¹ Ulo isabata likopitafye, Maria umwina makatalena na Maria inina wa kwa Yakobo,kabili na Salome bashitile ilya kunukila aka cena pa kuti bayemu suba . ² Kabili kacelo celo pa bushiku bwantashi mu mulungu,baile kumanda ulo akasuba kaletula. ³ Kabili balikulanshanya," ukuti nani alatusunkilako ilibwe ukusesha pa mweshi wa nanda?" ⁴ Kabili ulo bainamukile amenso pa mweshi, babona ukuti ilibwe nabalisunkapo, lyalikulile nganshi. ⁵ Uluntu baingile mu manda kabili babona umulundo alikele lubali ku kulyo, nafwala icakufwala icakubuta,kabili balipapile. ⁶ Naye abeba ukuti,""Mwitina. Mukofwaya Yesu,umwina nazaleti,untu baipeye.Alibukile!Tali kuno.Kamu fwayeni kucende uko mwamupishishe. Kabuyeni,mwebeko abasambi bakwe na ⁷ Petelo,`Alimitangilileko mwebo ukuya ku Galile.Kulya mukoya mumona,ngafintu amwebele." ⁸ Eico ulo bafumine mu manda;bali butuka ico balekankafye,nacibapesha amano.Olo tabaebeleko umuntu nangu umo ifyacitikile,pantu bali nomwenso. ⁹ Ilyo ashukukile kacelo celo pabushiku bwa kutampilapo mu mulungu,panuma yakushukuka,alimonekele Maria Magadelena,uo afumishemo ifiwa cine lubali. ¹⁰ Nao kabili aile shimikila abali na Yesu,ulo balelolesha no kulila . ¹¹ Lelo ulo baufwile ukuti ali uwa mweo na kambi nokuti alimoneka kuli ena,tabasumine. ¹² Kabili panuma yaifyo ifintu,amoneke mu misa ngo ibili iyaibela luntu baliukwenda bakoya ku mishi. ¹³ Kabili bali bwekelemo nokuya kulondolola abasambi,lelo tabasumine. ¹⁴ Yesu ulo amonekele ku basambi abali ikumi na babili ulo bali pa tebulo,nakabili alibakalipile pakukana tetekela no kulema kwamitima pantu tabasumine no sumina nakuli abo abamumwene luntu abukile ukufuma ku bafwa. ¹⁵ Kabili abebele ati,"Kabuyeni pe sonde ponse,nokutanda ilandwe ku cilengwa conse. ¹⁶ Uwasumina no kubatishiwa akapusuka,lelo ushakasumine akasekwa. ¹⁷ Ifi fipesha mano mukaya ukufimo na kubakasumina: ;Mwishina lyandi bakaya ukutafya ifibanda.Bakaya ukulanda ifitundu fipya. ¹⁸ Bakaya ukwikata insoka ku minwi yabo,kabili nga banwa ifipaya,tafyakabacite nangu kantu. Bakatambalika amaboko pabalwele,kabili bakaya ukupola. ¹⁹ Awe ulo Shikulu Yesu akopwisha ukulanda,asendelwe kumulu no kuya kwikala ku kuboko kwa kukulyo kwa Lesa. ²⁰ Luntu abasambi bali ukufumako kabili bali ukufunda konsefe,luntu Shikulu wafumine kuli bena nakabili calisuminishiwe ukupitila mufisungusho ifyo alikwenda nafyo.