¹ Uuku ekutala kwambila nsuma yakwa Yesu,umwana wakwa Lesa. Ngafintu calembwa mu Esaya kasema," ² Boneni, nkontula kabila kuntanshi yenu, uyo ukopekanya inshita yenu. ³ Ishiwi lyaumo ililekuta mumatololo,petanyeni inshila shakwa Shikulu;pangeni inshila shakwe ishaololok." ⁴ Yowani alishile,akobatisha mumatololo kabili alekushimikila palubatisho lwa kulapila napakubelelwa imembu. ⁵ Icalo conse ca Yudeya na bantu bonse aba muyelusalemu balile kuli wene.Balibatishiwe kuli wene mu mulonga wa Yolodani,balekulapila membu shabo. ⁶ Yowani afwele umwingila wamasako yangamila walekakaumushipi nomushipi wampapa ku musana,kabili alelya bamakanta no buchi bwa mumpanga. ⁷ Alelekubila ati;"Umo akoisa panuma ulikwatishepo amaka ukuncila ;Shawaminwa ukukakula imishingo shapa njato shakwe. ⁸ Ine nkomibatisha namenshi;lelo akamubatisha na mupashi wamushilo. ⁹ Catitike muli shilya nshiku Yesu alishile ukufuma ku Nasaleti ku kalileya,kabili walibatishiwe kuli Yowani mu Mulonga wa Yolodani. ¹⁰ Ilyo Yesu atumpukile mumenshi ,amwene imyulu yaisuka kabili na mupashi wamushilo waikile pali wene ngo lukunda. ¹¹ Neshiwi lyafumine mumulu,"ulimwana wandi uyo mbekelwamo." ¹² Elyo mupashi wamushilo wamutungwilile ukuya mumatololo. ¹³ Wali mumatololo amakumi yane,aleeshiwa kuli satana.Wali nenama shampanga,elyo abangeli bali mwafwile. ¹⁴ Nomba panuma yakwikata Yowani,Yesu alishile mu kalile alikushimikila imbila nsuma uakwa Lesa. ¹⁵ Asosele,"Inshita ilifikilishe,kabili ubufumu bwakwa Lesa bulipaleme.Lapileni nokusumina mbila." ¹⁶ Ilyo alikupita mululamba lwa bemba wa Kalile, wamwene Simon na Andeleya ndume wakwa Simon walelola isumbu munika, pantu bali balondo ba nswi. ¹⁷ Yesu wasosele kuli bo, "Iseni, nkonkeni, kabili nkomicita ukuba abalondo ba bantu." ¹⁸ Elyo palya pene balishile amasumbu yabo nokumukonka. ¹⁹ Ilyo cilya Yesuaendeleko akatalamukila panono, amwene Yakobo umwana mwaume wakwa Sebeti na Yowani munina lyakwe, bali mu bwange balekulunda amasumba. ²⁰ Alibetile elyo basha wishibo Sebeti na babomfi mu bwange kabili balimukonkele. ²¹ Kabili baishile mu ka Penamu, Pesabata, Yesu alingile Mu Sinagoga alefunda. ²² Balisungwike nganshi pafyo alekufunda, pantu alefunda nga umo uwakwete insambu ukukana ba na bakalemba. ²³ Ilyo line umuntu uwali mu Sinagoga uwali no mupashi wakowela alipundile, ²⁴ noku sosa, "Nindo ukofwaya ukucita na ifwe, Yesu waku Nasareti? Waisa mukutonaula? Ndikwishibile. Uli wamushilo wa wakwa Lesa." ²⁵ Yesu alikalipile umupashi, elyo asosa, "Ikala tondolo no kufuma muli wo!" ²⁶ Elyo umupashi wakowela wamuposele panshi wakuta ne shiwi ilikalamba elyo wamufumamo. ²⁷ Ababntu bpnse balipappile, elo balakuipusha, "Nindoiyi? Iyi mifundile ne nsambu! walekalipila ne mipashi shakowela kabili shilemunakila!" ²⁸ Ne mbila pali wo yalisalanganishiwe mu citungu conseica Kalile . ²⁹ CIlya bafuma mu Sinagoga, baishile mu ng'anda yakwa Simoni na Andeleya,bali pamo na Yakobo na Yowani . ³⁰ Nomba banafyala bakwa Simoni balilwele impepo. Elyo baebele Yesu ulwa pali bo. ³¹ Eico aishile, alimusendele, pa maboko, elyo amwimya, impepo yalimufuminemo, kabili alitampile nokubapekanishISha bo. ³² Cilya caba icungulo ilyo akasuba takalati kwingila, baletele abantubonse abalwele kuli wo nabali ne mipashi ya kowela. ³³ Umusumba onse walongene pamo pa mwinshi. ³⁴ Alekuposha abengi abali na malwele ayalekanalekana, elyo nokufumya impipashi yakowela iingi, Lelo talekusuminisha mipashi ukulanda pantu shalimwishibe. ³⁵ Alibukile bwangu, ulo pacili napafita, alifumine nokuya ku ncende aliko eka elyo alekupepa. ³⁶ Simoni na bali nankwe balikumufwaya. ³⁷ Balimusangile elyo basosa kuli wo, abati, "Abantu bonse bakokufwaya. ³⁸ Asosele, "Lekeni tulekuya kumbi, mumishi yashinguluka, pakuti, nkashimikileko na kulya kwine. Ecilengeleukwisa kuno." ³⁹ Alishingulwike mu calo ca Kalile, alikushimikila, na mu ma Sinagoga yabo alekutamfya, nemipashi yakowela. ⁴⁰ Uwafibashi alishile kuli wo, Alekumupapata; alitibile panshi elyo alanda kuli wo, "Ngolitemenwe, kuti wamposha." ⁴¹ Yesu aikatwa nobulanda, elyo atambalika ukuboko kwakwe kabili amwikata alandile kuli wo, "cisuma nditemenwe. Pola " ⁴² Apopene nefibashi fyalifumine kabili alipolele. ⁴³ Yesu alimusokele no kumweba ati, kabuye. ⁴⁴ Alasosele kuli wo, "wilanda ku muntu uuli onse, lelo kailange kuli bashimapepo uye, tuula no mutulo uo Mose amikonkomesha, kuti cibe bunte kuli bo." ⁴⁵ Alifumine no kwananya amashiwi palwalala, icakuti Yesu afilwa ukwingila mumishi pamulandu wa mabumba, lelo alekwikala ku ncende iyafisama. Lelo nalyo line ababtnu balekwisa uko ali ukufumafye ukuli konse.