¹ Paulusi, muapositola wa Jesu Kilesite mu kuhima kwa Nyambi, kwa ana Nyambi owakenu o, ku efese, awo ana kulupela kwa Kilesite Jesu. ² Shihemo no kuliyala kutunda kwa Nyambi Tata wetu no Fumu Jesu kilesite kukale nenu. ³ Nyambi Tata wa Fumu wetu, Jesu Kilesite a shangaliwe, ou natu fuyauthza no ifuyauthzi yoihe yo mupepo yo kuwilu kwa Kilesite. ⁴ Nyambi natu hangula kuma tatekelo okaye, eci tukale wo wakenu no kupila kunyathzahala pa meho enji mushihemo. ⁵ Nyambi watuhimine. Mukonda oku hanguliwa kukala ana ko Jesu Kilesite, kuthza mu shihimo shenji sho shiwa. ⁶ Kuleliwa kwetu eci tushangale shiemo shenji ana tupu kenge ofoci ahima. ⁷ Ko Jesu Kilesite tuna yoishiwa mu unyinga wenji no kukwatela omango wetu, kuthza mu ufumu o shihimo shenji. ⁸ Ona kulisha eshi shihemo ku kwetu ko unyanyami wowuhe, no ku yuvishisha. ⁹ nyambi natu monisha kukwetu, kuthza mukuhima kwenji, kuthza kweshi namushiloisha, kalo eshi na monisha kwa Kilesite. ¹⁰ Mu kumona shikati shina kwana, sho kuleta yoihe inu pofoci, yoihe yo kuwilu nopa kaye, mushi thzenji, shanga kilesite. ¹¹ Kwa Kilesite natu hanguliwa ko kuhima kwenji, shiwa kuthza mu ma hanekela enji oyu nakwama inu yoihe mukuhima kwenji. ¹² Nyambi ona tuhangula kukala a shemwa neci atwe tuna kala omutangi kukulupela kwa Kilesite, shakukale sho kushangala kuethza kwenji. ¹³ Kwa Jesu, namwe, ou mwa yuvile liywi lyo shemwa, liywi lya kuyoya kwetu, mwa tawile kukwenji no kupiwa mupepo oukenu ou nowa kulupelishiwile, ¹⁴ elye oku kalelela mu ushwana wetu kupitela ou a kuyoisha kowa ana lifumena, eci ku shangaliwe kutethzima kwenji. ¹⁵ Mukonda ko kengeyo, kutunda ou nayuvile shitawo shenu kwa Fumu Jesu no shihemo shenu ko wanu wahe owakenu a Nyambi, ¹⁶ kani shiie kulombela Nyambi mukonda wenu ou ni namitoyo muilombelo yange. ¹⁷ Nalombela eci Nyambi wa Fumu wetu Jesu Kilesite, Tata o miethso, kenge mipa mupepo o nyanyami no kuhokola maano oku mulimuka. ¹⁸ Nalombela eci meho o micima thzenu amone, eci mulimuke shikulupela eshi munesheliwa no ofumu wenji wo kutethzima ou oku shwana ana Nyambi o wakenu. ¹⁹ Muilombela yange nalomba eci mulimuke okolo o maci thzenji kukwetu tuna litawa, kuthza muikwama yo ukolo yo ukulu wenji. ²⁰ Oliyo machi okulipitula nao Nyambi akwamishile ou a pindukile Kilesite ku kufa no ku kala kulyoko lyo shilyo muivaka yo kuwilu. ²¹ Na kala Kilesite kokule pehulu thza muvuthso wowuhe no okolo o ufumu, no lithzina hakuishiwa. Kilesite kenge a kuvuthsa, kali mu shikati shino pohuma, unone no shikati shikeya. ²² Nyambi ona paka inu yoihe mushi thzo maulu a Kilesite no kumupa muma keleke eci akale mukulu muinu yoihe. ²³ Keleke yoliyo elema yenji, myalishelela woku ya lishelela yoihe.