¹ Mwapa omukwa kuhimiwa Gaiusi, oyu ni hima nene shemwa. ² Akwa kuhimiwa, nalombela nene eci inu yoihe iende nawa ci nowe nga oliyale, eci omu ina endela nawa inu mu myoyo woe. ³ Naniloela nene apange apa nanipa opaki woe shemwa, eci omuona endela mu shemwa. ⁴ Kanili no shinyanyu kalo shoshikulu eci eshi, pa kuyuva ci anange poenda mulikun'wa lyo shemwa. ⁵ Mukwa kuhimiwa, oli tanalishe mushitawo ngeci po wa kwamena apoe nji anu awo ⁶ awo apa- opaki oshihimo shoe mukaci ko chechi. Otende nawa kuwa ambela ci athze mu miendo thzo komu ana himena Nyambi, ⁷ mukonda ko lithzina eli nalileta eci athze, kokukana kushimba shinu mu ungi wanu. ⁸ Nehoni atwetwa loela kutambula yoihe yo kuningaci twaheno twa kukale aka kukwama oshemwa. ⁹ Nanin'olela imweya kushiwano, ambene Diotilefesi, oyu nahimi kukala kusho mukaci ko, kaatu tambulile. ¹⁰ Apa nakukeya, nafota kuna mona eyakwama, atu lundela yo kwithsa ko maywi oa mango. Katuifotile yo, kaakanine pohuma yo kutambula apetu, ambene akanishanga nawa yafota kutambula apetu no kuwa tundisha pa chechi. ¹¹ Akwa kuhimiwa, mwa temununa yoimango ambene mutemunune yoiwa. Oyu kwama yoiwa po yoloyo ahima Nyambi, awa kwama ommango po katweshe kumona Nyambi. ¹² Demetiliasi natambula opaki kutundelela kwanu wowahe kuthza ko shemwa. natwe kalo natupa opakiwenji, kalo natwe muna limuka ci opaki wetu powa shemwa. ¹³ Nakala no inu yoingi yo kumin'olela, ambene kanihimine ci ni imin'olele no shin'olisho sho ingi. ¹⁴ Ambene nafota kulimona nenu wangu, kuninga ci twakuna ambaule okutuli pofoci. ¹⁵ Kuliyala kuikale nenu. Aenjange ami vumenena. Muvumenne na enjetu awali oko kolithzina.