¹ Paulusi, na Silubanasi, na Temotea, kun'olela keleke thzo Tesalonika thza Nyambi Tata wetu no Fumu Jesu Kilesite. ² Shihemo shikale nenu no kuliyala itunda kwa Nyambi Tata wetu no kwa Fumu Jesu Kilesite. ³ Twa loela shikati shoshihe kukandelela kwa Nyambi mukonda wenu apetu kokuli tumela, mukonda kulitawa kwenu kwa kula nene, no shihemo mulinasho kwa enjenu shaka thzo kula. ⁴ Ngapo tulishangala kenu mu makeleke a Nyambi ko kulitawa micima kwenu no ku litawa kwenu mu makando enu, no kulikalala eli mulinalyo. ⁵ Ou po ombangi okatulo thzothziwa thza Nyambi, eci mukale anu owawa mumuvuthso wa Nyambi, ou munyandela. ⁶ Mukonda ya shemwa, kwa loela Nyambi eci a hushele makando koa aminyandisha, ⁷ no kutulumwishisha awa awa ananyanda ou akutunda kuwilu no mangeloi enj oshongi ⁸ mumalimi omulilo, henge akuhumbisha wahe awa anakana kulemeka evengeli thza Fumu wetu Jesu . ⁹ Henge aku nayndela makando okukana kupwa kokule no shihanga sha Fumu no kutethzima kokolo wenji. ¹⁰ Henge akkuikwama ou akukeya kelyo liyuwa henge shangala anu wenji o wakenu no kuloela kwawa analitawa mukonda ombongi wetu kukwenu hime nautawiwa. ¹¹ Mukonda wei, natwe katu tulumwishangile ku milombela, eci Nyambi amikwame anu okuloela myoyo ou ana mishela no kokolo wenji ayalishele ehima yenu yo kukwamena kulitawa kwenu. ¹² Twalombelela eci lithzina lya Fumu wetu Jesu lishangaliwe kenu na mwe mumwenji, kuthza ko shihemo sha Nyambi no Fumu wetu Jesu Kilesite