¹ Ishamo kuli nebo! nabo koti ku bunganya kwa fisepo fya mu mainsa, kabili koti fisabo ici batubula; tapolipo icisankuta ca fisepo ica fyani uo umweo wandi ungatemwisha. ² Aba lucetekelo balishilile mu calo; ta oaswelepo umulingeme pakati ka bantunshi bonse bali lele ukupenimbelelela ukusumya umulopa; cila umo umo uukubesha umu kwabo ne sumbu. ³ Amaboko abo ali waishe mukucita icibipile; Abalukuteka bali kwipusha ifya buboni umupingushi alilibambile ifya mashika kwanwa, aba makosa bakushimikila abantu pakuti uku fwaisha kwa mutima wabo pakuti pali fyefyo balabombela pamo mukubifya. ⁴ Abawamishe pali bo bali koti liluba ili likusonsa, aba cilile ukuwama bacilapo napa cakucilila ica myunga. buli bushiku ubwa labillwe na malonda obe, ubushiku bwe pensho lyobe. Bukumo nimpindi yabo iya finfulunganya. ⁵ Tekwesha ukucetekela umwina mpalamano uuli onse; tekwesha ukubika icicetekelo mumu byobe uuli onse. Neli kufuma ku mwanakashi ulalamu ca ku cicila cobo icakwingilila mukanwa kobe. ⁶ Pakuti umwana umwalalume alansha bawoshi insoni, umwana umwanakashi alabukila ba nyina fyala. Aba lwani ba muntu bantu abo eshi bwino. ⁷ Sombi kili nebo, nkalolesha kuli ba Yawe. Nkabapembela ba Lesa pa kupuluka kwandi; ba Lesa ba ng'umfwa nebo. ⁸ Teku sangalalila pali nebo, mweba lwani bandi. Kani nkawe nkama ba Yawe bakaba ninyele pali nebo. ⁹ Pakuti nalibilile tinta pali ba Yawe. nkapokelela ubukali bwabo ukufikila baka papatile umulanda wandi nekubika ubupingushi pali nebo ba kambwesha mulubuto nkabona ubulungami bwabo. ¹⁰ Eli umupate wandi akabona, nensoni shikesala pali uyo uwalabile kuli nebo, "mba ba Yawe Lesa obe bali pi?" Amenso yandi akalollesha pali ye; akanyata ulwapo koti natipa mu nshila. ¹¹ Akasuba ka kwibaka ifi bumba fyenu kalukwisa; pali kaka kasuba imipaka ikalundwa ukutali makosa. ¹² Pali bubu bushiku abantu bobe bakesa kulio webo, ukufuma ku Esha na mu misumba ya ku Igiptiti; ukufuma ku cishiba naku cishiba nekufuma kulupili nakulupili. ¹³ Sombi mpanga ikashala masala pakuti pa bantu aba lukwikala uko pa mulandu wa fisepo fya micito yabo. ¹⁴ Embeleni abantu benu nenkonto, itanga lya bu pyani bakekala benka pakati kampnga iya mwemfu. ¹⁵ Balekele baye ku Bashani na ku Gilidi koti ninshiku sha kale. Koti ninishiku isho mwafuminemo mu mpanga ya Igipiti nkabalangisha ifi papwa. ¹⁶ Imishobo inkabona kabili ikomfwa insoni pa makosa abo. Bakabika amaboko pa tunwa twabo; amatwi abo akakoma. ¹⁷ Bakanyanga iloba koti ninsoka koti fintu ifilengelwe ifikalaba pa calo ca panshi. Ba kabuma mumisumba yabo ne mwenso bakesa ne mwenso kuli mwebo ba Yawe ba Lesa wesu. Kabili ba katina pa mulandu wa mwebo. ¹⁸ Baniwisa Lesa uuli koti ni mwebo uulinta ifibipile, uupita pa fibipile fya ba shelepo aba bupyuni bwakwe? tekacapo no bukalli bwakwe umuyayaya pa kuti ala sangalalila mu cipangano cakwe icabucetelelo. ¹⁹ Ukakwata nkumbu pali fwebo nakabili; ukanyantala ifibipile fyesu panshi ya makasa obe. Ukkaposa fibile fyesu fyonse panmshi apatali pa cinika. ²⁰ Ukapela bufishishina kuli Yakobo ne cipangano ca lucetekelo kuli Abulamu, ilyakulapo ku fikolwe mu nshiku ishakale.