¹ uyesu akatilap pa buyo bula nukuya kukaya ka yudeya po akaloboka ulusoko , lwa yolodani , abandu abingi bakisa kukwake akabamanyisya sona ngati mo akabamanyisiksya bwila. ² Po abafalisayi bakisa kukwake pakumughela bakati , chibibi uku ukumusosya umwanakasi?'' ³ akamula.'' uMose akabalaghilaki?'' ⁴ Bakati,'' u Mose akati umwanalume alembaghe ukalata wa kusokela nukumupa ukuti abwelaghe'' ⁵ Ichi chichifukwa chabukafu bwa myoyo ukuti abalembele umwe ululaghilo ulu'' uyesu akababusya akati ⁶ , lori ukwand a kubwandilo bwabupeli uchala akabapela umwanalume numwanakasi ,'' , ⁷ Pachifukwwa chichi umwalnalume akwisa pakuleka uwise nung'ina po bakwisa pakulematilama numukasi wake ⁸ po babili bakwisa uka mubili ghoka , ⁹ po fyo uchala afikolesania poka nayumo nayumu umundu uwakulesenia ' ¹⁰ Bo bali munyumba abamanyili bake bakisa bakalalusya sona sisi , ¹¹ Akababusya akati besi yo akumusosya umukasi wake nukwegha umwanakasi uyungi kokuti ukolowa. ¹² Pala akamusoka umulume wake , wepe akulowa. ¹³ Po bakisa nabamna abanandi kukwake ukuti abapalamasye lor abamanyili bakabakela,;lori uyesu ¹⁴ bo asyania isi akayugha kukwabo akati , baleke abana bise kukwangu manye mubakanileghe pakuti ichitangalala chakumwanya chabo, ¹⁵ Nalori ngubabula ukuti yo aytangapokela ubutwa bwa bwa chala ngati bana abanandi,atakwisa pakwingila . ¹⁶ po akabegha abana nukubanyamula munyobe po akabasya akababika inyobe syake pamutu pabo. ¹⁷ Bo akanda ubulendo bwake , umundu nayumo akamukindilila kwa yesu nukumufughamila bokali atamulalusisye, '' mumanyisi umwisa , ningabomba choni ukuti nga bwaghe ubumi bwabwilabwila?'' ¹⁸ U Yesu akati , choni po ukunyitisya nukuti mumanyisi numwisa ? nayumlo umwisa mwene yo chala basi ¹⁹ , Usimenye indaghilo,' manye ukomaghe , manye uhulalaghe , manye wibaghe, manye upelekele ubukaboni bwa bumyasi manye ube mulyalya , uchindike ughoso nu mayi wako,'' ²⁰ umundu yula akati , ''mumanyisi ifindu fyosi ifi fisungite ukufuma ko kubwandilo bo nemwana'' ²¹ Yesu akisa amutesya umundu yula sona akamughana. Akati kukwake , ukwaghilwa ichindu choka uye ughulisye fyosi fyo ulinafyo ubagawile abapina , potubabe nifyuma kumwanya posagha ungonge ,'' ²² Chifukwa cha masyu ngati agha umundu yula atakahoka akafumapo mwakukalala chifukwa akaba nifyuma fingi ngani. ²³ U Yesu akisa atalangania po akayugha kubamanyili bake , chipala ngani umundu umukabi ukwingila kuchitangalala chakumwanya cha chala! ²⁴ Abamanyili bakisa basyihgha namasyu ghake , loro uYesu akati sona kukwabo, '' bana bangu chipala ngani ukwingila kuchitangalala chakumwanya kwa chala. ²⁵ Chipepe ukuti ingamila yingile pa piliso lyasindano ukulusya ukuti umundu umukabi ukwingila muchitangala cha kumwanya,'' ²⁶ Bakaswigha ngani nukwanda ukuyughisania uyu benebene.'' ²⁷ U Yesu akabaketa akati , kubandu bene chipala lori kwachala chipepe .Fyosi ifindu fipepe nu chala.'' ' u ²⁸ Pitala akanda ukuyugha nawe , '' keta tulekite ifundu fyosi tukukongite uwe' uyesu.'' ²⁹ U Yesu