¹ Nkandabila, "pano, umfweni, mwentungulushi shakwe Yakobo na mwe mwebatekeshi bakwa isilaeli; kanshi tacilungemepo mwebo ukumfwa umulinganiya? ² Mwebo mwebapata iciweme ne kutemwa ububi, mwebo mwebalepula nkanda, ne mibili ufuma ku mafupa- ³ Mwebo mwebalya imibili ya bantu bandi, mulalepula inkanda, nekutoteba amafupa, nekufiputula mufipinswa, koti ni nama mumpoto, koti ni nama umubabika. ⁴ Pamo mwebo mwebatekeshi mukalila kuli ba Yawe, sombi tabakamwasukapo. Bakafisa icinso ukufuma kuli mwebo pali ilya mpindi, pamulandu wa fibipile ifya mwacitile." ⁵ Ba yawe balabile fi, "kuli mwebo ba kasesema mwebatungulula abantu bandi munshilashimbi kani umbabapela ifyakutibalya, balalabila, umutende, sombi kani tababikilepo ifintu mu tunwa, balilipele abene amalipilo yankondo kuli ye. ⁶ Pali fyefyo, cikaba bushiku kuli mwebo ukwakubula icimonwa pali mwebo; pakafita ili tamukacitapo ifyakubuka. Ne kasuba kakawa panshi pali ba kasesema , ne kasuba kakafita pali bo. ⁷ Ne bakubona bakalengwe insoni, nebakwiula bakasebana. Bonse pamo bafimba imilomo yabo, pantu takkabapo ubwasuko ukufuma kuli ba Lesa. ⁸ Sombi kuli nebo, ndiswilemo amakosa ya mupashi waba Yawe, ne kwisushiwamo ne mulinganya, ne makosa, yakulabila kuli Yakobo pafibipile, na kuli Isillaeli ukubifya. ⁹ Pano umfwa kuli fi mwentungulushi wa mu ng'anda yakwa Yakobo, ne mwebatekeshi bamu ng'anda yakwa Yakobo, mwebo mweba nekasusha umulinganya, ne kwalula fyonse ifilifilungeme. ¹⁰ Mwakula Zioni ne mulopa na Yerusalemu icibipile. ¹¹ Intungulushi shenu shilapingula amafisa kanwa, ba cipupila wenu balasabisha pa malipilo, na ba kasesema wenu balacita ifya kubula ifya ndalama. Ili mulukushintilila pali ba Yawe ne kulabila, "Kanshi ba Yawe tabalipo na fyabo? Takupo ububi, ubukesa pali fwebo." ¹² Pali fyefyo, pakuti mwebo, Ziioni akakuka libala ulyalimwa, Yerusalemu akaba ulupili koti fintu ifibumbilwe, ne lupili lwetempule lukaba peulu koti pantu apasakile.