¹ Ishini miyi ramatarak'ande wu ikapa rama, ko rikara wuyi shoko ndjeke u boro buini ishini ku bumonosho ntanda. ² Mbe djar'ande ndak bu monosho ntanda, nda nguara ruere ndjakeshe miyi? Pamunu yono awokosho miyi ntanda. ³ Nda ma bupundushu nkanda, ngo ishin'ande itanga ri wiyi minyi u boro buini ,ko rikara woko pamba u bana biyi undjakesha miyi, buini bakimi buiyi bate bana banthereke miyi nteme, keke bunyaka buama buiyi ipu imok'ando bunu ibuni. ⁴ Ishin'ande ndi bupundushu ando ntanda mua buiki , ndo birere dja buki . Shi raweshe u bu monosho ntanda. U mbete ndjeke nda ngueshek'ande buyebe ruwondo rua ngindi runu ruiy'ando me ariki rini. ⁵ Mbe motoambonosho ntanda u nteme, katoko kere pa ishini miyi amene, ishini kubere shambasha makerere mana , ama rukere ishini buini bakimi. ⁶ Ma batara ma bate babuiki u ntanda mua moto yono meyi ma yereme. ⁷ Kek'angowo djiyi busheke buni mbishi ndo bu ngui ndjiri, ishin'ande karoko shashara u ntanda mua buiki. ⁸ Iraka rini ndak buwinduri u weshe u mishi ma bate ruwondo ruini ariki rande. ⁹ Runu ruiyi rueyi rua yereme iraka rini ameke miyi bupundushu , ishini kuyeb'ande mbe buaku tomuwu u meyi mana ma makimi. ¹⁰ Mbe bua rimbishi moto yono akere bube,amiyi ndake nimbushi. Mbe djar'ande nda nimbushi reuyi rueke, nda nimbishi ishini buini u bosho bua Kristu. ¹¹ Ishin'ande Satan'areke apete mboko ndja wutshurimbi, ishin'ande tshuake yebe maroriyi manda. ¹² Kumu amandipiri mboko itanga rawiyi miyi u ndenga boro bua Trowate ishini kuyishi rusanga rua Kristu. ¹³ Ipu imoko karatoko wara poro u nteme ishin'ande katomono muana'amayi Tito. Kebe rasha barekere , miku karuwa u Mashedoine. ¹⁴ Keke tshongo muara u bora Ndjambe , u Yezu yono ameke tshurata ureke meyi mana u bunono, u biti bana ameke y'ande tshaka shoro ndja isheke ndja buyebere bua meyi u mbete sha shikimi. ¹⁵ Ishin'ande bite tshuwiyi shoro ndja isheke u Kristu undenga bana biyi ba wondjowo aki bana banimika. ¹⁶ Ishini ba bana banimiki djiyi shoro ndja iwa ishini iwa. Ishini banda bana bi wondjorwo djiyi shoro ndja monyo ishini monyo. Nana anyereme u meyi mana ?. ¹⁷ Keke biti tshuakapa ngo bate ba buki bana bankapaka rueyi rua Ndjambe ishini nyingi sha banda. Ambushi yini ndo makereshe maye mbe tshua ntotoko u Kristu ngo bate batomo Ndjambe umishi ma Ndjambe.