akati nalori ngubabula nayumo umundu yo akekite inyumba yake pamo umukulu pamo umuyemba pamo ung'ina pamo uwise pamo awana pamo amalo chifukwa chakundonda une namasyu amisa . ³⁰ weni yo te akapokele 100 ifindu ifingi muchisu ichi inyumba , nabakamu , nabayemba, nabamayi , nabamalo , indamyo, nichisu ichi fikwisa pakuba fya bwila. ³¹ Lori bosi bo babwandilo bakuyukuba ba bumalilo ,ababumalilo bakuyukuba ba bwandilo ³² Bo bali musila bakuyu ku Yerusalem , u yesu umwene akatangilapo . abamanyili bake bakaswigha. nabo baka munyuma mwake ubogha bukisa bwabakola , po uyesu akisa abegha 12 bala palufu sona akanda pakubabusya fyo kuya pakubobombiwe kukwkwe mwalululu;. ³³ Keta tukuyap pakukwera mu yerusalemu , po umwana wa mundu akwisa paku wikiwa kuwaputi abasongo nabamyakalata bakwisa pakulonda uti bamughoghe po bakwisa pakumubika mubandu bo te bayuda, ³⁴ Tise bamunyoze, tise bamufwinile amati nukumuchapa ningomo nukumughogha lori pala amasiku ghakwana matatu asukusyuka ³⁵ U Yakobo nu Yohani abana ba zebediya , bakisa kukwake , ''mumanyisi , twalonda utubombele fyosi fyo titusume . ³⁶ Akayugha kukwbo akati ,. '' fyoni fyo mulonda mbabombele? ³⁷ bakati utwitikisye ukuti twikale twebosi mubukulu bwako weka kunyobe indilo umunine kunyobe indilo, ³⁸ UYesu akabamula akati , mutakufimanya fyo mukusuma mungang'wela ukomechi yo tinga ngw'elemo pamo , nulusyo lo nosiwe numwe timosiwe? ³⁹ bakayugha kukwake bakati tungabomba,'' uyesu akayugha akati . ;;ukapu yo ngung'wela weyon timukang'wele, nulosyo longosiwa . numwe timukosiwe, ⁴⁰ Lori uwakuti ikale kunyobe yangu iya ndilo pamo iya syomi teneningamupa lori fya bamo bo yumo abasengulire,'' ⁴¹ Bo abamanyili bamo 10 bapulika ngati isi , ,bakanda ukubakalila aba yakobe nu yohani , ⁴² U Yesu akabitisya kumbali nukuti , '' musimenye ukuti bobo bayughiwa ukuba balaghili babandu bobeteba yuda bali namaka pabandu babo, nabasongesyasongo bope bali nubulaghili papabo ⁴³ Lori sitakwisa kuba bubu kwa umwe , ⁴⁴ lori wesi yo akulonda ukuba wesongo panu momubelire akulondiwa abe mutumwa wa bosi. ⁴⁵ Pakuti umwana wamundu atakisila ukuti bamubombele loli ukuti ubabombele nukwipa ubumi bwake ukuti abapoke abandu abingi, ⁴⁶ Bakisa ku yeriko , bo afuma muyeriko nabamanyili bake nubwingi bwa bandu , umwana wa Timeyo , we akaba ,umufwamaso ikikala musila nukusuma, ⁴⁷ bo ifwa ukuti we Yesu bamunazareti, akanda jukukuta ukuti mwana wa Deveti mbelera ichisa , ⁴⁸ Abandu abingi bakamukamela umufwa maso yula , bakamubula ukuti abe myee, lori akakolomoka ngani, uYesu umwana wa Daveti akisa akamupelera ichisa . ⁴⁹ U Yesu akimilila nu kumulumula uti bamwitisye , bakamwitisya umwafwa maso nukuti kiba imilira! akukwitisya'' ⁵⁰ Akisa atagha umwenda wake , njukunyela nukubuka kwa yesu. ⁵¹ UYesu akamwamula akati, ukulonda ngubombeleki ?'' umundu ufwamaso yula akti, Rabi, ngulonda mbokele ukupola po ⁵² uYesu akamubusya akati ,'' buka ulwitiko lwako lwakuposya'' nalubilo akisa akeya sona, po akanda pakumukonga musila.