishi bukumu bua Ndjambe, yaku kiki bua banda uweshe Yezu,ayasha u mikendje nya bora Moise ayasha umeye nyi ba profete,to ngebutuwu tindo ikokoro. ²⁴ Ibeke baku weshe meye mawar ya itoto ibeke ku ma bere . ²⁵ Abere band'uwokosho meye undenga banda, baku kobuwo, Polo kuba shosho rueye rumok'ande Pungu ndja isheke yashosho ba mama shini u profete Yeshayi. ²⁶ Yaka u batu bana u bashosh'ande buwowoko u matu mini, keke kebushi mashimbiri bi, butatar'ando mishi mini keke buashe mono bi. ²⁷ Istin'ande miteme nya batu ngawiyi bunono bakoko matu mabanda, babamba mishi ma band'ande reke ba mono ishin'ande areke ba mon'ando mishi ma banda, areke ba wok'ando matu ma banda, arke bayibe unite nya banda, areke ba barar miteme nya banda shini miyi u babereshe. ²⁸ Bunyen'ande monyo munu mua Ndjambe ba mu tomo u marondji meke kekuende banda bi muwowoko. ²⁹ Itanga ramana toto rueye runu bina yudu baku kobowo banda kutapa uya nanasha banda-banda. ³⁰ Polo kushara nono mashewe mapend u mburu yini yawikeya putushu, aweke waya batu ba bakimi ba weke wiyi umone. ³¹ Aweke bashosho maye ma buku mu bua Ndjambe ndo aweke meye mana maneke kumu Yezu-kristu ando nkomo muamukimi,bua matu aweke nkara.