¹ Ishin'ande tshuya ndo ngumu munu ndo dja bikimi tshua pete tshongo mua Ndjambe areke tshua karuwa u mbishi, ² Ureke, tshua marekere meyi ma mboko shi bushonyo ndo shuama ,keke batshua meke wara ndo manya ma mabe ,biti tshuapa ruere wono rueyi rua Ndjambe, keke tshu meke bashundju bara-bara ,biti tshua maka yatomo kuyibe meyi ma masheke ma makimi u bosho bua Ndjambe. ³ Mbe yar'ande rusanga rua rusheke ruiyi rua ripiyi mapere, ruiyi rua ripuyi mapere ubana banimeke. ⁴ U rueye rua banda, Ndjambe sha shina manu sha ma bariti mishi, ishini meyi mana bakapa a bunono bumono muanya mu rusango rua rusheke, u rutono rua Kristu yono iyiyi ndo ipua ra Ndjambe. ⁵ Ishin'ande biti ka tshuaka ya yishi biti bitamene,keke Yezu ngo Kumu ndo biti ngo bina ngunu bini ishini ruwondo rua bora Yezu ⁶ .Ishin'ande Ndjambe ya mene aror'ande Muanya mu tetemuwa ukata muini, ndo mua ma temuwa ukata miteme nyiti, ishini kuyeke muanya mu buyebere mu rutono rua Ndjambe, ukata bosho bua bora Yezu - Kristu. ⁷ Keke tshwiy'ando biroko dja nganga ukata poko shi mabombo, keke yara ndjua yeme ureke bunono bua rabasha bua bunene buiyi bua bora Ndjambe kapa ubiti bi ⁸ Tshuiyi barembe u mapa ma makimi keke shi tshuawu bushonyo, tshiuyi bamana ntanda keke katshua she bare yoro ushiki nteme. ⁹ Bu tshumonosho ntanda keke Ndjambe kashe tshu rekere bi. Bub tshubuishi ashina mana keke tshukapa ba wonyeno. ¹⁰ Tshua ntoto roko matuwu ma makimi ukata rutoko ruiti ntanda mui iwa rabora Yezu,keke monyo mua bora Yezu mu monyowo ukata toko shita. ¹¹ Biti bana tshuiyi ndo monyo, tshuiyi bayeke u mitanda nyi iwa ishini ruwondo rua bora Yezu,kek'ande monyo mua bora Yezu mu monyo wo ukata toko shiti. ¹² Ishini rueyi runu ,iwa riya ndo ngunu ukata iti,keke monyo mui y'ando ngunu u buini. ¹³ Keke tshuiyi ndo Punga ipu imoko ndja maweshere, ngo ipu rabunda banda; Ramaweshe, iraka rini rantotoko. Abiti tshuaku weshe, iraka rini tshuankaraka toto ¹⁴ Tshua nyeb'ande yono munu Kumu Yezu isthuwu-tshuwumunu abiti ndo Yezu, tshuanyebek'and iweke tshurat'ando buini u mishi manda. ¹⁵ Rueyi rua rukimi ruyi ishini buini rueyi ruini ishin'ande ngo ntshongo mua bora Ndjambe mua muamana ishini bate ba buiki, maranga ma buiki mi pupuru u rutono rua Ndjambe. ¹⁸ Iraka rini areke tshua baruwa umbushi. Tshusheke wara u rutoto ruiti ru bu moto tshuiyi ba wonyiyo,keke ukata rutoto tshuiyi ba barama rushuwu ndo rushuwu. ¹⁷ Tshini ntanda munu mua mukeke munu mui itanga rini mua kuk tshuroriyo ishini buriti bu rutoto rua shera-shere runu ruaneke ruere rua rukimi. ¹⁶ Ishin'ande biti katshuasheke rende mishi u bikete djini djamonyika,tshuameke bikete djini djameke maonyiyi. Bikete djini djamonyiki biti djiyi utanga ra rikeke , aki djini djanuke biti mono djiyi djashera-shera.