¹ Bana ba mayi, tshua nguesheke ku bu shosho rueyi runu rua nendeke ntshongo mua bora Ndjambe munu mua monyiyi u Ekelezia sha Macedoine. ² U itanga reni ra wara banda u ntanda mua munene ndo u bupoto, ba ku shundu bu nyaka bua banda u ma yekere mi bikete u bora bato beke. ³ Ndi temue ndjua rueyi ru ma yekere mi bikete djini dja war'ando band u shambasha mbitiki ipu rini ra weshe band'ando nteme moko. ⁴ Ba ku tshu bondoro buik a buiki ande tshu ba yeke mboko ndjua uya puturu ando yitu ishini ku yeke bikete u bato ba bora Ndjambe bane ba wara u boro bua Yerusaleme. ⁵ Rueyi runu ngow'ka rua tok'yemene ngo pwar'yini ya wenguyiki bitu,keke bukoto ba ku ya yeke band'amene u bora Kumu, ambishi yini ba ku ya yeke u bitu u ruwondo rua bora Ndjambe. ⁶ keke bitu ku rombo muan'inyiti Tite ande i manasha ngunu mu mayekere mi bikete munu mua tap'yanda u ndeng'ayinu. ⁷ Ngo pwar 'yini ya meke buinu ra bosho u meyi mamakimi u maweshere , u rutoto, u buyebere bua meyi, u shiki bunono bua bukim'ando ruwondo ruinu a riki rini iritu, wesh'ana u wende ra bosho u kere neme muinu mu mayekere minu mi bikete. ⁸ Ka ndak' bu keresh'a bunono bi, keke ndak' bu shosho buanya bua bato beke bane ba war'ando ruwond rua runono ishini ku kere ngunu,ishin'ande a buinu ku shundj'ande ruwondo ruinu rui rua bara bara. ⁹ Ishin'ande buak'yebe ntshongo mua bora Kum'ayitu Yezu Kristo, dji she kwar'ande a wara muini biroko, ya ku ya punushu poto a moto kek'ande u bupoto buanda , buinu bu buak'bini biroko. ¹⁰ U rueyi runu ngow, ndi buye bu yek'irong'ishini ku bu wash'u meyi, u tap tow ishewe rini ra ntshamb'u mbish'dja yemene bushek'ande bu kere meyi mane ma nyemene buinu ruere ru kere, ¹¹ Kek'angow, bu ker'anana pamunu ishini ku manash' ngunu munu ngowo. bua ma war'ando manyi mamasheke ishini ku kere ngunu ngow. Keke ngam' a ngama yini, buar'ando buanya bua busheke ishini buinu u mu mamash. Keke bu mu kere pwar'yini i mono buinu ruere ru mu kere. ¹² Mbe djar'ande buiy'ando ruwond ru kere ngunu munu ngow, dji rueyi rua rusheke ndo dji rueyi runu ru ruere band weshe. Keke Ndjambe ba meke rombo ikete rini ri bere wiy'ando moto bi. ¹³ Shi nda wesh'ande bu mono ndjor'itang'rini ra nkeresheke buini bato beke meyi mamasheke bi, keke nda ngwesheke ande buinu bakimi buar'ipu imoko ¹⁴ . Keke u itanga rini ngow, buyy'ando bikete dja buiki keke buiyi ruere ru kereshe bato bane bi bere wiy'ando ikete bu. ¹⁵ Ngo pwar'yini ya pund band'ande: Yono ndjua war'ando bikete dja buiki, ka tok'war'ando djindi dja shomb'ngo bi, keke yono ndjua war'ando bikete dja bikeke a war'ando djindi dja yemene. ¹⁶ Maranga u bora Ndjambe yono ndjua yeke Tite nteme mua musheke munu muiyi ando mi buinu. ¹⁷ Ishin'ande ma weke u kere meyi mane mi nombo bit'ande yi tshi kere yiy'ande ruwondo rua buiki rua yand u bu kereshe meyi, irak'rini a mik'yand u bunu u ruwondo runu irwand yand'amene. ¹⁸ Tshu ntomo ba muan'inyitu Tite yono Ekelezia sha shikimi a mak'shindi ntonosh'ishini ngunu muanda mu shono Lushong'rua rusheke. ¹⁹ Ambishi yini , ba ku kar'ntshor'ayash'ukat'a ba Ekelezia ishini ku kere ndjend'ando yitu ishini ku yeriyi ngunu mua musheke. Djini ngow,ishini rutono rua bora Kumu yand'amene, ndo ishini ku shundju ruwond rutu ru kere. ²⁰ Tshua nkereke mapu mamakima ande bato a reke bi tshu wosho bube u ngunu munu mua nkereke bitu mu wosho biroko dja buitki dji yeke Ndjambe. ²¹ Tshua nkereke busheke bu kere meyi mamasheke, kuap pamunu u mishu ma bora Kumu bi , keke ayash'u mishu ma bato. ²² Tshua ntonok'ayash'muan'inyitu ndjuek'ando band, tshua ma nkiki shok'sha buiki keke yand yiy'ando ruwondo ru kereshe bato. Itang'rini yiyi yand ando ruwond rua buiki rua yand u bu kereshe ishini ande yand'a meke shiki nteme mua buik'a buiki u boro bunu. ²³ Ishini Tite tshui bato bamoko ndo yi mbayi'ami ndjua ngunu mua Ndjambe ishini buinu. Ishini babinyitu bane ba tomo band u boro ba Ekelezia, biyi rutono ishini Kristu. ²⁴ Keke bu ba shundj'aan ruwondo ruinu, ndo shundj' ana u ba Ekelezia ande bua meke ba wondo ,ayash'ande bunyaka buitu bunu bua meke bitu mono.ishini buinu bua kap'bua ngono a ngono bi, keke buiyi bua barabara.