¹ Bukumo, iseni pamo mu filwino fya nkondo, mwebana abanakashi aba shilika! baluku fwaya ukututapa fwebo! nekoli bapama umupingushi waku Isilaeli pa mukoshi. ² Sombi webo, Betelemu Efi Lesa, nangaba ati uli munini pa fi tentekwa fya benu juda, ukufuma pali mwebo umbi akesa kuli nebo mukuteka mu Isilaeli, uyo uwatatikile ukuteka akale, ukufuma ku muyayaya. ³ Pakuti pali fyefyo Lesa aka bapekesha ukufikila impindi ili uyo uuli mukupotwa akafyale umwwana, ne bakwabo bonse, bakabwele ku bantu baku Isilaeli. ⁴ Akemakana nekucema itanga lyakwe muma kosa aba Yawe, mumakosa eshina lya na Yawe Lesa wakwe baka shala, pali fyofyo akaba wamakosa ukufika kumpelo ya calo. ⁵ Akatupela umutende, ili abasilya bakesa mumpanga yesu ili ba kalukwisa mu fya busingo bwesu, lomba tukabemina bakacema basano na babili eli nentungulushi basano na ba tatu paba lalume. ⁶ Paka cema impanga ya bena Asillya ne mpoko, ne mpanga yakwe nimulodi ku mingililo. Ka tupulusha ukufuma ku bena Asilya, ili bakesa mu mpanga yesu, ili bakalukwingila mukati ka mipaka yesu. ⁷ Abashelepo abakwe Yakobo bakabauwa kufuma kwiulu, koti musemembe ku fyani ita pembelelapo umuntu, kabili tai pebelelapo umwana wa muntunse. ⁸ Abashelepo abakwe Yakobo bakaba pakati ka moshibo, pakati ka bantu abengi koti ninkalamo kapakati kanama isha mu mpanga, koti ninkolamo iyanike pakati ka matanga ambelele. Kani apita pakati pali bo, ku ba nyantala ne ku baputaula mu fipeswa, kabili ta pakabapo neli umo uwakubapulusha. ⁹ Ukuboko kobe kuka suntulwa pa ba lwani bobe, kabili kuka bonaula. ¹⁰ "Fikacitika pali bububushiku" - uku ekulabila kwa ba Yawe - "lomba nkonaula bakafwalo benu ukufuma pali mwebo kabili nkonaula baka fwalo benu. ¹¹ Nkonaula imisumba mu mppanga yenu ne kuiwisha monse umo mukwatila amakosa. ¹² Nkonaula infwiti mu mpanga yenu, kabili tamu kakwatapo abalaye. ¹³ Nkonaula ifya kubasa fyenu fyonse ne mpanga shenu ishamabwe ukufuma pakati kenu. Tamukatembelepo libili ukubomba ukwakufuma ku minwe yenu. ¹⁴ Nkashula impanda shenu isha Ashela ukufuma pakati pali misumba yenu. ¹⁵ Nkabwesha ici landushi mu bukali na mukukalipa pa mushobo ita yakwete ukunfwa."